ရွာအတိုင်းနေသည့်ရွာ၊ ကဗျာအတိုင်းနေသည့်ရွာ

ယနေ့ခေတ်ကြီးထဲတွင် ဂလိုဘယ်လိုက်ဇေးရှင်း ဘယ်လောက်ပင် ကူးစပ်ကူးစပ်၊ တက္ကနိုလိုဂျီ ဘယ်လောက်ပဲ ဆန်းသစ်ဆန်းသစ်၊ သတင်းအချက်အလက် ဘယ်လိုပင်မြန်မြန် ဘိုမဆန်သည့် ရွာကလေး တစ်ရွာကား ရှိနေပါသေး၏။

ကန်မြဲဟူသည့် ရွာကလေး။
ကန်မြဲရွာကလေးတွင် နံနက် မိုးလင်းသည်နှင့် နံနက်စာ အဖြစ် ထမင်းဆီဆမ်းနှင့် ငါးပိဖုတ် စားသော ရွာသူရွာသားများ ရှိနေပါသေး၏။ အများသူငါ မြို့ကြီးသားတို့ နံနက်စာ အဖြစ် ရှမ်းခေါက်ဆွဲ၊ မြီးရှည် စားနေချိန်မှာ ယင်းရွာမှ တောင်သူဦးကြီးများက ရိုးရာအစစ် ထမင်းနှင့်ငါးပိနှစ် စားသုံးနေကြသည်မှာ လွမ်းဘွယ့် ချစ်စရာဓလေ့ပင်။ ကန်မြဲဟု ဆိုလိုက်လျှင် ရောင်ဖူးသူတိုင်း၏ အာရုံတွင် ထင်ဟပ် မြင်ယောင်စေမည့် ပုံရိပ်လေး သုံးခု အထင်အရှား ရှိပါ၏။ ရွာအ၀င် ညောင်ပင်အောက်က ရေချမ်းစင်၊ ရွာထိပ်က စာသင်ကျောင်း၊ ဖုံတစ်ထောင်းထောင်းနဲ့ ရွာအ၀င်လမ်း။ သို့ကလို မရောက်ဖူးသူများ အတွက် မိမိ မွေးရပ်မြေ မိတ်ဆက်ဟု ဆိုရမလား။ ကျေးလက် စာသ၀ဏ် ကဗျာတစ်ပုဒ်ကို ကန်မြဲက စာဆိုရှင် ဦးတင်မိုးက သူ၏ 'မွေးရပ်မြေ၏အလှသစ်' ကဗျာတွင် ဖော်ထုတ်ထားသည်။

ခါတစ်ခေါက်
ရွာရောက်ရပြန်ချေပြီ။
ဆောင်းမြေပဲ ပဲစဉ်းငုံ
ဆီးချုံ တန်ဆောင်းပြာသာဒ်
တောစပ်ကဆိတ်အုပ်
တစ်လှုပ်လှုပ် သိုးတွေကျောင်း
သဲချောင်းနဲ့ ချောက်မြောင်များ
တို့ဘိုးဘွား လက်ထက်ကအတိုင်း
တစ်စိတ်တစ်ပိုင်းမျှ မပြောင်းလဲ
တွေ့ မြဲတိုင်း တွေ့ရသည်။

ကန်မြဲရွာ လူငယ် မျိုးဆက်သစ်များ ဆက်လက် ရွတ်ဆိုနေရဦးမယ့် ကဗျာစာပိုဒ်လေးပင်။ ၁၉၉၅ ခုနှစ်က ရေးခဲ့သည့် ကဗျာသည် ၁၅ နှစ် ကျော်လာသည် အထိ မှန်နေဆဲ။ ကန်မြဲ ဆိုသည့် ရွာကလေးတွင် ဆိတ်အုပ်၊ သိုးအုပ်တွေ ရှိနေပါသေး၏။ ဆောင်းမြေပဲနှင့် ပဲစဉ်းငုံလည်း စိုက်နေရပါသေး၏။ ဆီးချုံ(ဆူးရစ်ချုံပင်)၊ တန်ဆောင်းပြာသာဒ်ပင်တွေလည်း ဟိုတစ်စု၊ သည်တစ်စု ကျန်ရှိလျက်ပင်။ ကန်မြဲ ဆိုသည့် ရွာလေးက ဆည်ရေသောက်တွေ၊ မြစ်ရေတင် စီမံကိန်းတွေမှ ကင်းလွတ်နေသော ရွာလေးတစ်ရွာ ဖြစ်ပါ၏။

မိုးမျှော်ရသောရွာ၊ မိုးခေါ်ရသောရွာ ဆိုလျှင်လည်း မှန်ပါသေး၏။ ကံကြမ္မာက ခွင့်ပြုသလောက် သုံးလပေါ်၊ လေးလပေါ် သီးနှံများသာ စိုက်ခွင့်ရရှာသည်။ ဆည်ရေ၊ သွယ်ရေ မရှိသဖြင့် ရက်တိုသီးနှံများ၊ ငွေဖြစ်လွယ်သည့် မီးဖိုချောင် သီးနှံများ မျိုးစေ့ချခွင့် မရရှာကြ။

လောက၏ ဒဏ်ခတ်ခြင်းကို ခံရသည် ဖြစ်လေတော့ တောင်သူကြီးများမှာ ဘယ်လောက်ပင် ဈေးကွက်ကို နားလည်နေပါစေ၊ ရာသီဥတု ခန့်မှန်းချက် ဘယ်လိုပင် ကျွမ်းကျင်နေပါစေ ဒီသီးနှံပဲ စိုက်ရတော့တာပါပဲ။ အသီးအနှံတွေ ပြောင်းလဲစိုက်ဖို့၊ ဈေးကွက်ဝင် အသီးအနှံတွေ စိုက်ပျိုးနိုင်ဖို့ ဆိုသည်က သုံးရာသီ ရေရှိမှ ဖြစ်မှာကိုး။

သဘာ၀၀န်းကျင်တွေ ပြောင်းလဲပါစေ၊ ရာသီဥတုတွေ ဖောက်ပြန်ပါစေ နာရီလက်တံ တစ်ခုလို လုပ်နေကျ အလုပ်တစ်ခုကို အချိန်တန်လျှင် လုပ်နေကြသည့် ရွာဓလေ့ စာပန်းချီကိုလည်း စာဆိုက ရေးဆွဲခြယ်မှုန်း ခဲ့ပါသေးသည်။

