ဘ၀ပညာ

Written by အရှင်သံဝရာလင်္ကာရ (ဓမ္မပိယဆရာတော်)

Grand Mom

ပညာဟုဆိုလိုက်လျှင် အတန်းပညာ၊ ကျောင်းပညာကိုသာ ပြေး၍ မြင်ကြ၏။ အမှန်စင်စစ် ပညာဟူသည်မှာ အလွန်တရာပင် ကျယ်ပြန့်လှ၏။ ဘ၀ပညာဟူသည်မှာ အတန်းပညာ၊ ကျောင်းပညာနှင့် မလုံလောက်၊ အဆင့်မြင့်ပညာတွေတတ် မြောက်၍ မဟာဘွဲ့၊ ပီအိပ်ခ်ျဒီ စသည်တွေရစေဦးတော့ ပညာပြည့်စုံပြီဟူ၍ မဆိုနိုင်သေးချေ။ ကျောင်းငယ်၊ ကျောင်းကြီး၊ တက္ကသိုလ်အသီးသီး တို့မှရသော ပညာသည် ဘ၀ပညာ၏ နိဒါန်းမျှသာ ရှိပါသေး၏။

ဘ၀မှာ အနေတတ်ဖို့ အရေးကြီး၏။ အနေတတ်နည်းပညာသည် ဘ၀ပညာပင်ဖြစ်၏။ ဘ၀ကို ဘယ်လိုထူထောင်မလဲ။ ဘ၀ကို ဘယ်လို အကောင်အထည် ဖော်မလဲ။ ဘ၀ကို ဘယ်လိုအသုံးပြုမလဲ။ ဘ၀မှာ အနှစ်သာရရှိရှိ ဘယ်လိုနေထိုင်မလဲ။ ဘယ်လိုနေမလဲ။ ဘယ်လိုသေမလဲ။ နေနည်းသေနည်း နှစ်ခုလုံးကို နားလည်သောပညာသည် ဘ၀ပညာ ဖြစ်သည်။ ဘ၀ပညာသည် ဒဿနိက ပညာတစ်မျိုး ဖြစ်သည်။ စာပေပညာအပြင် ကိုယ်ပိုင်ဘ၀ကပေးသော ကိုယ်ပိုင်အတွေးအခေါ်၊ ကိုယ်ပိုင် အယူအဆဟူသော ဒဿနိကပညာဟု ဆိုက ပို၍နီးစပ်၏။

ကိုယ်ပိုင်အတွေးအခေါ်ဟု ဆိုသော်ငြား စင်စစ်အားဖြင့် စာတွေ့လေ့လာ၍ ကိုယ်တွေ့နှင့် ညှိနှိုင်းပြီးမှ ထွက်ပေါ်လာသော အတွေးအခေါ် အယူအဆပင် ဖြစ်၏။ သိပ္ပံပညာ၌သော်မှ တီထွင်မှုဟူသည် ရှိပြီး အကြောင်းအရာ ပစ္စည်းပစ္စယ တို့ကို အ ကြောင်းခံ၍ ဆောင်ရွက်မှုမျှသာဖြစ်၏။ ထိုကဲ့သို့ပင် အတတ်ပညာ၊ အသိပညာတို့ကို ဆည်းပူးပြီးမှ မိမိ၏ ဘ၀ကပေးသော သင်ခန်းစာတို့ဖြင့် နှိုင်းချိန်ယူရသော ပညာသည် ဘ၀ ပညာဖြစ်၏။ 'မနတိ ဇာနာတီတိ မနုေဿာ' ဟူသော ၀ိဂြိုဟ်အရ သိတတ်သူကို လူဟုခေါ်သည်။ အရစ္စတိုတယ်ကလည်း 'လူသည် သဘာဝအားဖြင့် သိလိုသော ဆန္ဒရှိသည်' ဟုဆိုသည်။ လူသည် သိချင်စိတ်၊ တတ်ချင်စိတ်ရှိသော သတ္တ၀ါမျိုး ဖြစ်သည်။ ထိုစိတ်အရင်းခံကြောင့်ပင် သိလာ၊ တတ်လာ သည်။ ထိုသို့ သိလာ၊ တတ်လာခြင်းကြောင့်ပင် လူနေမှုအဆင့်အတန်း တိုးတက်လာခဲ့သည်။ အသိတွေ မြင့်လေ၊ အတတ်တွေ မြင့်လေ လူနေမှုဘ၀တွေ မြင့်လေမြင့်ခဲ့သည်။
ဘ၀ကို ဘယ်လိုထူထောင်မလဲ။ ဘ၀ကို ဘယ်လို အကောင်အထည်ဖော်မလဲ။ ဘ၀ကို ဘယ်လိုအသုံးပြုမလဲ။ ဘ၀မှာ အနှစ်သာရရှိရှိ ဘယ်လိုနေထိုင်မလဲ။ ဘယ်လိုနေမလဲ။ ဘယ်လိုသေမလဲ။ နေနည်းသေနည်း နှစ်ခုလုံးကို နားလည်သော ပညာသည် ဘ၀ပညာ ဖြစ်သည်။

လူသားသည် သိချင်စိတ်ရှိသည့် အလျောက် လေ့လာစူးစမ်းနေသောကြောင့် 'အသိ' ကို ရရှိလာသည်။ အသိရှိလာသောကြောင့် 'အတတ်'တွေ ရရှိလာသည်။ အသိကြောင့် အတတ်တွေ ပေါ်လာသလို အတတ်ကြောင့်လည်း အသိတွေ ပေါ်လာသည်။ အသိကို 'အသိပညာ'၊ အတတ်ကို 'အတတ်ပညာ'ဟု ဆိုကြသည်။ သို့သော် အသိချည်းလည်း ပညာ မဟုတ်သေး။ အသိနှင့်အတတ် ပေါင်းစပ်ပြီးနောက် ထိုပေါင်းစပ်မှုကို အခြေပြုကာ တွေးခေါ်မြော်မြင် ဆင်ခြင်သုံးသပ်ပြီးကာမှ ရရှိလာသော အဆီအနှစ်သည်သာ 'ပညာ' ဟု ခေါ်ရလေသည်။

သိပ္ပံပညာ၊ ၀ိဇ္ဇာပညာ စသည်ဖြင့် အတတ်များစွာကို ပညာတတ်၍ ခေါ်ကြသည်ကို မကန့်ကွက်လိုသော်လည်း အကောင်းအဆိုး၊ အကျိုးအပြစ်ကို ခွဲခြမ်းစိတ်ဖြာ ဝေဖန်နိုင်စွမ်းရှိသော ဉာဏ်သည်သာ ပညာဖြစ်သည်။ ထိုပညာသည် ဘ၀ပညာဖြစ်သည်။ 'ကျွန်ုပ်၏ အတွေ့အကြုံအရ ဆိုရပါမူ ကျောင်းသင်ပညာရေးသည် သာမန်မျှသာဖြစ်သည်။ ပို၍အရေးပါသည်မှာ တစ်သက်ပတ်လုံး မိမိကိုယ်မိမိ ပြန်လည်သင်ပေးခြင်း ဖြစ်သည်'ဟု အမေရိကန် စာရေးဆရာကြီး ဂျိန်းစ် အေမစ်ချနားက ဆိုခဲ့လေသည်။

အမေရိကန် ရေတပ်ဗိုလ်ချုပ်ကြီး ၀ီလျံကောလ်ဟုန်းကလည်း 'ကျွန်ုပ်သည် ကျောင်းဆရာ၊ စီးပွားရေးလုပ်ငန်းရှင်၊ စစ်သား၊ ခရီးသည်၊ စာရေးဆရာဟူသော အလုပ်အမျိုးမျိုးကို လုပ်ခဲ့သည်။ထိုလုပ်ငန်းများအတွက် မည်သည့် တက္ကသိုလ်ကမှ အခြေခံပညာကို မပေးနိုင်ခဲ့ချေ။ ကျွန်ုပ်ကိုကျွန်ုပ် ပြန်လည်ပညာသင်ကြားပေးမှုဖြင့်သာ ထိုလုပ်ငန်းဆောင်တာတို့ကို လုပ်ခဲ့ရလေသည်'ဟု ဆိုခဲ့လေသည်။

'လူတိုင်း၌ ပညာသင်ယူမှု နှစ်မျိုးရှိ၏။ ပထမပိုင်းက သူတစ်ပါးက မိမိကို သင်ကြားပေးခြင်း ဖြစ်၏။ ဒုတိယပိုင်းက မိမိကိုယ်ကို မိမိက သင်ကြားပေးခြင်း ဖြစ်၏'ဟု ဗြိတိသျှသမိုင်းပညာရှင် အက်ဒွပ်ဂစ်မန်းက ဆိုခဲ့သည်။

ဘ၀ဟူသည် သင်ခန်းစာပေါင်း မြောက်မြားစွာ ပို့ချနေသော တက္ကသိုလ် ကျောင်းတော်ကြီး ဖြစ်သည်။ ထိုဘ၀တက္ကသိုလ်ထဲက ပညာရပ်တွေကို နေ့နေ့ညည သင်ယူနေရမည်။ ထိုပညာရပ်တွေသည်သာ ဘ၀အတွက် လက်တွေ့အသုံးဝင်သော ဘ၀ပညာတွေ ဖြစ်သည်။

တချို့က ဘွဲ့လေးတစ်ခုရ ကျောင်းပြီးပြီဟု ဆိုကြသည်။ ကျောင်းပြီးတာတော့ မှန်ပါသည်။ ပညာရေးကတော့ အခုမှ စလုံးရေစသာ ရှိသေးသည်။ ဘ၀ပညာသည် 'တစ်သက်တာ ပညာရေး' ဖြစ်သည်။ ကျောင်းသင်ပညာရေးသည် 'လူ့ဘ၀ခရီးလမ်းကို အကြမ်းသဘော ခင်းပေးလိုက်ရုံမျှသာ ရှိသေးသည်။ လမ်းချော မဟုတ်သေးပေ။ လမ်းချောအောင် အမြဲတစေ သင်ယူ ဖြည့်ဆည်းပေးနေရမည်။

ကျောင်းသင်ပညာကို အခွင့်မသာ၍ သင်ကြားခွင့် မရသူတို့မှာ ပညာရေးနှင့်စပ်၍ စိတ်ပျက်နေဖို့ မလိုပါ။ စိတ်အားငယ်နေဖို့ မလိုပါ။ ဘွဲ့ရမှ ပညာတတ်သည်ဟူသော အယူအဆ အစွဲအလမ်းကို ခေါင်းထဲက ထုတ်ပစ်လိုက်ပါ။ ကမ္ဘာကျော်ပုဂ္ဂိုလ် အ များစု ကျောင်းစာမတော်ခဲ့ကြပါ။ ကျောင်းမပြီးခဲ့ကြပါ။ ယခုခေတ် သားသမီးကို ကျောင်းစာမေးပွဲ အဆင့်တစ်ရမှ၊ အဆင့်နှစ်ရမှဆိုသော မိဘများ အထူးသတိပြုစေလိုပါသည်။ အောင်မြင်မှုက တောင်းဆိုသည်မှာ ပထမတန်းစား ဉာဏ်ရည်ဉာဏ်သွေး မဟုတ်။ ပထမတန်းစား ဇွဲဟူသော ပညာရှိတို့စကား မှတ်သားဖို့လိုပါသည်။

ဘ၀အောင်မြင်ရေးအတွက် သိချင်စိတ်၊ တတ်ချင်စိတ်၊ ဆည်းပူးချင်စိတ်၊ သုံးသပ်နှလုံးသွင်းချင်စိတ်၊ အောင်မြင်ကြီးပွားချင်စိတ် တို့ကိုသာ ရှင်သန်အောင် မွေးမြူပြီး ကိုယ့်အားကိုယ်ကိုး 'တစ်သက်တာပညာ' ဆည်းပူးရေးတွင် ကောင်းစွာဆောင် ရွက်ပါက အောင်မြင်သော ဘ၀ ဖြစ်နိုင်ပါသည်။ သင်ယူမှုကို ဘယ်သောအခါမှ ရပ်မပစ်လိုက်ပါနှင့်ဟု ပညာရှိတို့က ဆိုပါသည်။

အသက်အရွယ် ကြီးရင့်သူတို့၌ အတွေ့အကြုံများသဖြင့် ဘ၀ပညာနှင့် ပြည့်စုံနေကြသည်။ သူတို့တစ်သက်တာ ဘ၀ပညာကို လူငယ်လူရွယ်များအား ပေးလှူနေသော လူကြီးသူမတို့ များစွာရှိကြသည်။ ဘ၀ပညာကို လိုလားသူ လူငယ်လူရွယ် တို့သည် ထိုလူကြီးသူမတို့ထံမှ ဘ၀ပညာကို ဆည်းပူးရယူနိုင်သည်။ ခေါင်းသုံးလုံးရှိသော အဘိုးအိုကို ဆည်းကပ်ပါဟူသည်မှာ ဤအဓိပ္ပာယ် ဖြစ်၏။

ဘ၀ပညာသည် အလှပညာ ဖြစ်သည်။ ဘ၀ပညာသည် ကိုယ့်ဘ၀ကိုလည်း ရုပ်ဆိုးကျည်းတန် မဖြစ်စေရ။ သူများတကာတွေ ဘ၀ကိုလည်း ရုပ်ဆိုးအကျည်းတန် မဖြစ်စေရ။ အတ္တပရ ဘ၀နှစ်မျိုးလုံးကို အလှဆင်သော ပညာသည် ဘ၀ ပညာ ဖြစ်သည်။

ဘ၀ပညာသည် အတ္တအတွက်လည်း ဒုက္ခကို ရှောင်ရှား၊ ပရအတွက်လည်း ဒုက္ခတွေ ဆောင်မထားဘဲ အတ္တပရ နှစ်ဦးနှစ်ဝ သုခနှင့်ပြည့်စုံအောင် ဆောင်ရွက်သော ပညာဖြစ်သည်။ ဘ၀ပညာသည် မည်သူ့ကိုမျှ စိတ်ကသိကအောင့် မဖြစ်စေဘဲ မည်သူကိုမျှ အနှောင့်အယှက်မပေးဘဲ ကူညီရိုင်းပင်းမှုကိုသာ ပေးသော ပညာဖြစ်သည်။

တတ်သိသူနှင့် သိတတ်သူ နှစ်မျိုးတွင် တတ်သိသူသာ ပေါများ၍ သိတတ်သူ ရှားပါးသတဲ့။ ဘ၀ပညာသည် တတ်သိခြင်းမဟုတ်။ သိတတ်ခြင်းသာ ဖြစ်သည်။ မိဘအပေါ်လည်း သိတတ်သည်။ ဆရာသမားအပေါ်လည်း သိတတ်သည်။ ကျေးဇူးတရား ကိုလည်း သိတတ်သည်။ တာဝန်ကိုလည်း သိတတ်သည်။ ၀တ္တရားကိုလည်း သိတတ်သည်။ လူမှုရေးလည်း သိတတ်သည်။ ပြောစရာ၊ ဆိုစရာ၊ သင်စရာမလိုဘဲ အသိတရားက သူ့အလိုလိုရှိသူ ဖြစ်သဖြင့် အရာရာ၌ သိတတ်ခြင်းသည် ဘ၀ပညာ ဖြစ်သည်။

