မက်ခရိုစီးပွား အပြောင်းအလဲနှင့် ဖွံ့ဖြိုးမှုအရွေ့

မြန်မာနိုင်ငံတွင် ဖြစ်ပေါ်နေ သော စီးပွားရေးနှင့် ဖွံ့ဖြိုးရေးဆိုင်ရာ ပြဿနာ အရင်းအမြစ်များကို ဖြေရှင်း နိုင်ရန် အစိုးရအဖွဲ့က ဦးဆောင်ပြုလုပ်ခဲ့ပြီး ပညာရှင်များ၊ ပြည်ထောင်စုဝန်ကြီးများ ပါဝင်ဆွေးနွေးသည့် နိုင်ငံတော်၏ စီးပွားရေးဆိုင်ရာ ဖွံ့ဖြိုးတိုး တက်မှု ပြုပြင်ပြောင်းလဲမှု ဆိုင်ရာ အမျိုးသားအဆင့် အလုပ်ရုံဆွေးနွေးပွဲကို သြဂုတ်လ ၁၉ ရက်နေ့မှ ၂၁ ရက်နေ့ ထိ ကျင်းပပြုလုပ်ခဲ့ပြီး ဖြစ်ပါသည်။

အဆိုပါအလုပ်ရုံဆွေးနွေးပွဲတွင် စာတမ်းရှင်များက မက်ခရိုစီးပွားရေး ပတ်ဝန်းကျင်ဆိုင်ရာ စီမံခန့်ခွဲမှု၊ နိုင်ငံတော်၏ စီးပွားရေး အခြေခံများ၊ ၀န်ဆောင်မှုနှင့် အလုပ်အကိုင် အခွင့်အလမ်းများ၊ ကုန်သွယ်ရေးနှင့် ရင်းနှီးမြှုပ်နှံမှု အခွင့်အလမ်းများ၊ ဘဏ္ဍာရေးနှင့် ငွေကြေးမူဝါဒများဆိုင်ရာ ခေါင်းစဉ်များ အောက်တွင် ဆွေးနွေးခဲ့ကြပြီး စာတမ်း၂၅စောင် ဖတ်ကြားခဲ့ကြသည်။

ပညာရှင်များအနေဖြင့် အစိုးရ နှင့်လုပ်ငန်းရှင် နှစ်ဦးနှစ်ဖက် လုပ်သာကိုင်သာ ရှိသော အခြေအနေမျိုး ဖြစ်လာရန် လိုလားလျက်ရှိပြီး ယင်းအခြေအနေမှ တစ်ဆင့် အခြေခံလူတန်းစား နှင့် လူလတ်တန်းစားများ ဆီသို့ သင့်တင့်မျှတသော ငွေကြေးစီးဝင်မှု၊ အလုပ်အကိုင်နေရာ ဖန်တီးပေးမှုများ ဖြစ်ပေါ်စေရန် မျှော်လင့်ထားကြသည်။ ထို့ပြင် ပညာရှင်များ၏ အဆို အရ မြန်မာပြည်၏ စီးပွားရေး ပြုပြင်ပြောင်းလဲမှုများ ပြုလုပ်ရာတွင် ဘဏ္ဍာရေးနှင့် ငွေရေးကြေးရေး ကဏ္ဍမှာ အရေးပါဆုံး အနေအထား ဖြစ်နေကြောင်း သိရပါသည်။ ပြုပြင် ပြောင်းလဲထားသော ကုန်သွယ်ရေးနှင့် ရင်းနှီး မြှုပ်နှံမှုမူဝါဒများသည် မပြုပြင် မပြောင်းလဲထားသော ဘဏ္ဍာရေးနှင့် ငွေရေးကြေးရေး ကဏ္ဍနှင့် ရင်ဆိုင်ရပါက အကျိုးအာနိသင် နည်းပါးသွားစေသည်ဟု ပညာရှင်များက ထောက် ပြပါသည်။
အစိုးရနှင့် လုပ်ငန်းရှင် နှစ်ဦးနှစ်ဖက် လုပ်သာကိုင်သာရှိသော အခြေအနေမျိုးဖြစ်လာရန် လိုလားလျက်ရှိပြီး ယင်းအခြေအနေမှ တစ်ဆင့် အခြေခံလူတန်းစားနှင့် လူလတ်တန်းစားများဆီသို့ သင့်တင့် မျှတသော ငွေကြေးစီးဝင်မှု၊ အလုပ်အကိုင် နေရာဖန်တီးပေးမှုများ ဖြစ်ပေါ်စေရန် မျှော်လင့်ထား . . .