ဆယ်စုတွေ ရာစုတွေ
ဘာမှုမလဲ ငါတို့ရွာ
ခေတ်အင်္ဂါဂုဏ်မမြောက်
မိုးသောက်ချိန် ယာထွန်သွား
ယာနားချိန် အဖန်သောက်
ညရောက်ချိန် မီးခွက်ထွန်း
ရွာမြေမှာ ဒါတွေကိုလွမ်းနေကျ
ရွှမ်းမြမြရွာပန်းချီ
မြန်မာပြည်ရဲ့ တကယ့်ပုံကား။

အဟုတ်ပင် ဆယ်စုနှစ်တွေ၊ ရာစုနှစ်တွေ ကြာခဲ့ပါပြီ။ ရွာကလေးကလည်း ကြံ့ကြံ့ခံခဲ့သည်ချည်း။ ဒူးမထောက်ခဲ့။ လက်မမြှောက်ခဲ့။ မြန်မာနိုင်ငံ အပါအ၀င် ကမ္ဘာ့နိုင်ငံ အများစု လက်မှုလယ်ယာမှသည် စက်မှု လယ် ယာဆီသို့ အင်တိုက်အားတိုက် ပြောင်းလဲနေချိန် ကန်မြဲက တောင်သူကြီးများက နံနက် မိုးသောက်တာနဲ့ ထွန်တုံးကို ခြေတော်တင်၍ ယာထွန်သွားနေတုန်း။ စက်မှုလယ်သမားတို့ တစ်ထောက်နားချိန် အမောပြေ ကိုကာကိုလာ သောက်ချင်သောက်မည်။ အဆာပြေ ချောကလက် စားချင်စားမည်။ ကန်မြဲက တောင်သူကြီးတွေ၏ အဖန်ရေ တစ်ခွက်လောက် အမောခံနိုင်မည် တဲ့လား၊ အဆာပြေမည် တဲ့လားဟု မေးလိုက်ချင်သည်။ လျှပ်စစ်မီး မရသဖြင့် ရွာလေး၏ ညဦးပိုင်း ကာလတွေက မှိတ်တုပ် မှိတ်တုပ် ကြယ်တွေနှင့် အထင်မှားစရာ မရှိ။ မီးခွက်မီးဖြင့် အိပ်ယာ ၀င်ခဲ့ကြသည်မှာ နှစ်ပေါင်းမနည်းတော့။
ကျောင်းဖွင့်ရာသီဝက် ကျော်သွားပြန်တော့ ရွာလမ်းတစ်လျှောက် ထနောင်းပင်မှ ရွက်နုလေးတွေ ခေါင်းပြူစပြုလေပြီ။ ကျောင်းဖွင့်စက လုံချည်လေးတွေ၊ ပုဆိုးလေးတွေမ, မပြီး သွားရသည့် ချောင်းငယ် လေးတွေက ပဲလှော်ဖိုက ဆားလို ဖြစ်သွားပြန်သည်။ သည်တော့လည်း ကလေးတို့မှာ ဆင်ကြယ်၊ လိပ်ကြယ် စသည့် ရာသီပေါ် ဖိနပ်ထူထူလေးစီးပြီး မြန်မြန်လျှောက်ကာ ကျောင်းတက်ရပြန်သည် . . .

လောကသဘောအရ မည်သည့် အရာမျှ တည်မြဲသည် မရှိ၊ အချိန်တန် ပြောင်းလဲရသည်ချည်း။ သို့ကလို ပြောင်းလဲမှု ဖြစ်စဉ်တွင် ခံနိုင်ရည် မရှိဘဲ အများနည်းတူ လိုက်ပါပြောင်းလဲရသည့် အထဲတွင် ကန်မြဲရွာ တောင်သူများလည်း ပါဝင်ပေသည်။ မနှစ်တုန်းဆီက မြန်မာပြည် နေရာ တော်တော်များများတွင် မိုးအရွာ နောက်ကျခဲ့သည်။ သဘာဝမိုးရေကို မှီခိုနေရသော ကျေးလက်တောင်သူတို့ ပျိုးတောင်းပိုက်ပြီး ခေါင်းငိုက်စိုက် ကျခဲ့သည်။ ကန်မြဲက တောင်သူတွေက လည်း ပါသည်ပေါ့။ ရွာပြန်ပြီဆိုတော့ သဲကြီးမဲကြီး။ နောက်ပိုင်း မိုးတွေစွေလို့ အနှံအောင်ခါစ ပြောင်းပင်တို့ မြေတွင် ပြားပြားဝပ်ကုန်သည်။ အစေ့အဆံတွေ လွင့်စင်ကုန်သည်။ ဆီးသီးတွေ ကြွေကုန်သည်။ ကျွဲ၊ နွား၊ တိရစ္ဆာန်များ ရောဂါဝင်ပြီး လုပ်ငန်းခွင် မ၀င်နိုင်တော့။ ဆန်ကောနှင့်စု၊ ဆန်ကာနှင့်စုပြီး ရသည့် သီးနှံလေး မြို့ကို တက်ရောင်းချပါသော်လည်း ဈေးကွက်က နောက်ကျ။ ဈေးကောင်း မရ။ စိုက်စရိတ်ပျိုးစရိတ် ကျေယုံသာ။

တောင်သူကြီးများ အဖို့တော့ ယာတောကအပြန် ရွာအ၀င် စာသင်ကျောင်းက မိမိတို့ သားသမီးလေးတွေ စာနေကြရင် မောသမျှ ပြေကြရသည်ပါပဲ။ နောက်နှစ် အတွက် ခတ်ကွင်းပြင်ဖို့ အားရှိသွားကြသည်ပါပဲ။ ဘုန်းတော်ကြီးကျောင်းက ကိုရင်လေးတွေ အိမ်ပေါက်စေ့ ဆွမ်းခံကြွရင် မရှိလို့ မလှူရတဲ့ဘ၀က ကျွတ်ပြီ ဆိုပြီး ၀မ်းမြောက်ကြရသူတွေပါ။ ရာသီဥတုတွေ ဖောက်ပြန်ပါစေ၊ နည်းပညာကွန်ယက် အရွေ့မှာ မပါဝင်နိုင်လည်း နေနိုင်ပါစေ၊ လမ်းပန်း ဆက်သွယ်ရေး နှောင့်နှေးချင်လည်း နှောင့်နှေးပါစေ ဂန္ထ၀င် နှလုံးသား ပိုင်ရှင်တွေ မွေးထုတ်ပေးဖူးသော ရွာငယ်လေးမှာ မည်သူ့ကိုမျှ အပြစ်တင်ချင်ပုံ မရ။ ရာသီဥတု ပူပြင်းပေမယ့် ကဗျာနှင့်နီးစပ်သူ ရွာသားရွာသူတွေမို့ ပြင်ပ ဗဟိန္ဒအပူကို ရင်ထဲသို့ အရောက်မခံ။ တွန်းလှန်နိုင်စွမ်းတွေ အပြည့်ရှိကြသည်။ အပူကို အအေးနှင့် ဖျန်းပက်နိုင်စွမ်း ရှိသူတွေပင်။