တချို့စည်းကမ်းတွေသည် သီးသန့်သတ်မှတ်ထားခြင်း မဟုတ်။ ကိုယ့်အသိတရားနှင့်ကိုယ် လိုက်နာကြရခြင်း ဖြစ်သည်။ အလိုက်သိ၊ အလိုက်တသိဟူသော ဝေါဟာရနှင့် သဘောတရားသည် နေရာတိုင်း၌ လိုအပ်သည်။ ထိုအလိုက်သိမှု၊ အလိုက် တသိ ရှိမှုသည် ဘ၀ပညာ ဖြစ်သည်။ လောကမှာ အလိုက်သိမှုတစ်ခု မရှိမဖြစ် လိုအပ်သည်။ အလိုက်မသိသူနှင့် ပေါင်းသင်းဆက်ဆံရ၊ နေထိုင်ရတာလောက် ဆင်းရဲတာ ဘာမျှမရှိ။ ထို့ကြောင့် အလိုက်သိတတ်မှုလေး တစ်ခုတော့ လူတိုင်းမှာ ရှိစေချင်သည်။ ထိုဘ၀ပညာဖြစ်သော အလိုက်သိတတ်မှုမှနေ၍ ကိုယ်ချင်းစာတရားဆိုတာ ပေါ်လာသည်။ အားနာတတ်မှု၊ ကူညီရိုင်းပင်းတတ်မှု၊ ထောက်ထားမှု၊ စာနာမှု၊ ငဲ့ညှာမှု၊ ဦးစားပေးမှု စသော မြန်မာ့ယဉ်ကျေးမှုများ ပေါ်ပေါက်လာရသည်။

တစ်ဖက်သားကို အားနာတတ်မှုသည် နူးညံ့သော စိတ်ထား၊ မွန်မြတ်သော စိတ်ထားမှ လာသည်။ နေရာတိုင်း၌ အားနာဖို့ မလိုသော်လည်း အားနာတတ်သော မြန်မာ့ယဉ်ကျေးမှုလေးတစ်ခု မပျောက်ကွယ်သင့်ပေ။ လူတို့ကြား၌ အရေးတကြီး လိုအပ် သော ကိုယ်ချင်းစာတရားသည် အားနာမှုမှလည်း လာသည်။ ငဲ့ညှာမှု၊ စာနာမှု၊ ထောက်ထားမှုတို့မှလည်း လာသည်။ ထိုကောင်းမြတ်သော အမူအကျင့်တို့သည် ဘ၀ပညာမှနေ၍ လာကြသည်။

ကျက်ဉာဏ်၊ မှတ်ဉာဏ်တို့သည် အတတ်ပညာရပ်တို့နှင့် ဆိုင်သော်လည်း စဉ်းစားဉာဏ်၊ ဆင်ခြင်ဉာဏ်၊ ထိုးထွင်းဉာဏ်၊ သဘောဉာဏ်၊ တင်္ခဏုပ္ပတ္တိဉာဏ်၊ ဟာသဉာဏ် စသည်တို့ကား ဘ၀ပညာရပ်နှင့် ဆိုင်သွားသည်။ ကာလဒေသ ပုဂ္ဂလကို ခွဲခြားနားလည်မှု၊ ဌာနာ ဌာန ကောသလ္လဉာဏ်တို့မှာလည်း ဘ၀ပညာရပ်မှသာ ရရှိနိုင်သည်။

ဘ၀တွေ ပိုင်ဆိုင်ထားသူ ဘ၀ပိုင်ရှင်တိုင်းကတော့ ကိုယ့်ဘ၀ကိုယ် လှချင်ကြသည်။ လှတပတ ဖြစ်ချင်ကြသည်။ ဘ၀တွေ လှဖို့အတွက် အဓိက လိုအပ်တာကတော့ 'ဘ၀ပညာရပ်'သာ ဖြစ်သည်။

ဧရာဝတီနှင့် မဲခေါင်

Written by အောင်မျိုး
ဧရာဝတီသည် မြန်မာတိုင်း နှလုံးသားတစ်ခုဟုဆိုပါလျှင် မဲခေါင်သည်လည်း လာအိုတို့၏ နှလုံးသားပင် ဖြစ်ပါလိမ့်မည်။

သယံဇာတပေါများသော မြန်မာတို့အတွက် ဧရာဝတီသည် ဈေးနှုန်းအသက်သာဆုံး ကုန်သွယ်လမ်းကြောင်းတစ်ခုအဖြစ် ရာစုနှစ်ပေါင်းများစွာ တာဝန်ကျေခဲ့သလို မဲခေါင်ကြီးသည် လာအိုတို့ ဘ၀ရပ်တည်ရေးအတွက် နှစ်ပေါင်းကြာရှည်စွာ အကျိုးပြုခဲ့သည်။ ဧရာဝတီသည် မြန်မာကို ကမ္ဘာက သိစေသော ကျွန်းသစ်လုံးကြီးများ ဖောင်ဖွဲ့မျှောနိုင်ရန် မြောက်မှတောင်ဘက်သို့ အေးဆေးညင်သာစွာ စီးဆင်းနေသလို မဲခေါင်သည်လည်း မဖွံ့ဖြိုး မတိုးတက်သေးသော လာအိုတို့အတွက် တောင်နှင့်မြောက်ကို အဆင်ပြေပြေ သွားနိုင်ရန် သွယ်တန်းထားပေးခဲ့သည်မှာ ကြာခဲ့လေပြီ။

လာအိုကို မဖွံ့ဖြိုး မတိုးတက်သေးသောဟု သုံးစွဲရသည်မှာ ယခင့်ယခင် ကာလများကို ရည်စူး၍ ရေးသားရခြင်း ဖြစ်ပေမယ့် အခုအချိန်မှာတော့ လာအိုသည် ယခင်နှင့်လုံးဝ ခြားနားသွားခဲ့ပြီ ဖြစ်ပါသည်။

မဲခေါင်သည်လည်း ရေအားလျှပ်စစ်အတွက် နေရာများစွာ ဖဲ့ပေးထားရသည့်အတွက် မြစ်ကြောင်းခွန်အား ယခင်ကလို မကောင်းတော့ဟု ဆိုကြသည့်တိုင် ဧရာဝတီထက်တော့ ကျန်းမာနေဆဲ။ ဧရာဝတီ၏ နွေရာသီ ရေအနက်မှာ သာမန်ချောင်းလက် တက်တစ်ခုလို တိမ်ပါးလှသည့် နေရာတွေ များလှပေမယ့် မဲခေါင်ကတော့ ထိုလောက် အခြေအနေ မဆိုးလှသေး။ ထို့ကြောင့်လည်း လာအိုသာမက မြစ်အထက်က တရုတ်နှင့် မြစ်အောက်ဘက်က ထိုင်း၊ကမ္ဘောဒီးယား၊ဗီယက်နမ် စသည်တို့ပါ မဲခေါင်ကို အသုံးချနိုင်နေကြဆဲ၊ နေရာအချို့မှလွဲ၍ ရာသီမရွေး ခရီးနှင်နိုင်နေဆဲ ။
ဧရာဝတီကတော့ ကန့်လန့်ဖြတ် တည်ဆောက်ထားသော တံတားကြီးများအောက်မှာ အေးဆေးညင်သာစွာ စီးဆင်းနေဆဲ၊ မြစ်ဝကျွန်းပေါ်မှာ သဲသောင်တွေ ထပ်ထပ်ဆင့်လာသလို မြောက်ပိုင်းမှာလည်း သဲသောင်တွေ ပိုပိုကျယ်ပြန့်လာနေပေမယ့် ဧရာဝတီကတော့ မဲခေါင်ကို အလှချင်းပြိုင်ဖို့ စိန်ခေါ်နေဆဲ။ ထို့အတူ ရာဇ၀င်အဆက်ဆက်မှာ တစ်သားတည်းရှိနေခဲ့သော မြန်မာတို့အတွက် မညီးမညူ တာဝန်ယူနေဆဲ။

ဧရာဝတီသည် မြန်မာနိုင်ငံ၏ မြောက်ဘက် ရေခဲသော တောင်ထိပ်တောင်ဖျားမှ ကျဆင်းလာသော ရေများမှအစပြုကာ မြန်မာနိုင်ငံ၏ မြစ်ဝကျွန်းပေါ်မှတစ်ဆင့် ပင်လယ်ထဲသို့ စီးဝင်သွားသည်ဖြစ်ရာ အစမှအဆုံး မြန်မာနိုင်ငံအတွင်းမှာပဲ တည်ရှိပြီး မြန်မာတို့သာ ပိုင်ခဲ့သည်။ မဲခေါင်ကတော့ မြန်မာအပါအ၀င် အိမ်နီးချင်းနိုင်ငံများကပါ ပိုင်ဆိုင်သည့်အတွက် ၀ိုင်းဝန်းခွဲဝေသုံးစွဲသည်မှာ အဆိုးမဆိုသာ၊ ဧရာဝတီက မြန်မာ့သမိုင်းမှာ ထင်ထင်ရှားရှားပါခဲ့သည် ဖြစ်ပေမယ့် ယခုတော့ ပြောင်းလဲလာသော ကမ္ဘာကြီးနှင့် အတူ လိုက်ပါရတော့မည် ဖြစ်သည်။

မဲခေါင်နှင့်ခွဲခြားမရသော လာအိုတို့သည် နည်းပါးလှသော လူဦးရေကြောင့် အိမ်နီးချင်းတွေနှင့်စာလျှင် အရင်တုန်းက အနောက်ဘက် ရောက်ခဲ့ရသော်လည်း အေးဆေးသိမ်မွေ့သော သူတို့ဘ၀နှင့် လိုက်လျောညီထွေသော တိုးတက်မှုကို တဖြည်းဖြည်း ပိုင်ဆိုင်နိုင်လာကြသည်။ လာအိုဆိုတာ နိုင်ငံသေးသေးလေးက လူတွေ နှေးနှေးဟု အရင်တုန်းက ပြောခဲ့ကြသည့်သူတွေ အံ့သြစရာ ဖြစ်လာကြသည်။ လာအိုဖွံ့ဖြိုးတိုးတက်ရေးအတွက် ကမ္ဘာ့ကုလသမဂ္ဂ၏ ဖွံ့ဖြိုးရေး စီမံချက်များစွာနှင့်အတူ သွားရောက်လုပ်ကိုင်ပေးခဲ့ဖူးသည့် မြန်မာပညာရှင်တွေကိုယ်တိုင်ပင် ယနေ့လာအိုကို ပါးစပ်အဟောင်းသားနှင့် ကြည့်နေကြရလေပြီ။ ဆိုရပါလျှင် ၂၀၀၉ ခုနှစ်က အရှေ့တောင်အာရှ အားကစားပြိုင်ပွဲ(SEA GAME)ကိုပင် အိမ်ရှင်အဖြစ် လက်ခံကျင်းပနိုင်ခဲ့သည်။ သူတို့၏ တိုးတက်မှုကို ထိုအားကစားပြိုင်ပွဲက မှတ်ကျောက်တစ်ခုအဖြစ် ရှိနေမှာ ဖြစ်သည်။ ဒါတင်မကသေး ၂၀၁၀ ပြည့်နှစ် အကုန်လောက်မှာ စတော့ရှယ်ယာဈေးကွက်ပင် ဖွင့်လှစ်တော့မည် ဟူသော သတင်းများ မကြာခင်က ထပ်မံကြားပြန်ရာ လာအိုကို အားကျစရာတစ်ခု ထပ်တိုးပြန်တော့သည်။

မဲခေါင်မြစ်ကြီးတစ်ခုတည်းကိုသာ အားကိုးရသော သူတို့တွေ၏ဘ၀သည် ဧရာဝတီ၊ သံလွင်၊ စစ်တောင်း၊ ချင်းတွင်း စသည့် မြစ်မကြီးလေးသွယ်ကို ပိုင်ဆိုင်ထားသည့် မြန်မာတို့ထက် သမိုင်းအစဉ်အဆက်မှာ နောက်ကျခဲ့သည် မှန်သော်လည်း ယခုအခါမှာတော့ စနစ်ကျသော စီမံအုပ်ချုပ်မှုကြောင့် အံ့စရာကောင်းအောင် တိုးတက်လာခဲ့သည်။ သူတို့သည်လည်း စက်မှုအင်အားကြီးသော အိမ်နီးချင်းတို့လက်ထဲ သစ်တောသယံဇာတများ ပါသွားခဲ့သည်။ သစ်တောများ လျော့နည်းခြင်းနှင့်အတူ မဲခေါင် ရေအားလျှပ်စစ်စီမံကိန်းတို့သည် လာအိုတို့၏ သဘာဝပတ်ဝန်းကျင်ကို ထိခိုက်ပျက်စီးစေခဲ့သည်မှာ မှန်သော်လည်း လူနေမှုအဆင့်အတန်းကို အတိုင်းအတာ တစ်ခုထိရောက်အောင် မြင့်မားစေခဲ့သည်။

၂၀၀၈ သင်္ကြန်ရက်တုန်းက လာအိုတို့၏ ရှေးဟောင်းမြို့တော် လွန်ပရာဘန်ကို အလည်ရောက်သွားခဲ့ရာ ရိုးရာယဉ်ကျေးမှု အမွေအနှစ်များကို မပျောက်ပျက်အောင် စနစ်တကျ ထိန်းသိမ်းထားနိုင်သည့် လာအိုကို ချီးကျူးမိသည်။ ပုဂံလို ရှေးဟောင်း အမွေအနှစ်တွေ တစ်မျှော်တစ်ခေါ်ကြီး ရှိတာမဟုတ်ပေမယ့် ရှိသည့် ဘုရား ကျောင်းကန်များကို ရှေးမူမပျက် ထိန်းသိမ်းထားသည်မှာ အတုယူစရာ ကောင်းလှသည်။ ရှေးမြို့ဟောင်း၏ ရိုးရာမပျက်သည့် အလှတန်ဖိုးက တစ်ဖက်၊ မြို့သစ်၏ တိုးတက်မှုပြယုဂ်က တစ်ဖက် သီးခြားဖြစ်အောင် စီမံထားသည်မှာလည်း ငေးကြည့်စရာ ဖြစ်ခဲ့သည်။ ပြီးတော့ ဧရာဝတီမြစ်ဝှမ်းကလို မြေသြဇာကောင်းမွန်မှု မရှိပေမယ့် မဲခေါင်မြစ်ကြောင့် တံငါလုပ်ငန်းက ဒေသခံတို့ဘ၀ ဖူလုံစေသည်။ဧရာ ၀တီကတော့ သားငါးဖူလုံရုံသာမက မြစ်ဝှမ်းတစ်လျှောက် စိုက်ပျိုးရေးပါ ဖြစ်ထွန်းအောင်မြင်သည့်တိုင် လာအိုတို့၏ဘ၀ကို ဘာကြောင့် မမီတာပါလိမ့်ဟု ရင်ထဲက တွေးမိသည်။