ကုန်သွယ်ရေးနှင့် ရင်းနှီးမြှုပ်နှံမှု မူဝါဒများမှာ ပြုပြင်ပြောင်းလဲပြီး လျှင်ရလဒ်ကို အချိန်တိုအတွင်း တွေ့မြင်နိုင်သော်လည်း အတွင်းကျကျ လှိုက်စားနေနိုင်သော ဘဏ္ဍာရေးနှင့် ငွေရေးကြေးရေး ကဏ္ဍနှင့် အခြေခံ အဆောက်အဦ ကဏ္ဍသည် မက်ခရို စီးပွားရေးပတ်ဝန်းကျင်အတွက် ထပ်မံ၍ အမှားမခံနိုင်သည့် အခြေအနေဖြစ် ပေါ်နေကြောင်း ပညာရှင်များက သုံးသပ်ပါသည်။

ယခုအချိန်တွင် အမေရိကန် ဒေါ်လာဈေး အပါအ၀င် နိုင်ငံခြားငွေ ဈေးနှုန်းများ ဆက်တိုက်ကျဆင်းမှု ဒဏ်ကိုလုပ်ငန်းရှင်များ၊ နိုင်ငံခြားငွေဖြင့် ၀င်ငွေရရှိသူများနှင့် ဆက်စပ်မိသားစုဝင်များ၏ ထုတ်ဖော်ပြောဆိုမှု များကြောင့် နိုင်ငံ၏ ဘဏ္ဍာရေးနှင့် ငွေရေးကြေးရေး ကဏ္ဍကို လူအများ အာရုံစိုက်လာပြီး အားနည်းချက်များ ကို အဆက်မပြတ်ဝေဖန် ထောက်ပြ လာကြသည်။ လက်ရှိ အစိုးရကလည်း မက်ခရိုစီးပွားရေး ပတ်ဝန်းကျင်ကို ပြုပြင်ပြောင်းလဲနိုင်ရန် အားထုတ်လာသည်။

လက်ရှိ မြန်မာနိုင်ငံသည် အစဉ်အဆက် ဖြစ်ပေါ်ခဲ့သော ဘဏ္ဍာရေး ရ-သုံးငွေလိုငွေပြမှု၊ အစိုးရ၏ နိုင်ငံခြားငွေ အရ-အသုံး လိုငွေပြမှုတို့ကို လျှော့ချနိုင်ရန် လိုအပ်သည်။ ထို့ပြင် အများပြည်သူတို့ ခေတ်အဆက်ဆက် ကြုံတွေ့နေရသော ငွေကြေးဖောင်းပွ မှု၊ စားသုံးသူဈေးနှုန်း ဆညွှန်းကိန်း မြင့်မားမှု၊ ပြည်တွင်းကုန်ဈေးနှုန်း ကြီးမြင့်မှုစသည့် ပြဿနာများနှင့် ခေတ်သစ်ပြဿနာ တစ်ရပ်ဖြစ်လာသော အမေရိကန်ဒေါ်လာ ငွေလဲနှုန်း ကျဆင်းလာမှုတို့၏ ရိုက်ခတ်မှုတို့ကို ဖြေရှင်းနိုင်ရန် လိုအပ်သလို မြန်မာ နိုင်ငံ၏ ဘဏ္ဍာရေး၊ ငွေရေးကြေးရေး၊ ကုန်သွယ်ရေး၊ ရင်းနှီးမြှုပ်နှံမှုစသည့် ကဏ္ဍများ၏ အားနည်းချက်များကို အသုံးချပြီး ၀င်ရောက်လာသော ပြည်တွင်းပြည်ပမှ စီးပွားရေးမသမာမှု များနှင့် လက်ဝါးကြီးအုပ်မှုများကို ကာကွယ်နိုင်ရန် လိုအပ်နေကြောင်း ပညာရှင်များက ရှင်းပြပါသည်။

ပညာရှင်အချို့၏ အဆိုအရ မြန်မာနိုင်ငံ၏ ယခင်ကာလများတွင် စီးပွားရေးပတ်ဝန်းကျင် တည်ငြိမ်မှု အနေအထားကို ပျက်ပြားစေသည့် မူဝါဒများကို ချမှတ်မိခဲ့ကြောင်း၊ အချို့မူဝါဒများမှာ ထိုစဉ်အခါက နောက်ဆုံး နည်းလမ်းတစ်ရပ်အဖြစ် ချမှတ်ခဲ့ရသည်ဟု ယူဆနိုင်သော်လည်း ဆေးခါးကြီး တိုက်ကျွေးသလို ဖြစ်ခဲ့ရကြောင်း သိရပါသည်။