အရပ်လေးမျက်နှာတွင် သဘာဝ ချောင်းငယ်လေး ၀န်းရံနေသည့် ရွာကလေး။
မိုးရာသီရောက်ရင်ဖြင့် ချောင်းရေ ခြေကျင်းဝတ်လောက်ကို ပုဆိုးတွေ၊ လုံချည်လေးတွေမ, မပြီး ကျောင်းသွားနေကြသည့် ကျောင်းသား၊ ကျောင်းသူလေးတွေ၏ မြင်ကွင်းက ကြည်နူးစရာ။ ကျေးငှက်တို့၏ အီအီအာအာ အော်သံ၊ ကျောင်းသားကျောင်းသူလေး တို့၏ ပလီပလာကြော်သံ တို့က ကျောင်းဖွင့်စ ရွာ၏ သန္တရသ ပုံရိပ်လေး တစ်ခု။

မကြာပါချေ သုံးလေးလခန့် ကြာပြန်တော့ စိုလိုက်၊ ခြောက်လိုက် ဖြစ်နေသော သဲဖြူလွှလွှတို့ ခြောက်စပြုလာပြီ။ ကျောင်းသားကျောင်းသူတို့ ထမင်းဘူးထဲတွင် တောင်ကန်စွန်းဟင်းချို၊ မန်ကျည်းရွက်ထောင်း၊ မှိုဖြူ၊ ဆန်ကွဲမှို၊ မှိုနီးပါး၊ မှိုအုန်းနက် စသည့် ဆောင်းအ၀င် ရာသီ အစားအစာများ ကိုယ်စီကိုယ်စီနှင့်။ ကျောင်းသူလေးတွေ၏ မျက်နှာပေါ်တွင် အသားပတ်သဖြင့် ရဲနေသော ပါးပြင်ကို ကရမက် နံ့သာရည်ဖြင့် ထူထူလေး အုံထားပုံက တကယ့် ကျေးလက်မှ ကျေးလက်သူ အစစ်။

ကျောင်းဖွင့် ရာသီဝက် ကျော်သွားပြန်တော့ ရွာလမ်းတစ်လျှောက် ထနောင်းပင်မှ ရွက်နုလေးတွေ ခေါင်းပြူစ ပြုလေပြီ။ ကျောင်းဖွင့်စက လုံချည်လေးတွေ၊ ပုဆိုးလေးတွေမ, မ ပြီး သွားရသည့် ချောင်းငယ်လေးတွေက ပဲလှော်ဖိုက ဆားလို ဖြစ်သွားပြန်သည်။

သည်တော့လည်း ကလေးတို့မှာ ဆင်ကြယ်၊ လိပ်ကြယ် စသည့် ရာသီပေါ် ဖိနပ်ထူထူလေး စီးပြီး မြန်မြန်လျှောက်ကာ ကျောင်းတက်ရပြန်သည်။ အပေါ်အင်္ကျီချွတ် ယောင်ပေစူး လုပ်ကာ အော်ဟစ်ပြီး ကျောင်းဆင်း လာကြသည့် မြင်ကွင်းက ချစ်စရာ။ မျက်နှာပေါ်တွင် ဖုံနှင့်သဲတို့ အလိပ်လိပ်။ ခြေဖ၀ါး၊ ခြေသလုံးတို့တွင် ဆူးခြစ်ရာ၊ ရှရာတို့ဖြင့် သွေးလေး မစို့တစို့။

ကျွေးတာလေးနဲ့ ၀အောင်စား၊ ရှိတာလေးနဲ့ လှအောင်ဝတ်ပြီး အေးချမ်းစွာ နေတတ်ခြင်းက ရွာလေး၏ ဂုဏ်ပုဒ်တစ်ခုဟု ဆိုရမည်။ ရောက်ရာအရပ်တွင် အလှတရားကို ရှာဖွေပြီး နေတတ်သူတွေဟု ဆိုချင်သည်။ လောကတွင် အခွင့်အရေး နှစ်မျိုး ရှိသည်ဟု ထင်မိ၏။

ကိုယ်က သွားယူရသော အခွင့်အရေးနှင့် ကိုယ့်ဆီလာသော အခွင့်အရေး။ သည်အခွင့်အရေး နှစ်ရပ်တွင် ကိုယ်ကသွားယူရမည့် အခွင့်အရေးမှာတော့ အတန်အသင့် ရခဲ့ပြီဟု ဆိုရမည်။ ဆယ်တန်း အောင်ချက်ကောင်းသဖြင့် ဇဂျမ်းဆိုသည့် ဖွားဖက်ရွာတွင် (အ.ထ.က) ကျောင်းနှင့် စာဖြေဌာန ပိုင်ဆိုင်ခဲ့ပြီ။ ကိုယ့်ဆီလာမည့် အခွင့်အရေးကိုတော့ မျှော်နေဆဲပင် ဖြစ်၏။ သို့မျှော်ရသည့်အထဲတွင် မိုးမျှော်ရသည့် အချက်လည်း ပါသည်။ မျှော်ရဖန် များလွန်း၍ ရာသီရုပ်တွေ အလွတ်ရလာ ကြသည်။ သို့သော်လည်း မလွဲနိုင်ဟု ထင်ထားခဲ့သော

ယင်းရာသီရုပ်များပင်လျင် အကြောင်းမသင့်ပါက ဖောက်လွဲဖောက်ပြန် ဖြစ်ကြရပြန်သည်။ ထိုသို့ ဖောက်ပြန်တိုင်းလည်း ကျေးလက်နေ မြန်မာတောင်သူများ အခက်အခဲ ကြုံရသည်ချည်း။ ထို့ကြောင့် မိုးရွာမှ လန်းဆန်းကြရမည့် ကိုယ့်ရွာလေးကို အလားတူ မိုးရွာမှ လိုရာခရီးကို ဆက်နိုင်မည့် စမ်းချောင်းလေးနဲ့ ပမာဆင်၊ ဥပမာ လင်္ကာအသွင် ခိုင်းနှိုင်းပြီး ရွာခံ ကဗျာဆရာကြီးက ခုလို ရေးဖွဲ့ခဲ့ပါသေးသည်။