ဧရာဝတီ မြစ်ကြောင်းတစ်လျှောက်မှာ စိုက်ပျိုးဖို့ အင်မတန်ကောင်းမွန်သော နုန်းတင်မြေ များစွာရှိသည်။ မြစ်ကြီးက တဖြည်းဖြည်း တိမ်းပါးလာသည်နှင့်အတူ သောင်ခုံကျယ်ကျယ်ပြန့်ပြန့်ကြီးတွေမှာလည်း ရာသီသီးနှံများကို စိုက်ပျိုးနိုင်သေးသည်။ ပြီးတော့ မြစ်ကြီး၏ အစမြောက်ဘက်မှ တောင်ဘက်အဆုံးတိုင်အောင် ကူးသန်းရောင်းဝယ် နိုင်ခဲ့ကြသည့်တိုင်အောင် ဧရာဝတီကို အမှီပြုနေကြသူတွေထက် မဲခေါင်သားတွေက ပို၍အဆင်ပြေနေကြ ပါသနည်းဟု မဲခေါင်ကမ်းပါးမှာ ထိုင်ရင်း စကားစပ်မိသည်။ လွန်ပရာဘန်မှာ ဘယ်နေရာသွားသွား သန့်ရှင်းနေသည်ကို ထူးထူးခြားခြား သတိပြုမိသည်။ ဆင်းရဲသော ရပ်ကွက်အချို့မှာ အိမ်တွေသေးသေးကုပ်ကုပ် ဆိုပေမယ့် စုတ်စုတ်ချာချာတော့ မဟုတ်။ ပြီးတော့ သူတို့ဆီက လမ်းမကြီး အပါအ၀င် ဘယ်လမ်းကြိုလမ်းကြားမှ ကွမ်းတံတွေး၊ အမှိုက် စသည်တို့ကို မတွေ့ရ။ ထိုအချက်က ကျွန်တော်တို့ထက် အများကြီးသာသည့် အချက်တစ်ခုဖြစ်သည်။ ပြီးတော့ မနက် ၆း၀၀ နာရီခန့်တွင် မိမိတို့၏ အိမ်ရှေ့ကို သေသေချာချာ သန့်ရှင်းရေး လုပ်ထားကြသည်ကိုလည်း သတိပြုမိသည်။

ကိုယ်ပိုင်ခြံဝင်းမှာသာမက အများပိုင် နေရာများမှာလည်း စည်းကမ်းမဲ့ အမှိုက်ပစ်ထားတာမျိုး မရှိတာကြောင့် လာအိုတို့ စည်းကမ်း၏ တန်ဖိုးကို သိနေကြသည်ဟု မြင်မိသည်။ ကျွန်တော်တို့တည်းခိုသည့် ဟိုတယ်မှ စားပွဲထိုးလေးနှင့် ရက် အနည်းငယ်ကြာသော် ရင်းနှီးလာ၍ မေးကြည့်ရာ ၎င်းမှာ ဗီယက်နမ် နယ်စပ်နားက တောင်ပေါ်တိုင်းရင်းသားလေးဖြစ်ပြီး လွန်ပရာဘန် တက္ကသိုလ်မှာ ပညာသင်ကြားနေခြင်း ဖြစ်သည်။ ယခုအလုပ်မှာလည်း ၎င်းအတွက် တက္ကသိုလ်က စီမံရှာဖွေပေးသည့် အလုပ်ဖြစ်ပြီး ကျောင်းတက်ချိန်နှင့် အလုပ်ချိန် အဆင်ပြေအောင် စီစဉ်ထားပေးကြောင်း သိရ၍ အလွန်အံ့သြမိသည်။ ထိုစနစ်က ဂျပန်၊ အမေရိကန် တို့လို နိုင်ငံကြီးတွေမှာ ကျင့်သုံးနေကြတာ ကြားဖူးခဲ့ရာ ယခုတော့ လာအိုမှာ ကိုယ်တွေ့ဖြစ်လို့ နေတော့သည်။

ပြီးတော့ ထိုကျောင်းသားတွေအတွက် နေထိုင်ရာ အဆောင် စီစဉ်ပေးရုံသာမက သွားလာရေးအတွက် ဆိုင်ကယ်လည်း အရစ်ကျ အကြွေးစနစ်ဖြင့် ရောင်းပေးထားသည်။ လက်ကိုင်ဖုန်း ဆိုတာကတော့ လာအိုမှာ လမ်းဘေး ငါးကင်ရောင်းသူက အစ ကိုင်နေကြလေပြီ။ ကျွန်တော်တို့ဆီမှာ တက္ကသိုလ်တွေ လာအိုထက် အများကြီးများသည်။ ပညာတတ်တွေလည်း သူတို့ထက် များစွာပိုသည်။ ဒါပေမဲ့ သက်သောင့်သက်သာ ပညာသင်ကြားနိုင်ခွင့်ကို သူတို့လို မရနိုင်သေးတာတော့ ဘယ်သူမှ ငြင်းနိုင်မည် မဟုတ်ပါ။

မဲခေါင်မြစ်ရိုးတစ်လျှောက်က တံငါသည်တွေဘ၀က ဧရာဝတီမြစ်ဝကျွန်းပေါ်က တံငါသည်များထက် ပို၍သာယာလှသည်။ ၀င်ငွေမှာ ဧရာဝတီသားတွေ ပို၍သာလိမ့်မည်ဟု ထင်စရာရှိမိပေမယ့် ဧရာဝတီသားတွေထဲက ချမ်းသာသူတွေသာ သူတို့ ထက် သာလိမ့်မည်ဆိုတာ မေးနေစရာမလို။ တံငါသည်တွေထဲမှာ ဆင်းဆင်းရဲရဲနှင့်ဘ၀ကို ရုန်းကန်နေရသူတွေ ရှိနေပေမယ့် ရာခိုင်နှုန်းအားဖြင့် အနည်းငယ်သာ ရှိတော့သည်ဟု လွန်ပရာဘန်သား တံငါသည်က ပြောပြသည်။ သူသည် တံငါအလုပ်အပြင် တစ်ဖက်က ခရီးသွားများအတွက် စက်လှေမောင်းသည့် လုပ်ငန်းကိုလည်း လုပ်ကိုင်သူဖြစ်၍ ၀င်ငွေနှစ်မျိုးကြောင့် အဆင်ပြေနေလေသည်။ အလုပ်တစ်ခု မကောင်းလျှင် နောက်တစ်ခုက ကာမိစေသည်။

ဧရာဝတီသား ရေလုပ်ငန်းသမားတွေအတွက် နာဂစ်နှိပ်စက်ပြီး နောက်မှာ ကြွက်တွေကပါ သောင်းကျန်း၍ တော်တော်အလူးအလဲ ခံနေကြရသည်။ အင်မတန် စိတ်ဓာတ်ခိုင်မာသည့် ဧရာဝတီသားတွေဖြစ်၍သာ လောကဓံကို ကြံ့ကြံ့ခံ ရင်ဆိုင်နေနိုင် ကြခြင်း ဖြစ်ပါလိမ့်မည်။

ဧရာဝတီမြစ်တွင် တည်ဆောက်ပြီး တံတားကြီး ခုနစ်စင်း၊ တည်ဆောက်ဆဲ တံတားလေးစင်း ရှိနေသည်။ မြစ်ကိုဖြတ်သန်း တည်ဆောက်ထားသည့် တံတားများက မြစ်၏အရှေ့ဘက်ကမ်းနှင့် အနောက်ဘက်ကမ်းဒေသ များကို ဆက်သွယ်ပေးလျက်ရှိသည်။

ဧရာဝတီကတော့ ကန့်လန့်ဖြတ် တည်ဆောက်ထားသော တံတားကြီးများအောက်မှာ အေးဆေးညင်သာစွာ စီးဆင်းနေဆဲ၊ မြစ်ဝကျွန်းပေါ်မှာ သဲသောင်တွေ ထပ်ထပ်ဆင့်လာသလို မြောက်ပိုင်းမှာလည်း သဲသောင်တွေ ပိုပိုကျယ်ပြန့်လာနေပေမယ့် ဧရာဝတီကတော့ မဲခေါင်ကို အလှချင်းပြိုင်ဖို့ စိန်ခေါ်နေဆဲ။ ထို့အတူ ရာဇ၀င် အဆက်ဆက်မှာ တစ်သားတည်း ရှိနေခဲ့သော မြန်မာတို့အတွက် မညီးမညူ တာဝန်ယူနေဆဲ။ နောင်နှစ်ပေါင်း ဘယ်လောက်ကြာအောင် ရှင်သန်နေဦးမှာလဲ ဆိုသည့် အရေးအတွက် အဖြေက ခက်မှာ အမှန်။
http://www.news-eleven.com

စိတ်ဆိုးတော့မယ်ဆိုရင်

စိတ်မချမ်းသာဘူးဆိုရင်၊ စိတ်ဆင်းရဲရင်၊ စိတ်ဆိုးရင်၊ဒေါသ၊သောက၊ဣဿာမစ္ဆရိယစတဲ့ အကုသိုလ်တရားတွေ ၀င်လာရင် အကြောင်း ရင်းကိုရှာပြီးဖျောက်ပါတဲ့။

မူလပဏ္ဏာသပါဠိတော် ၀ိတက္ကသဏ္ဌာနသုတ်မှာလာတဲ့ အကုသိုလ်ကိလေသာဝင်ရင် ပယ်နည်းငါးနည်းထဲက တစ်ခုပါ။ အကြောင်းရင်းကိုရှာပြီး ပယ်ပါတဲ့။

ဘယ်လိုရှာပြီးပယ်မလဲ....?

ဝိတက္ကသဏ္ဌာနသုတ်မှာ စိတ်ဆိုးရင် စိတ်ညစ်ရင် စိမ်မချမ်းသာဘူးဆိုရင် အကြောင်းရင်းကို ရှာဖွေပြီး ဖျောက်ပါလို့ ဟောကြားထား ပါတယ်။
ပထမတော့ အကြောင်းရင်းရှာပြီး ဖျောက်ပါဆိုတာကို သိပ်ပြီးသဘောမပေါက်ပါဘူး။
အဋ္ဌကထာပါ တွဲကြည့်လိုက်မှ အဋ္ဌကထာက အကြောင်းရင်းရှာပုံကို ၀တ္ထုလေးထုတ်ပြပြီး
ရှင်းပြပါတယ်။
ဝတ္ထုလေးက အားလုံးကြားဖူးတဲ့ ၀တ္ထုလေးပါ။ အတန်းကျောင်းဖတ်စာထဲမှာတောင် ပါခဲ့ဖူးပါတယ်။
ဥသျှစ်သီးမှည့် ကြွေကျတာကို မြေပြိုပါပြီဆိုပြီး ထွက်ပြေးတဲ့ ယုန်ရဲ့ဖြစ်စဉ်ပါ။ ယုန်ကပြေးတော့ ကျန်တဲ့တောတွင်းက သတ္တ၀ါတွေက လည်း
မြေပြိုတယ်ဆိုပြီး ယုန်နောက်ကလိုက်ပြေးကြတာပါ။ နောက်ဆုံး ဘုရားအလောင်းခြင်္သေ့မင်းက အကြောင်းရင်းရှာပြလိုက်မှ သတ္တ၀ါအားလုံး ချမ်းသာသွားတဲ့ ၀တ္ထုလေးပါ။
အဋ္ဌကထာဆရာက ဒီဝတ္ထုလေးကို ထုတ်ပြပြီး ဘုရာလောင်းခြင်္သေ့မင်းက ဥသျှစ်သီးကြွေကျတာ၊ မြေပြိုတာမဟုတ်ဘူး လို့ အကြောင်း ရင်းရှာပြီး
ဖျောက်ပေးသလို ပြဿနာဖြစ်လာရင် အကြောင်းရင်းရှာဖျောက်ဖို့ ရှင်းပြထားပါတယ်။

အဋ္ဌကထာဆရာက ပုံဝတ္ထုလေးနဲ့ ရှင်းပြလိုက်မှ ပိုသဘောပေါက်သွားတာပါ။ ဒါနဲ့ပတ်သက်လို့ လတ်တလော ကိုယ်တွေ့ဖြစ်ရပ်ကလေးကိုပါတွဲပြီး ပြောပြပါရေစေဦး။ ဟို....ရှေ့ပိုင်းလေးမှာ စာရေးသူက စိတ်တွေဆိုးနေတာပါ။ ဒီစာမရေးခင်လေးကမှ စိတ်ဆိုးပြေသွားတာပါ။ ဘယ်သူ့ကို စိတ်ဆိုးနေတာလဲဆိုတာတော့ နောက်မှပဲပြောရအောင်ပါ။

စာပေလောကမှာ တောင်းစာမူနဲ့ ပို့စာမူဆိုတာရှိပါတယ်။ တောင်းစာမူဆိုတာက
အယ်ဒီတာက စာရေးဆရာကို ကိုယ်တိုင် ကိုယ်ကျ လာတောင်းတာပါ။
တောင်းစာမူဖြစ်တဲ့အတွက် အယ်ဒီတာက ကြိုက်သည်ဖြစ်စေ၊ မကြိုက်သည်ဖြစ်စေ
ထည့်ပေးရမှာ ဖြစ်သလို မဂ္ဂဇင်းထွက်တဲ့အခါမှာလည်း စာရေးဆရာဆီကို
ကိုယ်တိုင်လာမပို့နိုင်ရင်တောင် တစ်ယောက်ယောက်ကို လွှတ်ပြီး ပို့ခိုင်းရမှာပါ။
ပို့စာမူကတော့ စာရေးဆရာက အယ်ဒီတာဆီ သွားပို့တာပါ။ ဒီစာမူကိုတော့ အယ်ဒီတာက သုံးချင်သုံးမယ်၊ မသုံးချင်မသုံးဘူး။ သုံးလို့စာမူပါရင်လည်း စာရေးဆရာက
မဂ္ဂဇင်းကို ကိုယ်တိုင်လာထုတ်ပေတော့။
ဒါတောင်းစာမူနဲ့ ပို့စာမူကွာခြားချက်ပါ။

တစ်လောဆီက မဂ္ဂဇင်းတစ်စောင်က စာရေးသူဆီ စာမူလာတောင်းပါတယ်။ အယ်ဒီတာချုပ်ကိုယ်တိုင် လာတောင်းတာပါ။ ဒီတော့ ပေးလိုက်ပါတယ်။

ဟော...မဂ္ဂဇင်းထွက်လာတော့ စာရေးသူဆီ စာအုပ်လာမပို့ပါဘူး။ ဒီတော့ စာရေးသူက ထွက်ထွက်ချင်း လာမပို့ရကောင်းလားဆိုပြီး စိတ်တွေဆိုးနေတာပါ။