မြန်မာနိုင်ငံအနေဖြင့် ဘဏ္ဍာရေးလိုငွေပြမှုကို ငွေကြေးများထပ်မံ ရိုက်ထုတ်ပြီး ဖြေရှင်းသော နည်း လမ်းကို မကြာခဏအသုံးပြုခဲ့ပြီး ဗဟိုဘဏ်နှင့် ပုဂ္ဂလိကဘဏ်အချို့ ထံမှလည်း ငွေကြေးချေးယူမှုများ ရှိခဲ့သည်။ နောက်ဆက်တွဲ ဆိုးကျိုးအဖြစ် ငွေကြေးဖောင်းပွမှု၊ စားသုံးသူ ဈေးနှုန်းဆညွှန်းကိန်း မြင့်တက်မှု၊ ငွေကြေး၏၀ယ်နိုင်စွမ်းအားကျဆင်း မှုများဖြစ်လာခဲ့သည်။ ထို့အတူအစိုးရ ၏ နိုင်ငံခြားငွေအရ-အသုံးလိုငွေပြ မှုကိုဖြေရှင်းနိုင်ရန် ပုဂ္ဂလိက ကုန် သွယ်ရေးငွေထဲမှ ယူဆောင်အသုံးပြု ခဲ့ပြီးထိုကဲ့သို့ပြုလုပ်နိုင်ရန် ကုန်သွယ် ရေးကိုလိုင်စင်စနစ်ဖြင့် ထိန်းချုပ်မှုများ ဆောင်ရွက်ခဲ့သလို နိုင်ငံခြားငွေနှင့်လဲ လှယ်သုံးစွဲနိုင်သည့် ကြားခံငွေ(အက်ဖ် အီးစီ)များ ရိုက်နှိပ် ထုတ်ဝေခဲ့သည်။

အစိုးရ၏ ဘဏ္ဍာရေးလိုငွေပြမှုမှာ ဆက်လက် ဖြစ်ပေါ်နေဆဲ ဖြစ်သော်လည်း ကုန်သွယ်ရေး ကဏ္ဍတွင်မူ သဘာဝဓာတ်ငွေ့၊ ကျောက်စိမ်းကဲ့ သို့ ပို့ကုန်တင်ပို့မှု မြင့်တက်လာခြင်းကြောင့် ၂၀၀၄-၂၀၀၅ ဘဏ္ဍာရေး နှစ်မှစတင်ကာ အမေရိကန်ဒေါ်လာ သန်းထောင်ဂဏန်းအထိ ပိုငွေရရှိလာခဲ့သည်။ အခြားတစ်ဖက်တွင်လည်း ပုဂ္ဂလိက ကုန်သွယ်ရေးကို လိုင်စင်စနစ်ဖြင့် ဆက်လက် ထိန်းချုပ်ထား ဆဲဖြစ်ပြီး ပို့ကုန်ရငွေနှင့် နိုင်ငံခြားငွေ ဖြင့်ရရှိသော အလုပ်အကိုင်ဝင်ငွေ ဖြင့်သာ သွင်းကုန်တင်သွင်းနိုင်သည့် စည်းမျဉ်းသတ်မှတ်ထားဆဲ ဖြစ်သည်။

မြန်မာနိုင်ငံ၏ လက်ရှိ ကျပ်ငွေကြေးလည်ပတ်မှု ပမာဏကို သတင်း ထုတ်ပြန်မှုမရှိသောကြောင့် အတိအကျ သိရခြင်းမရှိသော်လည်း ၁၉၈၈ ခုနှစ်တွင် ကျပ်သန်း ၁၆၀၀၀ ရှိရာမှ ၁၉၉၅ ခုနှစ်တွင် ကျပ်သန်း ၁၁၀၈၀၀၀ ဖြစ်လာကြောင်း သိရပါသည်။ အဆိုပါ ပမာဏမှာ ၁၉၈၈ ခုနှစ်ကထက် အဆ ၇၀ နီးပါး မြင့်တက်လာခြင်း ဖြစ်ပြီး ယခုအချိန်ထိဆိုပါက လည်ပတ်ငွေပမာဏမှာ အဆပေါင်းများ စွာ မြင့်တက်လာနိုင်ကြောင်းနှင့် စားသုံးသူဈေးနှုန်း ညွှန်းကိန်းမှာလည်း အလားတူ လိုက်ပါမြင့်တက်လာမည် ဖြစ်ကြောင်း ပညာရှင်များ၏ တွက်ချက်မှုများအရ သိရပါသည်။