မိုးရွာလျင်
စမ်းကလေး စီးမှာပင်။
မိုးစဲလျှင်
စမ်းကလေး အားနည်းမှာပင်။
မိုးကုန်လျှင်
စမ်းကလေး၏ အဟုန်ရပ်ပြီး
အနာဂတ်မိုးရာသီကို
မျှော်ဦးမည်ပင်။
မိုးရှိလျှင်
စမ်းရှိမှာ သေချာသည်ပင်။

စမ်းနှင့်တူသော ကန်မြဲရွာလေးအား ထာဝစဉ် ရှင်သန်စေခြင်း အလို့ငှာ မိုးရေတို့ အဆက်မပြတ် ရွာသွန်းနိုင်ကြပါစေ။
Written by အောင်ပိုက်

ဘဲဥ၊ နိုင်တီတူး၊ ကျဆိမ့်နဲ့ ရွေးချယ်မှု

ကျောင်းတက်ဖို့ ရန်ကုန်ရောက်စက အဆောင်မှာ နေပါတယ်။ ညနေ၊ ညနေ အားတဲ့အခါ လက်ဖက်ရည်ဆိုင် ထိုင်တယ်။ လူရည်ကလည်း မလည်လှသေးဘူး။ အဆောင်နားက ခပ်ချာချာ ဆိုင်လေးမှာပဲ ထိုင်ဖြစ်တယ်။ လက်ဖက်ရည် စွဲစွဲလမ်းလမ်းသာ မကြိုက်သေးတယ်၊ မှာရင်တော့ ကျဆိမ့်ပဲ။ အဖော်တွေကလည်း ပေါ့ဆိမ့်၊ ကျဆိမ့်၊ ချိုဆိမ့် ဘာညာပေါ့။ မှာသာမှာတယ်။ လာချတော့ ဒီအရသာပဲ။ ဘာမှာမှာ ဒါပဲရတာ။

အနောက်ပိုင်း တက္ကသိုလ်မှာ တက်ရတယ်။ ကျောင်းထဲမှာက ကွမ်းမရောင်းရဘူး။ (ကွမ်းတစ်ပြစ်ပြစ်နဲ့ တက္ကသိုလ် ကျောင်းသားဆို သောက်မြင်ကပ်စရာ ကောင်းလို့ နေမှာပေါ့) ကျောင်းချိန်ထဲ ကွမ်းမစားရတော့ ညနေ ကျောင်းဆင်းချိန်ဆို ကွမ်းစား ချင်ရော။ ကျောင်းဂိတ်ဝမှာ ကွမ်းရောင်းတဲ့ အဘကြီး တစ်ယောက် ရှိတယ်။နိုင်တီတူး၊ ဘုရင်မ၊ ဆစ်ဂနယ်၊ ဖော်တီဖိုက် ကြိုက်တာပြော၊ ဗမာဆေး ရောထားတာ ချည်းပဲ။ အနံ့လေး ပါတာကလွဲရင် ဒီအရသာပဲ။ ရွေးစရာမရှိဘူး ထင်တော့ ဒါပဲစားရ တာပေါ့။

အလုပ်ဝင်တယ်။ ရွှေဂုံတိုင်ရုံးမှာ (တာမွေကို ရုံးမပြောင်းသေးတဲ့ အချိန်)တုန်းက နေ့ခင်းဘက်ဆို ရုံးအောက်ဆင်းရင် စားစရာဆိုင်က အနီးအနား တစ်ဆိုင်ပဲ ရှိတယ်။ အမဲသား၊ ဘဲဥနဲ့ငါးကြော်ပဲ ပုံမှန်ရတာ။ အမဲ မစားတော့ ဘဲဥနဲ့ငါးကြော်ပဲ။ ဘဲဥနဲ့ စားမလား၊ ငါးကြော်နဲ့စားမလား ဒါပဲ ရွေးရတာ။ သိပ်ကြိုက်တဲ့ ဘဲဥမုန်းရော ဆိုပါတော့။

ဒါလေးတွေက သာမည ရွေးချယ်မှုလေးတွေပါ။ ဒါတွေမှာတောင် ကျွန်တော်တို့ တစ်တွေက ဘောင်ခတ် ထားကြတယ်။ ဒါရွေးရင်ရွေး၊ မရွေးရင် မရွေးနဲ့ ဆိုပြီးတော့ပေါ့။ ရွေးစရာ တစ်ခုပဲရှိပြီး ရွေးရင်ရွေး၊ မရွေးရင် မရွေးနဲ့ ဆိုတာကို ဘိုလိုတော့ Hobson's Choice လို့ သုံးကြပါတယ်။ ကိန်းဘရစ်ခ်ျမှာရှိတဲ့ မြင်းဇောင်းပိုင်ရှင် တောမတ်စ်ဟော့ဘ်ဆင်န်(၁၅၄၄-၁၆၃၁)က စတယ် ဆိုကြပါတယ်။ သူက မြင်းငှားစားတာ။ သူ့ဆီက မြင်းသွားငှားရင် ရွေးလို့မရဘူး။မြင်းစောင်းရဲ့ တံခါးနဲ့ အနီးဆုံးမှာ ရှိနေတဲ့မြင်းပဲ ရမယ်။ အဲဒီမြင်းကို ငှားရင်ငှား၊ မငှားရင်နေပဲ။
ဗမာဆေး ရောထားတာချည်းပဲ။ အနံ့လေး ပါတာက လွဲရင် ဒီအရသာပဲ။ ရွေးစရာ မရှိဘူး ထင်တော့ ဒါပဲ စားရတာပေါ့ . . .