တစ်ခုတော့ ရှိပါတယ်။ စိတ်ဆိုးတယ်ဆိုပေမယ့် ရင်ထဲကပဲကြိတ်ဆိုးနေတာပါ။
အပြင်ကို ထွက်ဆိုးမပြပါဘူး။ အပြင်ထွက်ဆိုးပြတာ မဟုတ်တော့
ကိုယ်စိတ်ဆိုးမှန်း အပြင်က လူတွေလည်း သိခွင့်မသာတော့ပါဘူး။
၎-၅ရက်လောက်ကြာတော့ အုပ်ချုပ်ရေးမှူးလုပ်သူက ရောက်လာပြီး
စာအုပ်လည်းကပ်ရင်း "ဦးဇင်းရယ် ဦးဇင်း ဒကာကြီး ကဆေးရုံတက် လိုက်ရတယ်။
ခွဲစိတ်မှုလည်းပြုလိုက်ရတယ်။အဲဒါဆေးရုံပေါ်မှာ ဦးဇင်းလေးကို စာအုပ်သွားပို့လိုက်ဦး။ ဦးဇင်းလေး
စိတ်ဆိုးဦးမယ်လို့ တစ်ချိန်လုံးပြောနေတာ။ တပည့်တော်တို့ကလည်း
ဦးဇင်းလေးစိတ်မဆိုးတတ်ပါဘူး။ မေတ္တာနဲ့နေတဲ့ ဦးဇင်းလေးပါလို့တောင် ပြန်ပြော ရတယ်ဘုရား" လို့ပြောပြပါတယ်။

'တော်ပါသေးရဲ့' လို့ကိုယ့်ကိုယ်ကိုယ် ဘုရားတလိုက်မိပါတယ်။ တကယ်လို့သာ မဂ္ဂဇင်းလာမပို့ရကောင်းလားဆိုပြီး မဂ္ဂဇင်းတိုက်ကို ဖုန်းတွေဘာတွေ ဆက်ပြီးကောလိုက်မိရင် ငါးပါးမှောက်တော့မှာပါ။ ကိုယ့်ကိုလည်း မဂ္ဂဖင်းတိုက်က အထင်သေးသွားမှာပါ။

တော်တော့် တော်သေးပါတယ်။ စိတ်ဆိုးတယ်ဆိုပေမယ့်က အပြင်ထွက်မဆိုးဘဲ ရင်ထဲမှာပဲ ကြိတ်ဆိုးနေတာဆိုတော့ အမှတ် ရော့မသွားတော့ပါဘူး။

အကြောင်းရင်းသိလိုက်ရတော့ အလိုလို ခွင့်လွှတ်ပြီးသားဖြစ်သွားသလို ကိုယ့်ကိုယ်ကိုယ်တောင် ပြန်စိတ်ဆိုးသွားမိပါတယ်။ အကြောင်း ရင်းကို
မစုံစမ်းဘဲ ကိုယ့်အထင်နဲ့ ကိုယ်တွေးပြီး သူတစ်ပါးကို စိတ်ဆိုးနေမိလို့ပါ။
ပြီးတော့ စိတ်ထဲကလည်း အလိုလို သူတို့ကိုပြန်အား နာနေမိပြန်ပါတယ်။
ဖြစ်ပုံကအဲဒီလိုပါ။

ဗုဒ္ဓဘာသာဝင်တစ်ယောက်ရဲ့ ပန်းတိုင်ဟာ နိဗ္ဗာန်ဆိုပေမယ့် နိဗ္ဗာန်မရသေးခင် ကြားကာလမှာ နေနည်း၊တိုင်နည်း၊စားနည်း၊သောက် နည်း၊နောက်ဆုံး အနိမ့်ဆုံးဖြစ်တဲ့ ရေအိမ်တက်နည်းအထိ မြတ်စွာဘုရားရှင်က အသေးစိတ်ဟောပြပေးထားခဲ့ပါတယ်။

လူတွေ မသိလိ်ု့ရယ်၊ မကျင့်သုံးလို့ရယ်ကြောင့် စိတ်ဆိုးတာ၊
စိတ်ညစ်တာ၊စိတ်မချမ်းသာတာ၊ စိတ်ကောက်တာ၊ စိတ်နာတာ၊ စိတ်ပျက် တာ
စသည်တွေဖြစ်နေရတာပါ။

မြတ်စွာဘုရားရှင်က ပြဿနာတစ်ခုဖြစ်လာရင် အကြောင်းရင်းရှာ
ဖျောက်ပါလို့ဟောထားပေမယ့် လူတော်တော်များများက ပြဿနာ ဖြစ်လာပြီဆိုရင်
အကြောင်းရင်းရှာဖို့ထက် ပြဿနာကို ပြဿနာနဲ့ဖြေရှင်းဖို့ပဲ
အရင်စဉ်းစားလိုက်ကြတာပါ။ ဒီတော့ "ပြဿနာပြီးရင် ပြဿနာပဲ"
ဆက်ဖြစ်နေကြတော့တာပါ။ ပြဿနာဖြစ်ပြီဆိုရင် စိတ်ဆိုးမှု၊စိတ်ဆင်းရဲမှု၊စိတ်မချမ်းသာမှု၊ စိတ်ညစ်မှုစတဲ့ ဆိုးကျိုးတွေက လည်း ၀င်လာတော့တာပါ။
'ငါ့ကို စိတ်ဆင်းရဲအောင် လုပ်တာပဲ' ဆိုပြီးစိတ်ဆင်းရဲအောင် လုပ်တဲ့သူကိုမုန်း၊ မုန်းတော့ စိတ်ဆင်းရဲ၊ စိတ်ဆင်းရဲတော့ မုန်းနဲ့
စိတ်ဆင်းရဲကြော မုန်းကြောတွေ ရှည်နေတော့တာပါပဲ။ နောက်ဆုံးရလာဒ်ကတော့
ထပ်ဆင့်စိတ်ဆင်းရဲရတာပါပဲ။

စိတ်ဆင်းရဲသွားတော့ ကိုယ်ကသူ့ကို မမြင်ချင်၊ သူက ကိုယ့်ကိုမမြင်ချင်နဲ့
သူတက်တဲ့ပွဲ ကိုယ်မတက်၊ ကိုယ်တက်တဲ့ပွဲ သူမတက်နဲ့ ရလာဒ်တွေကတော့
ကောင်းကွက်တစ်ကွက်မှကို မရှိတော့တာပါ။
ကိုယ့်ဘ၀ရဲ့ ဖြစ်ခဲ့သမျှ ဖြစ်စဉ်အားလုံးကို ပြန်စဉ်းစားကြည့်ရင် အကြောင်းရင်းမရှာခဲ့မိလို့ မှားခဲ့တာတွေ အများကြီးပါ။

စာရေးသူဘ၀မှလည်း ကိုယ်ကအကြောင်းရင်းမရှာမိလို့ စိတ်ဆိုးခဲ့ရတာတွေ အများကြီးရှိခဲ့ဖူးပါတတယ်။
တချိုကိုတော့ ရင်ထဲကပဲစိတ်ဆိုးနေပြီး တချို့ကိုတော့ အပြင်ထွက်ပြီး စိတ်ဆိုးမိလိုက်ပါတယ်။
ရင်ထဲကပဲ စိတ်ဆိုးတဲ့အခါမျိုးမှာ ဘာပြဿနာမှ မဖြစ်လိုက်ပေမယ့်
ကိုယ်ပဲခံစားနေရပေမယ့် အပြင်ထွက်ပြီး စိတ်ဆိုးပြလိုက်တဲ့ အခါမှာတော့
မိတ်ပျက်ကုန်တော့တာပါပဲ။

ဒီတော့ အပိုင်းသုံးပိုင်းထွက်လာပါလိမ့်မယ်။

ပြဿနာတစ်ခုဖြစ်လာတဲ့အခါ အကြောင်းရင်းရှာဖျောက်ပစ်တာရယ်၊ ရင်ထဲမှာပဲ ကျိတ်စိတ်ဆိုးနေတာရယ်၊ အပြင်ထွက်ပြီး စိတ်ဆိုး ပြလိုက်တာရယ်ပါ။

အကြောင်းရင်းရှာပြီးဖျောက်တဲ့နည်းကို မကျင့်သုံးနိုင်သေးရင်တောင် စိတ်ဆိုးချင်သပဆိုရင်လည်း ရင်ထဲမှာပဲ ဆိုးလိုက်ပါ။

ရင်ထဲမှာပဲ ဆိုးနေတာဆိုတော့ ပြဿနာရဲ့ အကြောင်းရင်းကို
သိလိုက်ရတဲ့အချိန်မှာ ကိုယ်ကပိုနေမြဲ ကျားနေမြဲဆက်နေပြီး သူပြော
လာတဲ့အတိုင်း ချော်လဲရာ ရောထိုင်လိုက်ရုံပါပဲ။
ကိုယ့်ရဲ့ စိတ်ဆိုးမှုက အပြင်ထွက်ပြီး ဆိုးပြထားတာမဟုတ်တော့ ကိုယ့်အတွက် သိက္ခာမကျတော့သလို မိတ်လည်းမပျက်တော့ပါဘူး။

တချို့ကျတော့ ပြဿနာတစ်ခုဖြစ်လာရင် "၀ုန်းဒိုင်း"ဆိုပြီး ပေါက်ကွဲ ပစ်တတ်ကြပါတယ်။ အကြောင်းရင်းသိလိုက်ရတဲ့အခါ ဒါမှမဟုတ် ကာလတစ်ခုကြာသွားပြီး စိတ်အေးသွားတဲ့အခါကျမှ ကိုယ်ပြုမူခဲ့တာတွေ ပြန်တွေးပြီး စိတ်မကောင်းဖြစ်ရပြန်ရော။

တချို့ပြဿနာတွေဟာ ကာလတစ်ခုလောက်သည်းခံပေးလိုက်မယ်ဆိုရင် ပြေသွားတာများပါတယ်။ စိတ်ဆိုးတယ်ဆိုတဲ့နေရာမှာလည်း ရက်ရှည်လရှည် နှစ်ချီပြီး ဘယ်သူမှ ဆိုးမနေနိုင်ပါဘူး။ ကာလလေးတစ်ခုလွန်မြောက်သွားရင် ပြေသွားကြတာများပါတယ်။
ဇာတ်တော်တွေ၊ သမိုင်းတွေ၊ ရာဇ၀င်တွေ ပြန်ကြည့်ရင်လည်း အကြောင်းရင်းမရှာမိလို့ ဆုံးရှုံးနစ်နာသွားရတဲ့ သာဓကတွေ အများကြီးပါ။

အတွေးထဲမှာ လတ်တလောပေါ်လာတာလေးက သရေခေတ္တရာ သမိုင်းလေးပါ။

သရေခေတ္တရာခေတ်ကို စတင်တည်ထောင်ခဲ့တဲ့မင်းက ဒွတ္တပေါင်မင်းကြီးပါ။
နောက်ဆုံးမင်းဆက်က သုပညာမင်းပါ။ သရေခေတ္တရာ ခေတ်ဟာ မင်းဆက်ပေါင်း
(၂၅)ဆက်ရှိခဲ့ပါတယ်။

မင်းဆက် (၂၅)ဆက်ထဲက နောက်ဆုံးဖြစ်တဲ့ သုပညာမင်း အကြောင်းပြောပြရအောင်ပါ။

တစ်နေ့မှာ သုပညာမင်းဟာ ကမ်းယံပြည်မှာ မငြိမ်မသက်ဖြစ်နေလို့
စစ်ထွက်ခဲ့ရပါတယ်။ အင်အားကောင်းကောင်းနဲ့ တိုက်လိုက် တဲ့အတွက်
စစ်နိုင်ပါတယ်။ ဒါပေမယ့် သုပညာမင်းဟာ အဲဒီ ကမ်းယံပြည်မှာပဲ
နေနေလိုက်ပါတယ်။ စစ်သည် မှူးမတ်တွေကတော့ သရေခေတ္တရာကိုပဲပြန်ချင်နေကြပါတယ်။ ဘယ်လောက်အထိ နေနေလိုက်သလဲဆိုရင် သုံးနှစ်အထိတောင် နေနေလိုက်ပါတယ်။ သုံးနှစ်ပြည့်မှပဲ သရေခေတ္တရာပြည်ကို ပြန်ခဲ့ပါတယ်တဲ့။

သရေခေတ္တရာပြည် ပြန်ရောက်တော့ တိုင်းပြည်က အရင်လိုမဟုတ်တော့ပါဘူး။ မငြိမ်မသက်တွေ ဖြစ်နေပါပြီ။
ဒီလိုနဲ့တစ်နေ့မှာတော့ အမျိုးသမီးငယ်လေးတစ်ယောက်ဟာ အိမ်ရှေ့ထွက် စကောနဲ့ ဆန်ပြာနေပါတယ်။ ဆန်ပြာနေတုန်းမှာပဲ လေပွေကြီးတစ်ခု
ဝှေ့တိုက်လိုက်ပြီး အမျိုးသမီးငယ်လေးရဲ့ လက်ထဲမှာရှိတဲ့ စကောလည်း
လေပွေကြီးထဲကို လွင့်တက်ပြီး ပါသွားပါတယ်။

လေပွေနောက်ကို စကောရုတ်တရက် လွင့်ပါသွားတော့ "ငါ့စကော ငါ့စကော" လို့အော်လည်းအော် စကောနောက်ကိုလည်း ပြေးလိုက်သွားပါတယ်။

"ငါ့စကော ငါ့စကော" ဆိုတဲ့အသံကြားတော့ ကျန်တဲ့အိမ်ထဲက လူတွေကပါ ထွက်ကြည့်ကြပါတယ်။
ဒါပေမယ့် ထွက်ကြည့်တဲ့ လူတွေရဲ့နားထဲမှာ ဘယ်လိုကြားပြီး ဘယ်လိုနားလည်သွားသလဲဆိုတော့ "ငစကောစစ်တပ်ကြီး ချီလာပြီ၊ ငစကောစစ်တပ်ကြီး ချီလာပြီ" လို့ကြားပြီး နားကြားမှုလွဲသွားပါတယ်။
ဒီတော့ ပြည်သူပြည်သားတွေက ငစကောတပ်ကြီးကို ကြောက် လန့်ပြီး မိသားစုလိုက် ကိုယ်စီထွက်ပြေးကြပါတော့သတဲ့။

အပြင်မှာ ရုတ်ရုတ်သဲသဲနဲ့ ဆူညံနေတဲ့အချိန်မှာ သုပညာမင်းဟာလည်း မကျန်းမမာဖြစ်နေတဲ့အချိန်ပါ။
နောက်ဆုံးတော့ သုပညာမင်းဟာ ဆူညံပွက်လောရိုက်နေတဲ့ အသံတွေကြောင့်ပဲ ထင်ပါတယ်။ နတ်ရွာစံသွားပါတယ်။
အဲဒီမှာတင် သရေခေတ္တရာပြည်ကြီး ပျက်စီးသွားရသလို သရေခေတ္တရာမင်းဆက်လည်း ပြတ်သွားရပါတော့တယ်။
ဒါကြောင့် မြို့ပြည်မင်းဆက်ပြတ်သွားတဲ့ အတွက် သုပညာရဲ့နောက်မှာ နဂရဆိန္နဆိုတဲ့ အမည်ထပ်ဆက်ပြီး သုပညာ
နဂရဆိန္နမင်းလို့ နောက်ပိုင်းမှာ အမည်တွင်သွားတော့တယ်။
နဂရ-ကမြို့၊ဆိန္န-ကပြတ်တောက်တယ်လို့ အဓိပ္ပာယ်ထွက်ပါတယ်။