နိုင်ငံခြားငွေကြေး အနေဖြင့် မြန်မာနိုင်ငံတွင် ယခုအချိန်ထိ တရားဝင် ကိုင်ဆောင်သုံးစွဲခွင့် မပေးသေးဘဲ တရားဝင်ငွေလဲနှုန်းမှာ ၆ ကျပ်ဖြစ်ပါသည်။ ၁၉၉၃ ခုနှစ်တွင် စတင်ထုတ်ဝေသည့် ကြားခံငွေကြေး(အက်ဖ်အီး စီ)ကိုလည်း ဆက်လက် အသိအမှတ် ပြုထားဆဲဖြစ်ပါသည်။ ထို့ပြင် ကုန်သွယ်ရေး လုပ်ကိုင်လိုသူများအနေ ဖြင့် နိုင်ငံပိုင်ဘဏ်များမှာသာ နိုင်ငံခြားငွေစာရင်း ဖွင့်လှစ်ခွင့်ရပြီး ပို့ကုန် သွင်းကုန်များကိုလည်း အစိုးရက လိုင်စင်စနစ်ဖြင့် ထိန်းချုပ်ထားဆဲ ဖြစ်ပါသည်။ ယင်းကဲ့သို့ အခြေအနေများကြောင့် ပြည်တွင်းနိုင်ငံခြားငွေ ကြေးဈေးကွက်တွင် အစိုးရမှ တရားဝင်သတ်မှတ်နှုန်း၊ ပြင်ပဈေးကွက်ဈေး နှုန်း၊ ပို့ကုန်ရငွေဈေးနှုန်း၊ အက်ဖ်အီးစီဈေးနှုန်းကဲ့သို့ ဈေးနှုန်းအမျိုးမျိုး ဖြစ်ပေါ်နေပြီး တည်ငြိမ်မှုနည်းပါးသောကြာင့် စီးပွားရေး လုပ်ငန်းရှင်များ တွက်ဆရခက်ခဲသော အခြေအနေများ ဖြစ်ပေါ်နေပါသည်။

လက်ရှိအစိုးရ အဖွဲ့အနေဖြင့် အထက်ပါ အခြေအနေများကို ပြုပြင် ပြောင်းလဲရန် ကြိုးပမ်းနေသည်ဟု ယူဆပါသည်။ နိုင်ငံ၏တရားဝင် ငွေလဲနှုန်းကို ပြင်ဆင်ရန် ဆောင်ရွက်နေခြင်း၊ ထိုသို့ဆောင်ရွက်ပါက အက်ဖ်အီးစီကို ရုပ်သိမ်းမည်ဖြစ်ပြီး နိုင်ငံခြား ငွေတရားဝင် ကိုင်ဆောင်နိုင်ဖွယ်ရှိခြင်း၊ ပို့ကုန်လုပ်ငန်း အချို့အတွက် ကုန်သွယ်လုပ်ငန်းခွန် ပယ်ဖျက်ပေးခြင်း၊ နိုင်ငံခြားငွေဖြင့် ၀င်ငွေရရှိသူများ၏ ၀င်ငွေခွန်ကို ၂ ရာခိုင်နှုန်းသို့ လျှော့ပေါ့ သတ်မှတ်ပေးခြင်း၊ လက်ခစားအပ် ကုန်စနစ်လုပ်ငန်းများမှ ပေးဆောင်ရသော ၀င်ငွေခွန်ကို ၂ ရာခိုင်နှုန်းသို့ လျှော့ချပေးခြင်း စသည့်ပြုပြင်ပြောင်းလဲမှုများ လုပ်ဆောင်လျက်ရှိပြီး အမျိုးသားအဆင့် စီးပွားရေး အလုပ်ရုံဆွေး နွေးပွဲများမှ တစ်ဆင့်ထိရောက် ကောင်းမွန်သော မူဝါဒများ ထပ်မံချမှတ်နိုင်ရန် လုပ်ငန်းရှင်များ၊ ပညာရှင်များနှင့် အများ ပြည်သူတို့က မျှော်လင့်လျက် ရှိပါသည်။