အရသာမရှိတဲ့ ဘဲဥနဲ့ငါးကြော် နှစ်မျိုးထဲက တစ်မျိုး ရွေးရတာမျိုး ကြတော့ Dilemma ခေါ်ရမယ် ထင်တယ်။ လက်မခံချင်စရာ ကောင်းတဲ့ နှစ်ခုထဲက တစ်ခု ရွေးရတာမျိုး။ အဲဒီထက်ဆိုးတာ ရှိပါသေးတယ်။ Morton's fork ဆိုတာပါ။ နှစ်ခုစလုံး ဘာရွေးရွေး မကောင်းတဲ့ဟာမျိုးပါ။ စပိန် စကားပုံ ''နံရံကပ် အပစ်ခံမလား၊ ဓားနဲ့အထိုးခံမလား'' ဆိုတာမျိုးပေါ့။ ၁၄၈၇ ခုနှစ်က ဟင်နရီ ၇ လက်ထက် အင်္ဂလန်ရဲ့ နန်းရင်းဝန်ကြီး ဂျွန်မော်တန်ရဲ့ အခွန်ကောက်တဲ့ မူဝါဒက လာတာပါ။

''လူတစ်ယောက်ဟာ ဇိမ်ကျကျ နေတယ်၊ ပိုက်ဆံတွေ အများကြီး သုံးတယ် ဆိုရင် ဒီလိုလူမျိုးဟာ ဘုရင်မင်းမြတ် အတွက် အခွန်တော်ဆက်သဖို့ လုံလောက်တဲ့ ၀င်ငွေ ရှိတယ်လို့ ယူဆနိုင်တယ်။ လူတစ်ယောက်ဟာ လိုသလောက်ပဲ သုံးတယ်၊ ချမ်းသာကြွယ်ဝတဲ့ လက္ခဏာလည်း မပြဘူး၊ ဒါဆိုရင် သူစုဆောင်းထားတာပဲ ဖြစ်ရမယ်၊ ဒီလို လူမျိုးဟာလည်း ဘုရင်မင်းမြတ်ကို အခွန်တော် ဆက်သနိုင်မဲ့ သူမျိုးပဲ'' ဆိုတဲ့ အယူအဆပါ။ (ကြောက်စရာကြီးနော်၊ တော်သေးတယ်၊ ဒီမှာ ဒီလို မဟုတ်လို့။ နို့မို့ဆို အိမ်မရှိလို့ လမ်းဘေးမှာနေတဲ့ လူကိုပါ သူဌေး ဆိုပြီး အခွန်ကောက်နေမှာ) နှစ်မျိုးစလုံး ကောင်းလို့ ရွေးရခက်တာမျိုးနဲ့ ပတ်သက်လို့လည်း ခေါ်တာ ရှိပါသေးတယ်။ ဘူရီဒန်ရဲ့ မြည်း Buridan's Ass ပါ။ (ဒီနေရာမှာ Ass က Old English အရ Donkey ပါ) မြက်ခြောက်နဲ့ ရေရှိတဲ့ နေရာတွေနဲ့ အကွာအဝေးတူမှာရှိတဲ့ မြည်း တစ်ကောင်ပေါ့။ ဒီမြည်းက ရေလည်း ဆာတယ်၊ ဗိုက်လည်း ဆာတယ်၊ အဲဒါနဲ့ ရေပဲ အရင်သောက်ရ ကောင်းမလား၊ မြက်ခြောက်ပဲ စားရ ကောင်းမလားနဲ့ စဉ်းစားနေတာ။ စဉ်းစားရင်းနဲ့ အစာငတ်၊ ရေငတ်ပြီး သေသွားရောတဲ့။ (ဒါက ပုံပြင်ထဲမှာမို့ မြည်းက စဉ်းစားဉာဏ်ကြီးတာ နေမှာပါ။ မြည်းထက် စဉ်းစားဉာဏ်ကြီးတဲ့ လူတွေလည်း ရှိတာပဲ)မြင်းရွေးလိုက်၊ မြည်းဖြစ်လိုက်နဲ့ တယ်မကောင်းပါဘူး။ သမိုင်းထဲက ကြီးကြီးကျယ်ကျယ် ကိစ္စတစ်ခုလောက်နဲ့ ပြောကြည့်ရအောင်။ စပိန်က အောင်နိုင်သူ ကောတက်ဇ် တစ်ယောက် မက္ကဆီကို မြေပေါ်ကို တပ်အနည်းငယ်နဲ့ ခြေချမိတဲ့ အချိန်။ ဟိုဘက်မှာက အက်ဇ်တက်စ် အင်ပါယာက တပ်တွေက အများကြီး။ ပြန်ပြေးဖို့ပဲ ရှိတယ်။ တိုက်မလား၊ ပြေးမလား နှစ်မျိုး ရွေးစရာရှိတယ်လို့ ပြောပြန်ရင်လည်း တိုက်တာက ရှုံးဖို့ သေချာသလောက် ရှိနေတာ။

အဲဒီအချိန် ကောတက်ဇ်က သူ့သင်္ဘောတွေကို မီးရှို့ပစ်လိုက်ရော။ (ကျွန်တော်တို့ဆီက ဘုရင့်နောင် ဖောင်ဖျက်တာနဲ့တူမယ် ထင်တယ်) သူ့တပ်တွေ အတွက် ရွေးစရာက တိုက်ဖို့ ဆိုတဲ့ တစ်ချက်ပဲ လုံးလုံးလျားလျား ရှိတော့တယ်။

ဒီတော့လည်း တိုက်ရင်းနဲ့ သေတာပဲမြတ်တယ် ဆိုတဲ့ အတွေးအခေါ်နဲ့ စပိန် တပ်တွေက စွတ်တိုက်တာ၊ သင်္ဘောတွေ မီးရှို့တာ မြင်ထားတော့ ဒီကောင်တွေ တကယ်တိုက်ပြီပဲ ဆိုပြီး လန့်နေတဲ့ အက်ဇ်တက်စ်တပ်တွေ ဆုတ်သွားတာနဲ့ စပိန်တပ်တွေ သွေးမြေမကျ အောင်ပွဲခံနိုင်ခဲ့ပါတယ်။