တကယ်တော့ ဘာငစကောစစ်တပ်ကြီးမှ ချီမလာခဲ့ပါဘူး။ "ငါ့စကော" ဆိုတဲ့ စကားလေးတစ်ခွန်းဟာ တိုင်းပြည်တစ်ပြည်ပျက်စီးသွားရသလို မင်းဆက်လည်း ပြတ်သွားခဲ့ရပါတယ်။
ဘာပဲပြောပြော စကားလေးတစ်ခွန်းဟာ တိုင်းပြည်တစ်ပြည်နဲ့ မင်းဆက်တစ်ခုကို ပြောင်းလွဲသွားနိုင်ခဲ့တာတော့ အမှန်ပါပဲ။

တကယ်လို့သာ အဲဒီအချိန်မှာ ငစကောစစ်တပ်ကြီး ချီလာတာမဟုတ်ဘူး။
စကောလွင့်သွားတာ ဆိုတဲ့ အကြောင်းရင်းကို ရှာပေးနိုင်တဲ့
ပညာရှိတစ်ယောက်ယောက်သာ ထွက်ပေါ်ခဲ့ရင် အခုလိုဖြစ်သွားရမှာ
မဟုတ်ဘူးလို့တောင် တွေးမိပါသေးတယ်။

ဒါပေမယ့် တရားသဘောနဲ့ ကြည့်ပြန်တော့လည်း ဖြစ်ချိန်တန်ရင်ဖြစ်ပြီး
ပျက်ချိန်တန်ရင်ပျက် သွားရတဲ့သဘောပါ။ သက်ရှိသက်မဲ့ အရာအားလုံးဟာ
တစ်နေ့သောအခါမှာ အကြောင်းတစ်စုံတစ်ခုနဲ့ ပျက်ဆီးကြရမှာပါ။
ဘာမှမတည်မြဲပါဘူး။ ဘာမှမတည်မြဲလှတဲ့ တရားသဘောလေးကို ဆင်ခြင်ပြီး မပျက်ဆီးခင်လေးမှာ အဓမ္မအမှုကို မပြုမိဖို့ဘဲ အရေးကြီးပါတယ်။

ဖြစ်ခြင်းပျက်ခြင်းတွေရဲ့ အကြောင်းတွေးမိရင် ဆိုးနေတဲ့စိတ်တောင်
ဘယ်ရှာလို့ရှာရမှန်း မသိအောင် ပျောက်သွားတတ်ပါတယ်။ တကယ်သေချာ
စဉ်းစားကြည့်ရင် မပျက်ဆီးခင်လေးမှာ စိတ်ဆိုးခြင်းကို ဘာဖြစ်လို့
အချိန်တစ်ခုလုပ်ပြီး ပေးနေရတော့မှာလဲလေ။

ဘာပဲပြောပြော စိတ်ဆိုးတော့မယ်ဆိုရင် အကြောင်းရင်းကို ရှာကြည့်လိုက်ပါဦး။ မဆိုးရရင် မနေနိုင်တာကလွဲလို့ဆိုရင်လည်း ရင်ထဲ မှာပဲဆိုးလိုက်ပါတော့။

Ref : ရဝေနွယ် ( အင်းမ )

ကြာပွင့်စားသူများ'

ကြာပွင့်စားသူများ'
(ဂျူး)

'အိုဒက်ဆီ'တွင် ဟိုးမားရေးထားသည့် 'ကြာပွင့်စားသူများ'အကြောင်းကိုဖတ်ရသည့်အခါ ကျွန်မရင်ထဲမှာ တမ်းတမှုတစ်ခု ဖြစ်ပေါ်ခဲ့၏။ ကျွန်မလည်း ကြာပွင့်တွေ စားချင်လိုက်တာ။

ဟိုးမား၏ 'ကြာပွင့်စားသူများ'သည် ပင်လယ်ပြင်ထဲက ကျွန်းကလေးတစ်ကျွန်းတွင်နေထိုင်သည်။ ဟိုးမား၏သင်္ဘော ထိုကျွန်းသို့ဆိုက်ကပ်မိသောအခါ ကျွန်းသူ ကျွန်းသားများသည် ဘယ်လိုလူသတ္တ၀ါမျိုးလဲ၊ ရန်ပြုမှာလား၊
ရိုင်းစိုင်း သလားစသဖြင့် မသိရသေးသောကြောင့် စာရေးသူက
သင်္ဘောသားနှစ်ယောက်သုံးယောက်ကိုလွှတ်ပြီး စနည်းနာ စုံစမ်းခိုင်းသည်။ ပြန်မလာ၊ သတင်းလည်း ပြန်မပို့၊ တကယ်တော့
သင်္ဘောသားတွေကို ကျွန်းသူကျွန်းသားများက အန္တရာယ်ပြုတာမဟုတ်။
ကြာပွင့်များကိုကျွေးပြီး ဧည့်ဝတ်ကျေပွန်စွာပြုစုနေကြခြင်းသာဖြစ်သည်။ သူတို့ကျွေးသော ကြာပွင့်ကြာဆံတို့၏ ချိုမြသည့်ဝတ်ရည်များကို စားသုံးကာ သင်္ဘောသားများ ယစ်မူးချမ်းမြေ့ကြသည်။

သင်္ဘောဆီသို့ မပြန်လို၊ ဘာသတင်းမှလည်း ပြန်မပို့လို၊သူတို့ရောက်သည့်နေရာမှာပဲ သူတို့စိတ်ချမ်းမြေ့သည်။ သူတို့မှာ အတိတ်မရှိ၊ သူတို့မှာ အနာဂတ်မရှိ။ကြာပွင့်များဖြင့် မိန်းမူးစွာ သူတို့နှစ်သိမ့် ကျေနပ်ခဲ့ကြသည်။
ကျွန်မစဉ်းစားကြည့်သည်။အဲသည်လူတွေ ဘယ်အချိန်ကျမှ သူတို့ဘ၀ကို သူတို့ပြန်သွားချင်လာကြမှာလဲ။ ကြာပွင့်တွေ၏ အာနိသင် ကုန်သွားမှလား။ သို့မဟုတ် တစ်သက်လုံး မိန်းမောယစ်မူးနေမလား။ အိုဒက်ဆီမှာတော့ သင်္ဘောသားတွေကို ဇွတ်ဆွဲခေါ်ပြီး
အခွံသက်သက် သင်္ဘောကြီးဆီ ပြန်ခေါ်လှော်ခတ် ခိုင်းရသည်ဟု ဆိုပါသည်။

ကျွန်မ ကြာပွင့်တွေ စားချင်သည်။

လောက၏၀န်ထုပ်ဝန်ပိုးတွေ၊ဖိစီးမှုတွေ။ တွန်းအားတွေများလွန်းသည့် ကျွန်မလိုဘ၀တူတွေ ကြာပွင့်တွေတော့ စားကြရမှာ
မဟုတ်။ သို့သော် သူတို့မှာလည်း သူတို့ ယစ်မူးမိန်းမောရမည့် အရသာ
ကိုယ်စီကို ရှာဖွေစားနေကြတာ ကျွန်မအမြင်ပါပဲ။

တချို့က ကော်ဖီဖြင့် ယစ်မူးသည်။ တချို့က ဘီယာဖြင့်ယစ်မူးသည်။ တချို့က
ကွမ်းယာဖြင့်ယစ်မူးသည်။ ဂျပန်တွေက ဟင်းအဖြစ်လည်း ချက်စားလို့ရသော ငါး
သို့မဟုတ် မှိုဖြင့်ယစ်မူးသည်ဟု ကြာဖူးပါသည်။ ကျွန်မ ငယ်ငယ်က မှိုကြက်
တောင်ဟုခေါ်သော မှိုတစ်မျိုးကို မီးကင်ပြီး စားဖူးသည်။ တော်တော်ရှားသည့်
မှိုဖြစ်သဖြင့် နေ့စဉ်မှိုရှာပေမယ့် တစ်ပတ် လောက်ကြာမှ တစ်ပင်ပဲ
တွေ့ချင်တွေ့တတ်သည်။ ခပ်ရှည်လျားလျား၊ သူများမှိုလို ထီးကားကား
ဝိုင်းဝိုင်းပြန့်ပြန့် မဟုတ်။ ရိုးတံသာသာပဲ ခပ်ဖောင်းဖောင်းလေးလုံးနေသော ထိပ်ရှိသည်။ ထိုမှုကိုမီးကင်ပြီး ကျွန်မတို့ကလေးတစ်တွေ ဆားလေးဖြူး ကာ
ဝေမျှစားကြရ၏။ စားပြီးသည့်အခါ အိမ်ရှေ့ကွပ်ပျစ်လေး ပေါ် ပက်လက်လှန်ကာ
မိုးကောင်းကင်က တိမ်တွေတရိပ်ရိပ် ပြေးတာ စောင့်ကြည့်ရတာ အလွန်အရသာရှိသည်။
မှိုကချိုလွန်း ဆိမ့်လွန်းသဖြင့် ယစ်မူး ကျေနပ်ကြရခြင်းဖြစ်မည်ဟု
ကလေးအတွေးဖြင့် ယူဆခဲ့၏။

တကယ်တော့ ကျွန်မတို့ ကလေးတစ်သိုက် သုခဘုံတစ်ခုဆီသို့ အလည်သွားခဲ့ကြခြင်းဖြစ်သည်။ ထိုအချိန်မှာ မေမေဆူ မှာလည်းမကြောက်။ မနက်ဖြန်စာမရလို့ ဆရာရိုက်မှာလည်း
မကြောက်။ မနက်က စဉ့်အိုးတစ်အိုးအပြည့် ရေခပ်ခဲ့ရသည့် လက်ဖ၀ါးတွေလည်း
သိပ်မနာတော့သလို ထင်ရသည်။ တော်တော်ကောင်းတဲ့ မှိုပဲ။ နေ့စဉ်ရှာမတွေ့တာ
နာတာပဲ....ဟု ရေရွတ်တမ်းတခဲ့မိသည်။

ကျွန်မ သေချာ စဉ်းစားမကြည့်မိလို့ပါ။ ကျွန်မမှာ ယစ်မူးသာယာမှုတစ်ခုမဟုတ်
တစ်ခုတော့ အမြဲရှိနေခဲ့သည်။ ထန်းသီး ဆံနုနုလေးတွေကို စားဖူးသည်။
ပေသီးနုနုလေးတွေ စားကြည့်ဖူးသည်။ ကြာခွက်ဟုခေါ်သော အစိမ်းရောင် အထုပ်
ကလေးထဲမှ ကြာစေ့ အစိမ်းနုအဆံလေးတွေ ထုတ်ယူပြီး အတွင်းက အနှစ်ကို
စားဖူးသည်။အဲဒါက ကလေးဘ၀ တုန်းကပေါ့။ ဆယ်ကျော်သက် အရွယ်မှာတော့ မြန်မာပီပီ
ကွမ်းယာကို တစ်ခါမြည်းကြည့်ဖူးသည်။ ဆေးရွက်ကြီး ပါသွားသဖြင့်
မူးဝေသွားခဲ့သည်။

အခုအခါမှာတော့ ကျွန်မ၏ ယစ်မူးမှုက ရသအမျိုးအစားပြောင်းသွားသည်။ အစားအသောက်ဖြင့် ယစ်မူးခြင်းမဟုတ် တော့ဘဲ ဒြပ်မဲ့အရာများဖြင့်
ယစ်မူးလာသည်။ ကဗျာဖြင့် ယစ်မူး၏။ ရုပ်ရှင်ဖြင့် ယစ်မူး၏။ ဂီတဖြင့်
ယစ်မူး၏။ ကဗျာ၊ ရုပ်ရှင်နှင့် ဂီတသည် လူတချို့အတွက်တော့
တဒင်္ဂစိတ်ချမ်းမြေ့မှုဆီသို့ အရောက်ပို့ပေးမည့်ယာဉ်များဖြစ်ကြသည်။

လူတိုင်းလူတိုင်းသည် ယစ်မူးမှု အမျိုးမျိုးကို မြည်းစမ်းဖူးသူတွေချည်း
ဖြစ်မလားဟု ကျွန်မတွေးမိသည်။ ရာသီဥတု၏ ဖိနှိပ်မှုဒဏ်၊ လူမှုပတ်ဝန်းကျင်၏
ဖိနှိပ်မှုဒဏ်၊ စီးပွားရေးကြပ်တည်းမှုဒဏ်၊ထွက်ပေါက်မဲ့ မျှော်လင့်ချက်မဲ့ မွန်းကြပ်မှုဒဏ်၊ ဒဏ်ရာ ဒဏ်ချက်အားလုံးမှာ
နာကျင်စေချည်းပဲဖြစ်သည်။ ထိုနာကျင်မှုတွေကို ကုသဖို့ဘာလိုသလဲ
ဟုတွေးကြည့်သည်။ ငွေလိုသလား။ငွေလိုတာတော့မှန်၏။ ငွေသည် အရာတော်တော်များများကို ပြီးမြောက်စေသည်မဟုတ်လား။ သို့သော် ငွေဖြင့် ကုသလို့ရသည့် ဒဏ်ရာတော်တော်များများအတွက်ပင်လျှင် ကျွန်မတို့မှာ လုံလောက်သည့်ငွေမရှိ။ ထို့ထက်ပို ဆိုးသည်မှာ ငွေဖြင့် ကုလို့မရသည့် ဘ၀ဒဏ်ရာတွေလူတိုင်းမှာရှိသည်။ ထိုဒဏ်ရာများကိုတော့ တစ်ခုခုကို ယစ်မူးခြင်း နှင့်သာ ကုသနိုင်ပါလိမ့်မည်။
ထိုယစ်မူးမှုမျိုးကို နာမည်အမျိုးမျိုးတပ်ကြသည်။ အိပ်မက်ဟုတစ်ချို့က နာမည်ပေးသည်။ တစ်ချို့က စိတ်ထွက်ပေါက်ဟု နာမည်ပေးသည်။ ကမ္ဘာကျော်
ပြင်သစ်ကဗျာဆရာကြီး ရှားလ်ဘို့ဒ်လဲ(ရ်) (Charles Baudelaire) ကတော့
သုခဘုံအတု (Artificial Paradise) ဟုနာမည်ပေးခဲ့ပါသည်။

သုခဘုံအတုကိုဖန်တီးရာ၌ အစွမ်းအထက်ဆုံး အာနိသင်ကိုပေးနိုင်သည့်အရာမှာ ကြာပွင့်တွေလား။ ဟိုလ်ဒါလင်၏ ကဗျာ ထဲက မေ့စေသောမြစ်(လီလီမြစ်)၏ ရေလား။
တံတားဦးက ကွမ်းနုဝါနှင့် ငန်းမြာကဆေးလား သို့မဟုတ် ဘရန်း၏ ဂီတ လား၊
နန်းတော်ရှေ့ဆရာတင်၏ သူဌေးဝါဒ သီချင်းလား။ ဖြစ်နိုင်လျှင် သေချာအောင်
ထိုအရာအားလုံးကို မြည်းစမ်းလိုက် ချင်ပါသည်။ ဒေါသတွေကို မေ့ဖို့၊
နာကျင်မှုတွေကို မေ့ဖို့၊ ဒဏ်ရာတွေကို ဆေးကြောဖို့ဖြစ်သည်။

အီဇာဘယ်အာယန်ဒေး၏ စာအုပ်တစ်အုပ်မှာ အစားအသောက်နှင့် ပတ်သက်ပြီး
ယစ်မူးမှုရယူနိုင်အောင် ဘယ်လိုပြင်ဆင် မလဲ။ ချစ်ခြင်းမေတ္တာကိုရအောင်၊
ချစ်ရမ္မက်ကိုရအောင်၊ ဘယ်အသီးအရွက်၊ ဘယ်လိုအရောင်၊ ဘယ်လိုအရသာကို ဘယ်
လိုပြင်ဆင်မလဲဟု စနစ်တကျ ရေးထားသည်။ ဖတ်လို့ အလွန်ကောင်းပါသည်။
ဒါလည်းသုခဘုံအတုတစ်ခုကို ပြင်ဆင်ခြင်း ပဲ ဖြစ်လိမ့်မည်။

တချို့က ဘောလုံးပွဲတွေကိုကြည့်သည်။ဘောလုံးတစ်ပွဲစာတော့ သူတို့ယစ်မူးခွင့်ရလိမ့်မည်။ ဒါလည်းတစ်နည်းတော့ သုခဘုံအတုပဲဖြစ်မလားမသိပါ။ ဘို့ဒ်လဲ(ရ်)စမ်းသပ်ခဲ့သည့် သုခဘုံအတုက ယစ်မူးစေတတ်သော အပင်တစ်ခုဖြင့် ဖော်စပ် ထားသော
အစားအသောက်တစ်ခုဖြစ်သည်။ ထို့ကြောင့် အာရုံကြောကို ပြေလျော့စေသည်။
ပျော်ရွှင်စေသည်။ ယစ်မူး စေသည်။ ကလေးတစ်ယောက်လို လွတ်လပ်ပေါ့ပါးစေသည်ဟု
ဆိုပါသည်။
ကင်းဒမ်းဝါ့(ဒ်)ဟူသော ရုက္ခဗေဒပညာရှင်ကြီး တစ်ယောက်၏ ခါကာဘိုရာဇီသွား
တောလားမှတ်တမ်း တွင် ကျွန်မဖတ် လိုက်ရတာကတော့ သူ့အထမ်းသမားအချို့
အသီးတစ်မျိုးကို စားပြီး မူးဝေမိန်းမောကုန်ကြသည်ဟု ဆိုသည်။ သဘာဝ
တရားကြီးသည် ဒုက္ခဆင်းရဲမှုတွေ များလှသော လူသားတွေအတွက် သက်သာရာရအောင်
တစ်ခုမဟုတ် တစ်ခုတော့ ဖြေဆေးလေးတွေ ပေးထားသားပဲ....ဟု ကျွန်မတွေးမိ၏။

အရင်ခေတ်က လူတွေထက် သည်ခေတ်လူတွေက သုခဘုံအတု ပိုပြီးလိုလားလေသလားမသိ။
နေရာတကာမှာ ယစ်မူးမှု အမျိုးမျိုးဖြင့် လူတွေဘ၀မေ့ဖို့ ကြိုးစားနေတာကို
မြင်မြင်နေရသည်။ တချို့နည်းက အန္တရာယ်ကြီး၏။ သူတို့က စွန့်စားတာ ကို
ကြိုက်ဟန်တူပါသည်။

ကျွန်မအတွက်ကတော့ ဟိုးမား၏ ကြာပွင့်ကို လက်လှမ်းမမီ၊
ဝိုင်ကိုကြိုက်သော်လည်း သိပ်မတည့်။ ထို့ကြောင့် ဂျွန်လင်နွန် ၏ Imagine
သီချင်းဖြင့် ယစ်မူးသည့်အခါလည်းရှိ၊ ဓူဝံ၏မာလာဝတ္ထုဖြင့်
ယစ်မူးသည့်အခါလည်းရှိ၊ ရော်ဘင်ဝီလျမ်(စ်) သရုပ်ဆောင်သော Jakob the Liar
ရုပ်ရှင်ဖြင့် ယစ်မူးမိသောအခါတွေလည်း ရှိသည်။ သိပ်မဆိုးလှပါ။

သုခဘုံအစစ်ကို မရနိုင်သည့်အခါ အတုကလည်းတော်တော်အလုပ်ဖြစ်ပါသည်။

Ref:
- The Odyssey by Homer.
- Artificial Paradise by Charles Baudelaire
(Eleven News Vol: 1/No: 25, 12-5-2002)
mmnetwork မှကူးယူဖော်ပြသည်။

http://www.news-eleven.com/index.php?option=com_content&view=article&id=3055:2010-05-16-16-06-53&catid=78:2009-11-13-06-25-17&Itemid=135

မောင်စံပေါရဲ့ ထုံးစံအတိုင်းပဲ ငြိမ်ငြိမ်မနေနိုင်၊ မနေတတ်တော့။ ဟိုဖတ်၊ ဒီဖတ်၊ ဟိုတွေး၊ ဒီတွေး၊ ဟိုရေး၊ ဒီရေးပေါ့။ ဟိုရောက် ဒီရောက် မရောက်တဲ့အချိန်တွေမှာ။

အခုလည်း (ဆရာ)နတ်မှူးရဲ့ ၀တ္ထုတိုစုဖတ်နေရာကနေ 'ကောင်းကင်မရှိတဲ့ကြယ်' ဆိုတဲ့ ၀တ္ထုတိုက ခေါင်းထဲရောက်လာတယ်။ ဒေါက်တာပီရက်စ်က သေကောင်ပေါင်းလဲဖြစ်နေတဲ့ လူငယ်ကလေးတစ်ယောက်ရဲ့အသက်ကို ကုသကယ်တင်ခဲ့တယ်။ အဲဒီလူငယ်ကလေးဟာ ဂျာမနီအာဏာရှင်ဟစ်တလာဖြစ်ခဲ့ပြီး သူ့ပယောဂနဲ့ ဒေါက်တာပီရက်စ် အကျဉ်းထောင်ထဲမှာ သေဆုံးခဲ့တယ်။

'လူတစ်ယောက်သေဆုံးသွားတာ ၀မ်းနည်းစရာဆိုတာသေချာပေမယ့် လူတစ်ယောက်အသက်ရှင်လာတာ ၀မ်းသာစရာသေချာရဲ့လား' ဆို တဲ့မေးခွန်းကလေးက စာအုပ်ကျောဖုံးမှာ။

အဲဒီကနေဆင့်ပွားပြီး များလာတဲ့အတွေးထဲမှာ တစ်ခုပေါ်တာက ကူညီတဲ့ကိစ္စ။ ကြုံလှီချည့်နဲ့၊ အားမဲ့နေတဲ့အပင်ကလေးကို ရေလောင်းပေါင်းသင်၊ မြေသြဇာကျွေး ပျိုးထောင်လိုက်တာ ကြီးလာမှဘာမှသုံးမရတဲ့ ဒုက္ခပင်ဖြစ်နေတာမျိုး ရှိချင်ရှိမှာပါ။

မောင်စံပေါတို့လူမျိုးက လူတစ်ဖက်သားကို လွှတ်ကူညီချင်တတ်ကြတာ။ ကျိကျိတက်ချမ်းသာသူ မဟုတ်ကြပေမယ့် ကိုယ်စားမဲ့အထဲက ဟင်းခွဲပေးတာမျိုး၊ ဆန်ကလေး၊ ဆီကလေးမျှဝေပေးတာမျိုးဟာ အများစုကြားမှာ မဆန်းတော့တဲ ကိစ္စတွေပါ။

ကူညီတယ်ဆိုတာ ကောင်းပါတယ်။ ဒုက္ခရောက်နေတဲ့ လိုအပ်နေတဲ့သူကို တတ်နိုင်သမျှစောင့်ရှောက် ကူညီတတ်ကြတာ။ မောင်စံပေါတို့ ဆွေမျိုးညီနောင်တွေရဲ့ ချစ်စရာဓလေ့ပါ။ မောင်စံပေါကြီးပြင်းခဲ့ရတဲ့ ပတ်ဝန်းကျင်ကလည်း စေတနာ၊သဒ္ဓါ တရားတွေ ထုံလွှမ်းရာဖြစ်ခဲ့လေတော့ ကြုံခဲ့ရတာတွေက မနည်းမနောရယ်။

ဘကြီးဦးသာဗျောနဲ့ကြီးတော် ဒေါ်လှတို့ ဇနီးမောင်နှံရှိကြတယ်။ သားထောက်သမီးခံကလည်း မရှိကြတော့ ပိုပိုလျှံလျှံ ချောင်ချောင်လည်လည်ရှိကြပါတယ်။

သူတို့အိမ်နံဘေးမှာ ငမူးငပိန်တို့မိသားစု တဲကလေးနဲ့နေကြပါ တယ်။ (အမှန်က မောင်စံပေါအရွယ် နဲ့ ဦးပိန်ခေါ်ရမှာပ။ လူကြီးတွေ သံယောင်လိုက်ပြီး ငပိန်ကို နာမ၀ိသေသနတပ်ပြီး သုံးလိုက်တာပါ) ငပိန်ကလည်း နာမည်ကသာငပိန်၊ ဘ၀င်က ၀တိံမှာ။ မူးပုံကတော့ ပြောမနေနဲ့။သူ့မိန်းမက မစိန်၊ ဒါပေမဲ့ စိန်ဆိုတာဝေးစွ ပုလင်းကွဲကောင်းကောင်းလှလှတောင် မရှိတဲ့ဘ၀။

ငပိန်က မူးတယ်၊ ရူးတယ်။ သူကုန်ထမ်းလို့ရတာ သူသောက်တာနဲ့တောင် မလောက်ချင်ဘူး။ ဒါတောင်မှ သူကပြောသေးတာ ''မိသားစုကို ငဲ့နေရလို့ပေါ့ကွာ။ တစ်ကိုယ်ရေတစ်ကာယသာဆို ဂျော်နီလမ်းလျှောက်အောက် ဘယ်ရောက်လိမ့်မလဲ'' တဲ့။ အတန်းပညာနည်းခဲ့တဲ့ အပေါ်မှာ အငုံ့စိတ်ကလေးကလည်း ရှိလေတော့ အရည်ကလေးဝင်သွားပြီးနည်းနည်း မြှောက်ပေးရင် ကဘောက်တိကဘောက်ချာ အေဘီစီဒီတွေ ထွက်လာပါရော။

တစ်ခါသားမှာပေါ့ ဘုရားလူကြီးဦးဘဖေ သူတို့ဝိုင်းနားကအဖြတ်မှာ တခြားဝိုင်းတော်သားများကငပိန်ရဲ့ အင်္ဂလိပ်စာကျွမ်းကျင်မှုကို မှတ်ကျောက်တင်ဖို့မေးလိုက်တယ်။ 'ကျွဲ' ကို ဘိုလိုဘယ်လိုခေါ်သလဲပေါ့။ ဒါလေးများဆိုတဲ့ပုံနဲ့ ငပိန်ရင်ကော့ပြီး ဖြေလိုက်တာ 'ဘတ်ဖဲလိုး' မဟုတ်ဘဲ 'ဘဖေ --' 'ကျွဲ' ဖြစ်သွားပါရော။ အဲဒီမှာတင် မလုံတဲ့အိုးတုတ်မိုးရုံနဲ့ ကွဲသွားတဲ့ဘုရားလူကြီးက နရင်းဝင်အုပ်ထည့်လိုက်တာ နံဘေးက အဆွဲကောင်းလို့သာဆိုပဲ။ ဘကြီးသာဗျောတို့များ သတိရတိုင်းပြောပြောပြီး ရယ်လို့ မဆုံးဘူး။

မစိန်မှာတော့ ငပိန့်လုပ်စာမျှော်ကိုးနေလို့က ငတ်သေတာကြာပေါ့ဆိုပြီး ရပ်ကွက်ထဲမှာ အိမ်တကာလှည့်ပြီးအ၀တ်လျော်အစ၊ အိုးတိုက်၊ ပန်းကန်ဆေးအဆုံး လုပ်ရရှာတယ်။ ဒါတောင်မှ သူတို့မိသားစုမှာ သိပ်နပ်မှန်ချင်တာမဟုတ်ဘူး။ 'မအေလင် ဆိုးမယား၊ တဖားဖား' ဖြစ်သလို ကလေးတွေမှာလည်း 'ဖဆိုးသမီး တညည်းညည်း' ဖြစ်နေရတာပါပဲ

သူတို့မိသားစုကို ဘကြီးသာဗျောက ဟိုဟာပေး၊ ဒီဟာပေးနဲ့ တတ်နိုင်သမျှကူညီစောင့်ရှောက်တာကို ကြီးတော်ကတယ်မကြည်လှဘူး။ အဲဒီတော့ဘကြီးသာဗျောက ပြောပါတယ်။
'လူတစ်ယောက်သေဆုံးသွားတာ ၀မ်းနည်းစရာဆိုတာ သေချာပေမယ့် လူတစ်ယောက်အသက်ရှင်လာတာ ၀မ်းသာစရာ သေချာရဲ့လား'ဆိုတဲ့ မေးခွန်းကလေးက . . .