ဒါဟာ ပေးထားတဲ့ အခြေအနေကို လက်မခံဘဲ ကိုယ်လိုချင်တဲ့ အခြေအနေကို ဖန်တီးယူနိုင်တဲ့ ခေါင်းဆောင်ရဲ့အစွမ်းနဲ့ ဘောင်ခတ်ခံထားရတဲ့ ရွေးချယ်စရာတွေကို ပြင်ပစ်တာပါ။နောက်တစ်ချက်က ကျွန်တော်တို့ အများစုဟာ ရွေးချယ်စရာ နှစ်ခုထဲက တစ်ခုက မမှန်ဘူးလို့ လက်ခံလိုက်ရင် တခြားတစ်ခုကိုပဲ မှန်တယ်လို့ စဉ်းစားတတ်ကြတာပါ။ ၁+၃=၅ (သို့မဟုတ်) ၁+၃=၂ ဆိုတဲ့ အထဲက ဘယ်ဟာ မှန်သလဲလို့ မေးပြီ ဆိုပါစို့။ ၁+၃=၅ ဟာ မှားတယ်လို့ ကျွန်တော်တို့ သိတယ် ထားတော့။ ဒါဆိုရင် ၁+၃=၂ က မှန်တယ်လို့ ရွေးလိုက်မိတတ်ကြတယ်။ (ဟာ မနောက်ပါနဲ့။ဒါလည်း ဟုတ်မှ မဟုတ်တာကြီးပဲလို့ ပြောစရာရှိပါတယ်) ဒါက ဂဏန်းတွေနဲ့ ချပြထားတာမို့ပါ။ ဘ၀မှာ ရွေးချယ်စရာတွေ ကြုံလာရင်တော့ ကျွန်တော်တို့ တစ်တွေက ဒီလိုမျိုး ဟိုဟာမမှန်မှန်း သိရုံနဲ့ ဒီဟာပဲလို့ ရွေးတတ်ကြတာ ငြင်းမရပါဘူး။

ကိုယ့်ကိုယ်ကိုယ် ဘောင်ခတ်မိလို့ ရွာလည်တာလေး တစ်ခုလည်း ရှိခဲ့ဖူးပါတယ်။ ရန်ကုန် ရောက်စက လမ်းရှာမရတာပဲ။ လိပ်စာက ၃၅ လမ်း(လမ်းတို)တဲ့။ လမ်းတို ဆိုတော့ ဘယ်လို တိုမှန်းလဲ မသိ။ အဲဒါနဲ့ မထူးပါဘူး။ ဗိုလ်ချုပ်လမ်းဘက်ကနေ ၃၅ လမ်းထိပ် စ၀င်ပြီး ရှာမယ်ပေါ့။ တစ်ဘလောက်ပြီး တစ်ဘလောက် လမ်းတောက်လျှောက် ၀င်သွားရင် တွေ့မှာဆိုပြီးတော့လေ။ အဲဒါသွားရင်းနဲ့ လမ်းသာပိတ်သွားတယ်။ ရှာမတွေ့ဘူး။

ဘယ့်နဲ့ဟာလဲပေါ့။ လမ်းဆုံးရင် ရွာတွေ့ရမှာ ဘယ်လိုဖြစ်လို့ ရှာလို့မရတာလဲပေါ့။ အခေါက်ခေါက် လျှောက်တယ်။ မတွေ့ဘူး။ အဲဒီနေ့က လိုရာမရောက်လိုက်ဘူး။ နောက်မှသိတာက ...အဆောက်အအုံကြီး ခံနေတာ။ ဒီဟာကြီး ပိတ်နေတော့ ၀င်မရဘူး။ အမှန်က အဲဒီ လမ်းတိုလေးက အောက်ဆုံးမှာရှိတာ။ တခြားလမ်းက ကွေ့ဝင်မှ ရောက်မှာ။ (တုံးတယ်လို့ ပြောရမှာပဲ၊ တကယ်ကို မသိဘူး)။ ကိုယ့်စဉ်းစားပုံကို ကိုယ့်ဘာသာ ဟန်လှထင်နေတာ။ သတင်း အချက်အလက် ပြည့် ပြည့်စုံစုံ မသိမှုရယ်၊ ကိုယ်သိသမျှ (လမ်းကို ဘလောက်တွေနဲ့ ခွဲပြီး ကမ်းနားအထိ ပေါက်တယ်လို့ သိတာ)ကို ပြည့်စုံပြီ ထင်မိလို့ လမ်းပျောက်သွားတာ။

ကျွန်တော်တို့က ကိုယ့်ကိုယ်ကိုယ် ဘောင်ခတ်၊ ဒါမှမဟုတ် သူများ ဘောင်ခတ်တာခံ၊ အဲဒီထဲကမှ ရွေးကြတာ။ Hobson's Choice တို့၊ Dilemma တို့၊ Morton's Fork တို့လို အဖြစ်မျိုး ကြုံရပြီလို့ ကိုယ့်ဘာသာ သတ်မှတ်မိကြတယ်။ တကယ်တမ်းက တခြားတစ်လမ်းတော့ အနည်းဆုံး ရှိတတ်ပါတယ်။

ရှေ့ဆုံးက ပြဿနာလေးတွေ ပြန်ကောက်ပါရစေ။ ကိုယ်ရေး အရှုပ်ထုပ်တွေ လွယ်လွယ်လေး ပြေလည်သွားပါတယ်။ လက်ဖက်ရည်သောက်ဖို့ဆို လမ်းနည်းနည်း လျှောက်ပြီး လမ်းထိပ်ထွက်လိုက်။ လမ်းထိပ်က ဆိုင်က လက်ဖက်ရည်က ကောင်းမှကောင်း။ ပေါ့ဆိမ့်ဆို ပေါ့ဆိမ့်နဲ့ တူတယ်။ ကျဆိမ့်ဆို ကျဆိမ့်နဲ့ တူတယ်။ ကွမ်းကိစ္စလည်း ဒီလိုပဲ။ မနက် ကျောင်းမသွားခင် နည်းနည်း စောစောထ၊ ဟိုဘက်လမ်းက ဖက်နဲ့ထုပ်ပေးတဲ့ ကွမ်းယာ ကောင်းကောင်းကိုဝယ်၊ ဒါဆို ကျောင်းဆင်းချိန်ဆို နွမ်းလဲမနွမ်းတဲ့ ကွမ်းကောင်းကောင်း စားလို့ရပြီ။ ထမင်းစားတဲ့ ပြဿနာလည်း ဒီလိုပဲ။ ရုံးပေါ်ကဆင်း၊ အဲဒီနားက လမ်းကြားလေး အတိုင်း နည်းနည်း လျှောက်လိုက်ရင် အိမ်ချက် ကောင်းကောင်းရတဲ့ ထမင်းဆိုင်လေး ရှိတာ။ ညဆိုလည်း ရေတာရှည်ထဲ သွားစား၊ ဈေးလည်းချို၊ စားလည်းကောင်း။ အားမထုတ်တော့ ပိတ်မိနေတာပေါ့။ ကြီးကြီးကျယ်ကျယ် ကိစ္စဆိုရင်တော့ ပိုအားထုတ်ရမှာပေါ့။ဘာလိုလိုနဲ့ ၅ နာရီတောင်ခွဲပြီ။ ရုံးဆင်းလို့ လူတွေတောင် တော်တော်များများ ပြန်ကြပြီ။ ဟိတ်လူတွေ လိုက်ကြဦးမလား။ တာမွေ အ၀ိုင်းထိပ်မှာ လက်ဖက်ရည် သွားသောက်ကြမယ်လေ။ ဝေးလို့လား။ ဟာ နည်းနည်းတော့ လျှောက်ရမှာပေါ့။ Hobson's Choice ထဲ ပိတ်မိမနေချင်ရင် နည်းနည်းတော့ အားထုတ်ကြရမှာပေါ့။ မလိုက်ချင်လည်း ဒီနားက လက်ဖက်ရည်ဆိုင်မှာပဲ ခပ်ညံ့ညံ့ လက်ဖက်ရည် သောက်ချင်သောက်၊ မသောက်ချင် နေ၊ သဘောပဲ။
Written by ဇေဝင်းနောင်