"မယ်လှရယ် ဖအေအသုံးမကျလို့ ကျန်တဲ့မိသားစုကို ဘာအကူအညီမှမပေးဘူးဆိုပြီး ပစ်ထားရင် ခမျာများ ဒီ့ထက်ပိုဒုက္ခရောက်ပေမပေါ့ကွယ်။ တတ်နိုင်သမျှ နွေးနွေးထွေးထွေးစောင့်ရှောက်မှုမရှိဘဲ 'ကြဉ်' ထားရင် ကလေးတွေစိတ်အချဉ်ပေါက်ပြီး လမ်းလွှဲရောက်မှ ပိုဆိုးမှာကွယ့်။ အဆိပ်ပင်ရေလောင်းမဟုတ်ပါဘူးကွာ" တဲ့။

"ကိုစံပေါရေ ကျုပ်ကတော့ တကယ့်ကို အဆိပ်ပင်ရေလောင်းခဲ့တာဗျို့။ ခြေနှစ်ချောင်းနဲ့ နားရွက်တိုကို မကယ်ကောင်းဘူးဆိုဗျာ" မကြာခင်တင်ကပဲ သူငယ်ချင်းတစ်ယောက်ကလာပြီး ရင်ဖွင့်သွားပါတယ်။ သူက စိတ်ကောင်းတော်တော်ရှိတဲ့သူပါ။ ဘာသာရေးအလှူတွေ အထိုက်အလျောက်ပြုပါတယ်။ လူမသိ၊ သူမသိလှူတယ်ပြောပြော၊ လူသိတယ်ဆိုဆို သူပိုပြီးအာရုံညွတ်စွာနဲ့ ကြည်ကြည်နူးနူးလုပ်လေ့ရှိတာက ဘ၀တိုးတက်ရေး၊ ပညာရေးနဲ့ပတ်သက်ပြီး တကယ့်ကိုအခက်အခဲ ကြုံတွေ့နေရတဲ့ လူငယ်လေးတွေကို ကူညီပံ့ပိုးပေးတာပါ။

ရိုးသားမှု၊ ကြိုးစားမှုနဲ့ ဂုဏ်သိက္ခာကို ဦးထိပ်ပန်ဆင်ပြီး အပြင်ဝင်ငွေကောင်းတဲ့ဌာနတစ်ခုရဲ့ အရာရှိဘ၀ကို ဆင်းဆင်းရဲရဲနဲ့ ဖြတ်ကျော်ခဲ့ပြီး နာမည်ကောင်းတစ်ခုကို ထူထောင်ခဲ့တဲ့အဖေနဲ့ စေတနာကောင်းလှစွာနဲ့ တပည့်တပန်းတွေရှိတာ ရောင်းချပေးကမ်းပြီး ယောက်ျားကို ပါရမီဖြည့်ခဲ့တဲ့အမေက မွေးခဲ့တာ။

ဂုဏ်ထူးဆိုတာရှားပါးနေသေးတဲ့ ခုနစ်ဆယ် (၇၀) စုနှစ်ထဲမှာ ကျူရှင်မယူဘဲ နယ်မြို့ကနေ ငါးဘာသာဂုဏ်ထူးနဲ့အောင်မြင်ခဲ့၊ လူရည်ချွန်ဆုများစွာ ရယူခဲ့ပေမယ့် သူ့ပညာရေးနဲ့ပတ်သက်ရင် အားမရသေးဘူး။ အဲဒီသူငယ်ချင်းက ဖြစ်ကြောင်း ကုန် စင်ကို နတ်သံနှောပြီး ရင်ဖွင့်ခဲ့ပါတယ်။

အဲဒီကောင်ကလေးပေါ့ဗျာ။ မျိုးချစ်စိတ်ရှိတဲ့ကောင်လေး။ ဆရာဇော်ဂျီရဲ့ 'သင်သေသွားသော်' ကဗျာ ကို ခဏခဏရွတ်တဲ့ကောင်ကလေး။ ကံကြမ္မာအလှည့်အပြောင်းမှာ မြန်မာတွေဇာတာစောင်းခဲ့ရတာကို ပြန်တည့်ချင်တဲ့ ကောင်ကလေး။ အဲဒီလို ကောင်ကလေးဗျာ။

တိုတိုပြောရစို့ရဲ့။ ဒီကောင်လေး ကျောင်းပြီးတယ်။ ဘွဲ့ရတယ်။ အစိုးရဌာနတစ်ခုမှာ အရာရှိငယ်ဖြစ်တယ်။ အလုပ်ထွက်တယ်။ ဘွဲ့လွန် မဟာဘွဲ့တတ်တယ်။ မဟာဘွဲ့ကျမ်းပြုစုမှာ ငွေကြေးပြဿနာတက်ပါရော။ သူ့ကိုငွေကြေးထောက်ပံ့နေတဲ့ ဆီက ဖြတ်လိုက်တော့ မဟာအခက် ကြုံရတာပေါ့ဗျာ။

အဲဒီမှာ မမျှော်လင့်ဘဲ ကျုပ်နဲ့တွေ့တယ်။ ကျုပ်နဲ့ကလည်း သိဟောင်းကျွမ်းဟောင်းတွေဖြစ်၊ ညီအစ်ကိုလိုဖြစ်နေတာ့ကာ သူအလုပ်ရှာခိုင်းတာကို ကျုပ်ငြင်းလိုက်တယ်။ အလုပ်လုပ်၊ ပိုက်စံစုပြီးမှ ကျမ်းပြန်ပြုရင် အချိန်တွေအလဟဿကုန်သွားမှာ၊ ခါးပြတ်သွားမယ်။ ဒါနဲ့လိုတဲ့ ပိုက်ဆံထုတ်ပေးခဲ့တယ်။ ကျေးဇူးလည်းမထားနဲ့။ အကြွေးလည်းမမှတ်နဲ့။ မင်းအဆင်ပြေချိန်မှာ ငါတို့လူမျိုးတိုးတက်ဖို့ မမေ့ရင်၊ လိုအပ်နေတဲ့သူတွေကို (အထူးသဖြင့်ပညာရေးနဲ့ပတ်သက်ပြီး) ကူညီရင်ကျေနပ်ပြီ ဆိုပြီး ပြောခဲ့တာ။

မဟာဘွဲ့ရသွားတယ်။အလုပ်ကောင်းကောင်းရတယ်။ ပါရဂူဘွဲ့ ဆက်တက်တယ်။ ရတယ်။ ပိုကောင်းတဲ့အလုပ်ရတယ်။ တည်ငြိမ်အောင်မြင်တဲ့ဘ၀တစ်ခုကို ရောက်သွားပြီဆိုရစို့ရဲ့။

အနောက်နိုင်ငံကြီးတစ်ခုမှာ အလုပ်လုပ်နေထိုင်ရင်းကနေ အဲဒီ နိုင်ငံသားခံယူလိုက်တယ်။ မြန်မာပြည်ကို အလည်ပြန်လာရင်တောင်မှ မြန်မာသံရုံးမှာ ဗီဇာယူပြီး ပြန်လာရတာ။

ရေမြေလိုက်ပြီး ပြောင်းလဲတတ်တယ်ဆိုရင်တောင် ဒီကောင်ပြောင်းသွားတာတွေက မယုံစရာပဲ။ လုံချည်နဲ့လည်ကတုံးအင်္ကျီကို မြတ်မြတ်နိုးနိုးဝတ်တတ်တဲ့ကောင်လေး၊ အခုတော့ ဘာမှန်းမသိတဲ့ ဘောင်းဘီပွပွ မရှည်မတိုနဲ့ တီရှပ်ကိုဝတ်လို့ ကျုပ် တို့ငယ်ငယ်တုန်းက ပြောပြောနေတဲ့ သူတောင်းစားဦးထုပ်ကိုဆောင်းလို့။

ကျုပ်တို့ဗျာ ပန်ကာတောင် မမြင်ဖူးတဲ့အရပ်မှာ လူဖြစ်လာတာပါ။ အခုတော့ သူကပူတော်မူသတဲ့။ ဖုန်ထူသတဲ့။ အစားအသောက်တွေက ကျန်းမာရေးနဲ့မညီညွတ်ဖူးတဲ့။ ဌာနက ဘာဖြစ်နေတာလဲတဲ့။ သူနဲ့လုပ်ဖော်ကိုင်ဖက်တွေ၊ နောင်တော်တွေကို လည်းအပြစ်တွေတင်နဲ့။

နောက်ပြီးပြောသေးတယ်။ မြန်မာတွေ စည်းကမ်းမရှိဘူးတဲ့။ ကျင့်ဝတ်နားမလည်ဘူးတဲ့။ သူကတော့ရော နိုင်ငံခြားမှာ နေထိုင်လုပ်ကိုင်တဲ့ မြန်မာလူမျိုးတွေမှန်သမျှ သက်ဆိုင်ရာနိုင်ငံမှာရှိတဲ့ မြန်မာသံရုံးမှာ ကိုယ်ရတဲ့ဝင်ငွေ(လစာ)ရဲ့ တစ်ဆယ် ရာခိုင်နှုန်းကို ၀င်ငွေခွန်ဆောင်ရပါတယ်။ ဒီကောင်လေး နိုင်ငံခြားသားအဖြစ် အပြီးတိုင်ပြောင်းလဲခံယူချိန်မှာ သံရုံးကိုအခွန်ဆောင်စရာကြွေးကျန်တွေ နှစ်နဲ့ချီပြီးကျန်နေခဲ့တယ်။ နိုင်ငံကြီးသားပီသမယ်ဆိုရင် နိုင်ငံတော် ကိုပေးဆောင်ရမယ့် ၀င်ငွေခွန်အကျေအလည် ပေးဆောင်ခဲ့သင့်တာပေါ့။

မြန်မာပြည်အလည်ပြန်လာတော့ရော။ ကိုယ်မြန်မာမဟုတ်တော့ပါဘူး။ နိုင်ငံခြားသားဖြစ်သွားပါပြီလို့ ကြေညာပါလား။ ငွေကြေးသုံးစွဲတဲ့အခါ နိုင်ငံသားနဲ့နိုင်ငံခြားသား ခွဲခြားဈေးနှုန်းသတ်မှတ်တောင်းခံတဲ့ တည်းခိုရာ၊ ခရီးသွားရာ၊ ဂေါက်သီးကစား ရာစတဲ့အချိန်တွေမှာ မြန်မာမှတ်ပုံတင်ကိုသုံးပြီး နိုင်ငံသားတွေအတွက် သတ်မှတ်ထားတဲ့နှုန်းထား သက်သက်သာသာနဲ့ပေးတယ်။ ဘယ်မှာလဲ စည်းမျဉ်းစည်းကမ်းလိုက်နာမှု။

'နေထိုင်စားသောက်ဖို့အတွက် သင့်မှာ အလုံအလောက်ရှိခဲ့ပြီးရင်လည်း ပိုလျံတာနည်းနည်းလောက်တော့ ခွဲဝေမျှခြမ်းပေးကမ်းသင့်ပါတယ်'တဲ့။'သင်သေသွားသော်' ကဗျာ ကို မကြာမကြာခဏရွတ်တတ်တဲ့ ကောင်လေးဆိုတော့ စေတနာလေး နည်းနည်းတော့ ကျန်ကောင်းရဲ့ဆိုပြီး လူမှုရေးအသင်းတွေ၊ အားကစားအဖွဲ့တွေအတွက် အလှူခံကြည့်မိပါ တယ်။ "အစ်ကိုကသူဌေးပဲ ကိုယ့်ဖာသာလှူပေါ့။ ကျွန်တော်က ဘာကိစ္စ လှူရမှာလဲ" တဲ့ အလှူခံမိအပြစ်ရှိ သူက ကျုပ်ဖြစ်ခဲ့ရတာပေါ့။

သူအလည်ပြန်လာတဲ့အချိန် ဇိမ်ခံဟိုတယ်ကြီးတွေမှာ တည်းတဲ့အချိန်မှာ သူ့ကိုလာတွေ့ဖို့ခေါ်တယ်။ သွားမတွေ့ပြန်တော့ အပြစ်တင်မဆုံးပေါ့လေ။ တောင်ကြီးက မိုဟာမက် ဆီသွားရမှာလား။ မိုဟာမက်က တောင်ကြီးဆီလာရမှာလား။

ဒီကနေ ထွက်သွား၊ ဟိုကပေး တဲ့အခ ---တစ်ပဲခြောက်ပြားပေး ဘ၀ကို အဟုတ်ထင်ပြီး ဒီဘက်ကို ဟိုအဝေးကြီးကပြန်ဟောင်ကြတာ တွေရှိပါတယ်။ ဒီကောင်လေးကတော့ ကျုပ်နီးနီးစပ်စပ်ပတ်သက်ကူညီခဲ့တာကိုး။ အဲဒီတော့ ရင်နာတယ် ဆိုတာထက်ကို ပိုပြီးပြောချင်တယ်။ သူ့ကိုမကျွေးမွေး၊ မပြုစု၊ မဧည့်ခံတဲ့အတွက်တောင် စိတ်နာတယ်တဲ့ဗျာ။နောက်ကြုံမှ ထပ်ပြောပြပါဦးမယ်။ ခုတော့ ခရီးဆက်စရာရှိသေးလို့'' ဆိုပြီး မိတ်ဆွေကြီးထွက်သွားပါတယ်။

ဒီကနေဆက်ပြီး ငပိန်အကြောင်းပြောရဦးမယ်။ ကြာခဲ့ပါပြီ။ မိုးတွင်း၊ မြစ်ရေကြီး ရေစီးတွေ အရမ်းသန်တဲ့ တစ်နေ့မှာ ငပိန်ကုန်ထမ်းတဲ့ ဆိပ်ခံတံတားမှာ မတော်တဆတစ်ခုဖြစ်ခဲ့တယ်။ ကျောင်းကဆရာလေး သင်္ဘောစီးဖို့ ဆိပ်ခံတံတားပေါ် အတက် ကုန်းဘောင်ပျဉ်ပြားပေါ်ကနေ ချော်ကျပြီး ရေနစ်ပါတယ်။ ရေစီးကလည်း သန်တော့ တစ်ခါပေါ်ချိန်မှာ တော်တော်ဝေးနေပြီ။ အဲဒီမှာ ငပိန်ရယ်လေ ရေထဲကို ၀ုန်းကနဲ ခုန်ဆင်းပြီး မရအရလိုက်ဆယ်တာ အနားမှာရှိတဲ့ ငှက်သမ္ဗန်တွေက လည်း လိုက်နဲ့ပေါ့။ ဆရာလေးကို ဆယ်မိပြီး သမ္ဗန်ပေါ်ကို တွန်းတင်တယ်။ ''ရပြီလား'' မေးပြီး ''ရပြီ'' စကားအဆုံးမှာ ငပိန်ရေနစ်တော့တာပဲ ဆရာလေးဟာ အသက်ရှင်ခဲ့ပေမယ့် ငပိန်ကိုတော့ အလောင်းပဲရတော့တယ်။

ငပိန်အသုဘများ လူစည်လိုက်တာ။ ''ဘကြီးသာဗျော အဆိုအရ သူတို့မြို့မှာ ဒီလောက်ကြီးကျယ်တဲ့ အသုဘမရှိဖူးဘူးလို့ဆိုပဲ။ ဘုရားလူကြီး ဦးဘဘေအသုဘတောင်မှ ငပိန်နဲ့ယှဉ်ရင် မိုးကြိုးနဲ့အီးသံတဲ့။ မစိန်တို့မိသားစုလည်း ငပိန်သေမှ ပြောင် ပြောင်ရောင်ရောင်ဖြစ်တော့တာ။ တစ်မြို့လုံးကသနားပြီး ၀ိုင်းကူညီ ထောက်ပံ့ကြတာကိုး။

ငပိန်ကတော့ သေခဲ့ပါပြီ။ ဟိုကောင်လေးကတော့ မသေသေးပါ။ ဟိုကောင်လေးရဲ့ ကိုယ်ပွားပုံတူတွေလည်း မသေကြသေးပါ။ "ပညာရှိသူတော်ကောင်းတို့၏ အသက်ရှည်ခြင်းသည် လောကီ၊ လောကုတ္တရာ နှစ်ဖြာသော စီးပွားအကျိုးများ တိုးပွားခြင်းငှာ ဖြစ်စေ၏"တဲ့။ ။ Written by (မောင်စံပေါ) For www.First-11.com

ကျွန်တော်ငယ်ငယ် က အသဲစွဲ ဘောလုံးသမား

သူဟာ ဘောလုံးကစားရမှာ အားကစား စိတ်ဓါတ် အပြည်.ဖြစ် ကစားပြီး ပြိုင်ဘက်ကို အနာတ၇ဖြစ်အောင်
ထိခိုင်အောင် ကစားတာ သူဘတစ်လျှောက်မတွေ.ပါဘူး အားကစားစိတ်ဓါတ် အပြည်.ဖြစ် ကစားပြီး
ဆုတွေ.ကို တစ်ခုပြီး တစ်ခုယူတဲ့ ကစားသမားကောင်းပါဗျာ ဒါကြောင့် ကျွန်တော် အသည်စွဲပေါ့
မှတ်ချက်
ကန်တို.နာ မပါ
သူသည် ဘောလုံး ကိုအင်းတိုက်အားတိုက် ကစားသည်စိတ်ဓါတ်ကိုပဲ ကြိုက်သည် ရွန်နီနဲ.တူသည်
ဒါပေမယ်သူသည် သည်းခံနိုင်စွမ်းမရှိ ပရိတ်သတ်အား ခြေထောင်ဖြစ် ကန်သည်ဆို.တဲ့က သူသည်
ဘယ်လို.ကစားသမားမျိုးဖြစ်မည်နည်း။

စိတ်ခွန်အားတိုးစေဖို.