Platform Marketeers ပလက်ဖောင်းဈေးသည်

Written by ဒေါက်တာခင်မောင်ညို
ကြီးမားကျယ်ပြန့်တဲ့ မြို့ကြီး လူဦးရေ ခြောက်သန်းကျော်။ ပြောင်းရွှေ့လာရောက် နေထိုင်သူတွေပါ ပေါင်းရင် ရှစ်သန်းလောက်ရှိပြီ ထင်ရဲ့။ အနှီမြို့ကြီးတွင် ဈေးဝယ်ဈေးသည်တွေ အများကြီးရှိတာ မဆန်းပါဘူး။ မြို့လယ်ခေါင် ပလက်ဖောင်းတွေဟာ ဈေးရောင်ဌာန ဖြစ်နေသည်။
''ဆရာ ပလက်ဖောင်း ဈေးရောင်းတာကို မကြိုက်ဘူးလား''ကျွန်တော် တပည့် ချွန်တွန်းသည် ကျွန်တော့်အား တွန်းပို့နေသည်။ သို့သော် ဒီကောင့်ကို မဖြေရင်တော့ သိက္ခာကျပေရော့မည်။
''ချွန်တွန်း၊ မင်းတို့ကို ချောက်ချနေတာလား''
''မဟုတ်ပါဘူး။ ဆရာရယ် ဆရာတို့ ဂျာနယ်လစ်တွေရဲ့ သဘောထားကို သိချင်လို့ပါ''
''တို့သဘောထားကတော့ အမှန်ကို လိုလားတာပေါ့။ မင်းကို ငါမေးမယ်။ လမ်းဘေး ပလက်ဖောင်းဟာ လူသွားဖို့လား ဈေးရောင်းဖို့လား''
''ဈေးရောင်းဖို့''
''ဘာ''
''ဈေးရောင်းဖို့ မဟုတ်ဘူးလို့ ပြောဖို့ပါ။ ဆရာက ဒေါသကြီးပဲ''
''မင်းက လူသွားဖို့လို ဖြေရင် ပြီးရော။ တိုကျိုမှာက ပလက်ဖောင်းမှာ စက်ဘီး စီးလို့ရအောင် လုပ်ထားပေးတယ်။ စက်ဘီးလာရင် ဘရိတ်က ကျိကျိနဲ့ အသံမြည်တယ်။ ဒီအခါ လူတွေက ဘေးကပ်ပေးရတယ်''
''ပလက်ဖောင်းပေါ်ကဆင်း ပေးရသေးလား ဆရာ''
''ငါပြောပြီးပြီကော ပလက်ဖောင်း ဆိုတာ လူလျှောက်ဖို့''
''ဟာ ဆရာက အခုပဲ၊ စက်ဘီးသွားလို့ ရတယ်ဆို''
''အေးလေ နေရာ လုပ်ပေးထားတာကိုး''
''ဒါဆိုလည်း ဆရာရယ်၊ လမ်းဘေး ပလက်ဖောင်းမှာ လူလည်းလျှောက် ဈေးလည်းရောင်းဖို့ လုပ်ပေးရင် မကောင်းဘူးလား''
''ချွန်တွန်း၊ မင်းပညာရှိပဲ။ ကာတွန်း ဆရာတစ်ယောက်တော့ ရေးဖူးတယ်။ ခုဈေးရောင်း ပလက်ဖောင်း တွေတော့ လုံလောက်နေပြီ။ လူတွေ လမ်းလျှောက်ဖို့ ပလက်ဖောင်းတွေပဲ လုပ်ပေးဖို့ လိုသတဲ့''
''ဟုတ်ကဲ့ဆရာ။ လူတွေကလည်း အမျိုးမျိုး နည်းလမ်းရှာတယ်နဲ့ တူတယ်''
''အေးကွ၊ ရန်ကုန်ကလူတွေက လမ်းကျကျပဲ လျှောက်တော့တယ်''
''အင်းဒါကတော့ ပလက်ဖောင်းတွေဟာ လူလျှောက်လို့ အဆင်မပြေလောက်အောင် မညီမညာ ဖြစ်နေတာလည်း ပါတယ်။ နောက် အကျင့်ပါသွားပြီလေ၊ Mindset ဖြစ်သွားတာပေါ့''
''ခုပလက်ဖောင်းပေါ်က ဈေးသည်တွေ ဖယ်ရှားတာ ဆရာ ဘယ်လို သဘောထားလဲလို့ ဆရာ့ကိုမေးတာ ဆရာ ဝေ့လည်ကြောင်ပတ်ပဲ ဖြေတယ်''
''ငါဖြေပါ့မယ်ကွာ။ အချက်သုံးချက် ပါဝင်တယ်။ နံပါတ်တစ်က ပလက်ဖောင်း ကိစ္စ''
''ဟုတ်ကဲ့ဆရာ''
''ပလက်ဖောင်းတွေကို လူတွေလျှောက်ဖို့ သင့်တော်အောင် လုပ်ထားတာ မြင့်နေတယ်။ ရွဲ့နေစောင်းနေ၊ အပေါက်တွေနဲ့ လမ်းတွေ့တဲ့ အခါ ခြေတစ်လှမ်းစာမက တက်လိုက်ဆင်းလိုက် လုပ်နေတာမျိုး ဆိုရင် အဆင်မပြေဘူးပေါ့။ ဒါကတော့ ဖြည်းဖြည်း လုပ်လို့ရတယ်။ နောက်တစ်ချက်က ပလက်ဖောင်းကို မည်သူမှ အချိန်ပြည့် အခိုင်အမာ အဆောက်အဦ မဆောက်ဖို့ လိုတယ်။ အပြစ်ပြောနေတာ မဟုတ်ဘူး။ စဉ်းစားလို့ ရဖို့ပါ။ ပလက်ဖောင်းကို ပြည်သူတွေ သွားလာနိုင်အောင် ဆောင်ရွက်တဲ့ ရည်ရွယ်ချက် ထားဖို့ပါပဲ။ လက်တွန်းလှည်းတွေ စက်ဘီးတွေနဲ့ ပိတ်ဆို့ထားလို့ မရဘူး။ ပလက်ဖောင်းဘေး ကားရပ်ရင် ဒီပလက်ဖောင်းတွေ မြင့်နေရင် ကားတံခါး မလွတ်တာမျိုးကို သတိထားရမယ်။ အချုပ်ကတော့ ပလက်ဖောင်း ဆိုတာ လမ်းကို မပျက်စီးအောင် ထိန်းတဲ့ ပုခုန်းသား ဖြစ်ရသလို လမ်းလျှောက်ပြီးသွားတဲ့ လူတွေ သားလာရေး အတွက် အဆင်ပြေရေးကို အလေးပေးတာမျိုး ဖြစ်ရတယ်''
''ဟုတ်ကဲ့ဆရာ၊ ပလက်ဖောင်းတွေမှာ ဂျပန်လို စက်ဘီးတွေ သွားလို့ရအောင် လုပ်ပေးရင် ပိုကောင်းတာပေါ့နော်''
''အေးကွ၊ ဒါက အဆင့်ဆင့် လာမှာပေါ့။ နောက်တစ်ချက် ပြောချင်တယ်။ အဲဒါက ဈေးသည်တွေ ကိစ္စပါ။ ဈေးသည်တွေက သူတို့ စားဝတ်နေရေး အတွက် ဈေးရောင်းတာ သမာအာဇီဝါပါ။ ဒါပေမယ့် လူတွေသွားတဲ့ ပလက်ဖောင်းမှာ ဘာလို့ လာရောင်းလဲ သိလား''
''လူတွေ ခလုတ်တိုက်မိတဲ့နေရာမှာရောင်းရင် ပိုရောင်းရတာပေါ့ ဆရာ''
''ဒါက အများ ယူဆချက်ပါ။ Mindset ဖြစ်နေတဲ့ ကိစ္စပါ။ တကယ်တော့ နေရာသတ်မှတ်ပြီး လူလယ်လို့လွယ် ကားရပ်လို့လွယ်တဲ့ နေရာမှာ ဈေးရောင်းရပါတယ်။ နိုင်ငံ အတော်များများမှာ Warehouse ဆိုတဲ့ ကုန်လှောင်ရုံတွေမှာ ဈေးရောင်းတာတွေ ရှိသလို Outlet Mall ဆိုပြီး မြို့ပြင် ခပ်လှမ်းလှမ်းမှာ ရောင်းတဲ့ ဈေးဆိုင်တွေ ရှိတယ်။ ဈေးသက်သာတယ်။ အသုံးတည့်တယ် ဆိုရင် လာဝယ်ကြတာပဲ။ ဒီမှာလည်း ရွှေပုစွန်ဆို သာကေတမှာ သွားစားတယ်။ ခိုင်ခိုင်ကျော်ဆို တောင်ဥက္ကလာထိ သွားစား တာပဲ။ Junction 8 တို့ Ocean တို့ကိုလည်း သွားတယ်။ ကျွန်တော်က သဘောကို ပြောပြတာပါ။ ဈေးသည်တွေကို ညနေဖက် ရုံးရှိတဲ့ ပန်းဆိုးတန်း အောက်လမ်းလို နေရာတွေ ဗိုလ်တစ်ထောင်လမ်းလို နေရာတွေမှာ ညဈေးတန်းလို လုပ်ရောင်းခိုင်းရင် လူတွေ ၀ယ်လာကြမှာပါ။ ဒါက ကျွန်တော် ဉာဏ်မီသလောက် ပြောတာပါ။ တိုင်တိုင်ပင်ပင် လုပ်ရင် ဒီထက်ကောင်းတဲ့ အကြံဉာဏ်တွေ အများကြီး ပေါ်လာမှာပါ။ လမ်းဘေး ဈေးရောင်းသူတွေ အတွက် ကျန်းမာရေး၊ လူမှုရေး ငွေကြေး အထောက်အပံ့တွေ အတွက်လည်း ကျွန်တော်တို့ စဉ်းစားရမှာပါ''
''ဟုတ်တယ်ဆရာ၊ အခု လမ်းဘေး ဈေးမရောင်းရလို့ ကလေးတွေ ကျောင်းမအပ်နိုင်ဘူးလို့ ဆိုတဲ့သူတွေ ရှိတယ်။ တကယ် ဟုတ်မဟုတ်တော့ မသိဘူးဆရာ''
''ပညာရေးဝန်ကြီးက မူလတန်း ပညာရေး မသင်မနေရ ပြုလုပ်တော့မယ်။ လတ်တလော ကျောင်းဝင်ကြေးတွေလည်း မပေးရသလောက် နည်းအောင် ကောက်ခံနေတယ်။ ဒါပေမယ့် တကယ်ဆင်းရဲရင် သူတို့မှာ တကယ် အခက်အခဲ ရှိတယ်''
''ဒါအစိုးရမှာ တာဝန် ရှိတယ်''
''ဟေ့ကောင် ချွန်တွန်း၊ မင်းက အပြုသဘောမျိုး ပြောနေတာလား၊ ကပျက်ယပျက် လုပ်နေတာလား''
''ကျွန်တော် တကယ့် စေတနာနဲ့ ပြောတာပါ''
''အေး အစိုးရမှာ တာဝန်ရှိသလို တို့တတွေမှာလည်း တာဝန်ရှိတယ်ကွ၊ အားလုံး ကူညီဆောင်ရွက်မှာပဲ''
''ဆရာကောဆရာ''
''ငါကတော့ လူတွေ သဘောပေါက်အောင် ကြိုးစားရေးနေရတာပဲ။ စာရေးဆရာတို့ ဂျာနယ်လစ်တို့ ဆိုတာ စတုတ္ထမဏ္ဍိုင်ကွ''
''ဟုတ်ကဲ့ဆရာ၊ ဒီမဏ္ဍိုင်လည်း ခိုင်မှ''
''ခွေးကောင်''