ကျန်းမာရေး အခြေအနေက ခွင့်မပေးတော့လို့ စာမသင်နိုင်တော့ပေမယ့် နှစ်ါပေါင်း ၂၀ ကျော် ဆရာလုပ်ခဲ့တာဆိုတော့ ကျောင်းသူကျောင်းသား တပည့်ဟောင်းတွေကတော့ အ၀င်အထွက် ပြတ်လှတယ် မရှိပါဘူး။ လမ်းကြုံလို့ ၀င်လာတဲ့သူနဲ့၊ နေ့ကြီးရက်ကြီးမို့ ၀င်လာတဲ့သူနဲ့၊ ခရီးထွက်ရာက ပြန်လာလို့ လက်ဆောင်လာပို့တဲ့သူနဲ့၊ နိုင်ငံခြားသွားခါနီးမို့ လာကန်တော့ နှုတ်ဆက်သူနဲ့ နေ့စဉ်နဲ့အမျှဆိုသလို ရှိနေတာပါပဲ။
တပည့် ကျောင်းသူ ကျောင်းသားတွေက သူတို့မှာ စိတ်ညစ်စရာ တခုခု ကြုံတွေ့ရတဲ့အခါများမှာ ပိုပြီးသတိရတယ်လို့ ဆိုကြပါတယ်။ စိတ်ညစ်စရာ ပြေပျောက်အောင်လုပ်လို့ မရတဲ့အခါမျိုး၊ အခက်အခဲတခုခု မဖြေရှင်းနိုင်တဲ့ အခါမျိုးတွေမှာ ရောက်ချလာတတ်ကြပြီး ရင်ဖွင့်ကြ၊ တိုင်ပင်နှီးနှောကြ၊ အကြံဥာဏ်တောင်းကြ၊ လုပ်တတ်ကြပါတယ်။

လူငယ်လေးတွေကို မြင်တွေ့ရတဲ့ အခါတိုင်း ကိုယ်ငယ်စဉ်ဘ၀က လူငယ်များလို တက်ကြွလန်းဆန်းမှု တယ်ပြီး မတွေ့မမြင်ရတာကြောင့် ကရုဏာ သက်မိပါတယ်။ အဲဒါကြောင့် တတ်စွမ်းသမျှ၊ နှုတ်၏စောင်မခြင်း၊ လက်၏စောင်မခြင်းတို့ကို ပြုရပါတယ်။လူငယ်တွေနဲ့ စကားပြောတဲ့ အခါတိုင်း သတိထားမိတာ တခုကတော့ သူတို့တတွေဟာ သူတို့ရဲ့ လက်ရှိဘ၀ကို မကျေမနပ်ဖြစ်ပြီး စိတ်ချဉ်ပေါက်နေတာတွေ များနေတယ်ဆိုတဲ့အချက် ဖြစ်ပါတယ်။ တချို့ကတော့ လူ့ဘ၀ဆိုတာ ဘာမှ အဓိပ္ပါယ်မရှိတာကြီးပဲလို့တောင် မြင်နေကြတာ ရှိပါတယ်။ လူငယ် လူရွယ်လေးတွေက လူ့ဘ၀ကို ငြီးငွေ့စိတ်ပျက်သံနဲ့ ပြောတာတွေ ကြားရဖန်များတော့ သူတို့ကို စိတ်သက်သာရအောင် လုပ်ပေးချင်တဲ့ ကရုဏာစိတ်တွေ ၀င်လာလေ့ ရှိပါတယ်။ အဲဒီ ကရုဏာစိတ်ရဲ့ လှုံ့ဆော်မှုကြောင့် စိတ်ဓာတ်ခွန်အား မြှင့်တင်ပေးတဲ့ ကဗျာတွေ၊ သီချင်းတွေ ရှာဖွေစုဆောင်းဖြစ်ပါတယ်။ စာသင်နေစဉ်ကတော့ အတန်းထဲမှာ သင်ကြားပေးပါတယ်။ စာမသင်နိုင်တဲ့ အခါကျတော့လည်း မဂ္ဂဇင်းဆောင်ပါးတွေအဖြစ် ရေးပြီး လူငယ်တွေကို စိတ်ဓာတ်မြှင့်တင်ပေးပါတယ်။

အခု ဖော်ပြပေးလိုက်တဲ့ ကဗျာလေးက စိတ်ဓာတ်မြှင့်တင်ရေး ကဗျာတပုဒ်ပါ။ အဓိပ္ပါယ်ကတော့ ရှင်းလင်းလွယ်ကူပြီး ရိုးရိုးကလေးဖြစ်တာကြောင့် အကျယ်ချဲ့ပြီး ပြောစရာတောင် မလိုတော့ပါဘူး။ ဖတ်ကြည့်ပါတော့........

Remember That Anything is Possible!

Believe in what makes you feel good.
Believe in what makes you happy.
Believe in the dreams
you've always wanted to come true,
and give them every chance to.

Life holds no promises
as to what will come your way.
You must search for your own ideals
and work towards reaching them.
Life makes no guarantees
as to what you'lll have.
It just gives you time to make choices
and to take chances
and to discover whatever secrets
that might come your way.

If you are willing to take
the opportunities you are given
and utilize the abilities you have.
You will constantly fill your life
with special moments
and unforgettable times.

No one knows the mysteries of life
or its ultimate meaning,
but for those who are willing
to believe in their dreams
and in themselves,
life is a precious gift
in which anything is possible.

-Dena Dilaconi

"ဘယ်အရာမဆို ဖြစ်နိုင်တယ်ဆိုတာ အမှတ်ရပါ"
ဒီနာဒီလာကိုနီ

- သင့်ကို စိတ်ချမ်းသာစေတဲ့အရာအပေါ် ယုံကြည်ပါ။
သင့်ကို ပျော်ရွှင်စေတဲ့အရာအပေါ် ယုံကြည်ပါ။
သင်အမြဲတမ်း ဖြစ်လာစေချင်တဲ့၊
အိပ်မက်များအပေါ်မှာ ယုံကြည်ပါ။

- သင့်ဘ၀လမ်းခရီးမှာ ဘာတွေ ဖြစ်လာလိမ့်မယ်လို့
ဘ၀က ပဋိဥာဉ်ပြုထားတာ မရှိဘူး၊
သင်လိုချင်တာကို သင်ကိုယ်တိုင် ရှာဖွေရွေးချယ်ပြီး၊
ဖြစ်အောင်လုပ်ရလိမ့်မယ်။

- သင်ဘာတွေရလာလိမ့်မယ်လို့
ဘ၀က အာမခံချက်ပေးထားတာ မရှိဘူး၊
သင်ရွေးချယ်နိုင်ဖို့နဲ့ အခါအခွင့်ကြုံကြိုက်ဖို့၊
အချိန်ဆိုတာကိုပဲ ပေးထားတယ်၊
ဘ၀ခရီးလမ်းတလျှောက်ရှိ လျှို့ဝှက်ချက်တွေကို
ရှာဖွေတွေ့ရှိဖို့ပဲ လိုတယ်။

- ပေးတဲ့အခွင်အရေးများကို
ရယူချင်စိတ်ရှိပြီး၊
သင့်မှာရှိတဲ့ အစွမ်းအစများကို အသုံးချရင်
ထူးခြားတဲ့ အခိုက်အတန့်တွေ၊
မမေ့နိုင်လောက်တဲ့ အချိန်တွေ၊
သင့်ဘ၀မှာ အမြဲထာဝရပြည့်ဝနေလိမ့်မယ်။

- ဘ၀ရဲ့ လျှို့ဝှက်ချက်တွေနဲ့
အဆုံးစွန်အဓိပ္ပါယ်ကို
ဘယ်သူမှ မသိရှိကြဘူး။
ဒါပေမယ့် ကိုယ့်အိပ်မက်တွေကို ယုံကြည်တဲ့၊
ကိုယ့်ကိုယ်ကို ယုံကြည်တဲ့သူများအတွက်
ဘ၀ဆိုတာ ဘာမဆိုဖြစ်နိုင်တဲ့
အဖိုးတန်လက်ဆောင်တခုဖြစ်တယ်။

ဒီနာဒီလာကိုနီ
လူငယ်ဆိုတာ သံဝေဂတွေကြောင့် တွန့်ဆုတ်နေရမယ့် အရွယ်မဟုတ်ပါဘူး။ အိပ်မက်တွေကို ယုံကြည်ပြီး တုံးတိုက်တိုက် ကျားကိုက်ကိုက် လုပ်ရဲရပါမယ်။ မှားမှာကို မကြောက်ပါနဲ့၊ ရှေးကလူကြီးတွေလည်း မှားဖူးကြတာပါပဲ။ အမှားတွေ့ဖူးမှ အမှန်ကို သိပါတယ်။ အမှားကို ပြင်ပြီး ရှေ့ဆက်လုပ်ရင် ခရီးရောက်မှာပဲ။ အမှားကို ကြောက်ပြီး ဆက်မလုပ်ရင် ဘယ်မှမရောက်နိုင်ပါဘူး။ လူ့ဘ၀ဆိုတာ စက်ဘီးစီးနေရသလို ဖြစ်တယ်။ စက်ဘီးစီးတဲ့အခါ နင်းနေမှ ရှေ့ကို သွားပါတယ်။ အနင်းရပ်လိုက်တာနဲ့ လဲကျသွားတာပါပဲ။ လူ့ဘ၀ဆိုတာလည်း ရှေ့တိုးရင်တိုး မတိုးရင် ကျဆင်းသွားမှာပါ။ ရှိရင်းစွဲနေရာမှာ တန့်နေမှာ မဟုတ်ပါဘူး။ အဲဒါကြောင့် အိပ်မက်တွေကို ယုံကြည်ဖို့ ကိုယ့်ကိုယ်ကို ယုံကြည်ဖို့ အရေးကြီးပါတယ်။ အိပ်မက်တွေကို ယုံမှ ရှေ့တိုးရဲမှာ ဖြစ်ပါတယ်။ ရှေ့မတိုးရဲသူ ကျဆုံးမှာပဲ။ ဒီသဘာဝတရားကို လူငယ်တိုင်း နားလည်သဘောပေါက်စေချင်ပါတယ်။
လူထုစိန်ဝင်း
၂၁၊ ၁၁၊ ၂၀၀၅[ချင်းတွင်းမဂ္ဂဇင်း၊ အမှတ် (၂)၊ ဖေဖော်ဝါရီလ၊ ၂၀၀၆ မှ ကူးယူဖော်ပြပါတယ်။]

အချစ် အရက် မိန်းမ သစ်စာ

တစ်ခါတစ်လေ အရက်က မိန်းမတွေ.ထက် ပို.သစ်စာ ရှိသေးတယ် ဘယ်အချိန်ချိန်သောက် သောက်သောက်လိုက်တိန်းမူးနေတာပဲ မိန်းမတွေ.က အလို.မဟုတ်ပါဘူး အခုတစ်မျိုးတော်ကြာတစ်မျိုး ( သစ်စာ ရှိသော မိန်းမများ မပါ ) ယောကျားတွေ.က ရော့အလို.မျိုးပဲလားလို. မပြောလိုက်နဲ. တို.တော့မပါဘူး
တစ်ယောက်ဆို. တစ်ယောက် သစ်စာ ရှိစွာချစ်ခဲ့ပါတယ် အရက်က မူးတယ် ခါးတယ် ဘယ်အချိန်သောက်သောက် ပြီးတော့ ခေါင်းကို မူးနေတာပဲ တို.လဲ့ မူးတဲ့ ခါးတဲ့ ဒဏ်ကို မခံနိုင်ဘူး အဒီတော့ အရက်သမားမဟုတ်ဘူး ဒါပေမယ် အချစ်က အဒီထက် ပျင်းတယ် နော် အရက်ဒဏ်ကို မခံစားနိုင်သလို. အချစ်ဒဏ်တွေ.ကိုလည်း မခံစားနိုင်ပါဘူး အချစ်ဒဏ်တွေ.မခံစားနိုင်ဘူးဆို.တော့ ရည်းစား အများကြီး ထားတယ် မထင်ပါနဲ. တစ်ယောက်တဲ့ပါ အဒီတစ်ယောက်ကပဲ အရက်လောက်သစ်စာ မရှိတာလား စဉ်းစားရခက်ပါတယ် တစ်ခါ တစ်လေ ပိုက်စံက အရာ အားလုံးကို ဖြစ်စေနိုင်တယ်ဆို.တာ ဘာမှ မငြင်းနိုင်အောင် မှန်သွားသလို.ပဲဗျာ အချစ်က စာဖွဲ.ရခက်ပါတယ် သိသိကြီးနဲ. ချစ်သူကို စိတ်နာနာနဲ ချစ်ပြီး စိတ်လည်း နာမိတယ် ..

ကျွန်တော်အကြိုက်ဆုံး ဆိုဒ် ကြိုက်တာတွေ.ကတော့များတယ် ..:)

ဆုံနိုင်ခွင် ဆုတောင်း

အဝေးက ချစ်သူ ... တို. တစ်ယောက် မမြင်ကွယ်ရာမှာလွမ်းလို.
အကြင်နာတွေ ရင်မှာရှိတာ သူသိရင်
တို.နှစ်ယောက်ဘ၀ ဆုံနိုင်ခွင့် ရှိပါစေ ။

MOTHER

mother mother (sometime) I am afraid tell me pls .

it's life way how the walk will be however goal.

sometime i can't see strain way ....*

my online teacher so many eg.myanmarengineer.org

ကျွန်တော်ပညာ အများဆုံးရတဲ့ ဖို.ရမ်လေးပေါ့ ဒါပေမယ် ကျွန်တော် ယူတာပဲများပါတယ် ပေးတာနည်းတယ်

ဒါပေမယ် တစ်နေ.တော့ ပြန်လည်းပေးဆပ်ဖို. ကြိုးစားနေပါတယ်...