အဆိုပါမျှော်လင့်ချက်များ ပြည့်ဝစေရန် အစိုးရ၏ ဘဏ္ဍာရေး အခြေအနေနှင့် စီမံခန့်ခွဲမှု အရည်အချင်းက အဓိကကျကြောင်း ပညာရှင်များက ထင်မြင်ယူဆပါသည်။ အစိုးရဘဏ္ဏာရေး လိုငွေပြမှု ဖြစ်ပေါ်စေခဲ့သော အကြောင်းအရင်း များထဲမှ အဓိက အချက်တစ်ခုဖြစ်သော အရှုံးပေါ်နေသည့် နိုင်ငံပိုင် စီးပွားရေးလုပ်ငန်း အများစုကို ပုဂ္ဂလိကပိုင် ပြုလုပ်ခဲ့ခြင်းကြောင့် ပုဂ္ဂလိက ငွေကြေးများစွာ ဘဏ္ဍာ တိုက်ထဲစီးဝင်ခဲ့သည်။ ထို့အတူ မော်တော်ယာဉ် လေလံပစ်ခြင်း၊ ဒဏ်ကြေးဖြင့် လိုင်စင်မဲ့ယာဉ်များကို လိုင်စင်ပေးခြင်း တို့ကြောင့် အစိုးရ၀င်ငွေများစွာ ရရှိခဲ့ပြီး တယ်လီဖုန်း မျိုးစုံချထားပေးမှုဖြင့်လည်း လူလတ်တန်းစားများ နှင့် အခြေခံ လူတန်းစားအချို့ထံမှ ငွေကြေးများကို သဲ့ယူခဲ့သည်။ ထို့ပြင် အခွန်ကောက်ခံမှုစနစ်တွင် လူနည်းစုထံမှများများ ကောက်သည့်စနစ်အစား လူအများထံမှ နည်းနည်းကောက်မည့် စနစ်ကို ဦးတည်ဆောင်ရွက်နေသည် ဟု ထုတ်ဖော် ပြောဆိုမှုများကြောင့် ယခုရရှိနေသည့် အခွန်နှုန်း(ယခုဂျီ ဒီပီ၏ သုံးရာခိုင်နှုန်း ၀န်းကျင်သာ အခွန်ရရှိသည်ဟု အစိုးရ၏ထုတ်ပြန် ချက်များတွင်ဖော်ပြ) ထက် ပိုမိုရရှိလာနိုင်သည်။ အခြားတစ်ဖက်တွင်လည်း အစိုးရအနေဖြင့် သဘာဝဓာတ်ငွေ့နှင့် ကျောက်စိမ်းကဲ့သို့ ထုတ်ကုန်များ ရောင်းချမှုမှ နိုင်ငံခြားငွေများရရှိလျက် ရှိနေရာ နိုင်ငံခြားငွေပြတ်လပ်မှုမရှိကဲ့ သို့ အစိုးရ၏ ဘဏ္ဏာရေး လိုငွေလျှော့ချ ရေးအတွက် အထောက်အကူပြု လျက်ရှိနေသည်။

အစိုးရအနေဖြင့် လတ်တလော စီးပွားရေး ဖွံ့ဖြိုးတိုးတက်မှုဆိုင်ရာ ပြဿနာများကို ဖြေရှင်းနိုင်ရန် အရေးကြီးသကဲ့သို့ ရေရှည်ကာလ အနေအထားတွင် စဉ်ဆက်မပြတ် ဆက်လက် တိုးတက်စေရန် ကြိုတင် ဆောင်ရွက်ရန် လိုအပ်ကြောင်း ပညာရှင်များက ဆိုပါသည်။ ရေရှည်ကာလအတွက် နိုင်ငံခြားပို့ကုန် မြှင့်တင်ခြင်းနည်းလမ်း နှင့်တံခါးဖွင့် ဈေးကွက်စီးပွားရေး စနစ်ဖြင့်သာ အစိုးရ ရ-သုံးငွေ ဘဏ္ဍာရေး ရှင်းတမ်းနှင့် နိုင်ငံခြားငွေ ရ-သုံးငွေ စာရင်းရှင်းတမ်းကို တိုးတက်ကောင်းမွန်အောင် လုပ်ဆောင်နိုင်မည်ဟု ပညာရှင်များက ယူဆပါသည်။

မြန်မာနိုင်ငံ၏ ဘဏ္ဍာရေး၊ ငွေကြေးနှင့် ကုန်သွယ်ရေး ဖြစ်စဉ်အချို့

ကိုလိုနီခေတ် - ကိုလိုနီခေတ်ကာလအတွင်း မြန်မာငွေကြေးကို အိန္ဒိယရူပီးငွေနှင့် ချိတ်ဆက်ထားပြီး ငွေကြေးဖောင်းပွမှု နည်းပါးခဲ့သည်။ ကိုလိုနီခေတ်အတွင်းအုပ်ချုပ်ရေးကို မထိခိုက်စေနိုင်သော လွတ်လပ်သည့် ဈေးကွက်စနစ်ထားရှိပြီး အုပ်ချုပ်ရေး၊ တရားစီရင်ရေး၊ အခြေခံအဆောက်အဦတည် ဆောက်ထိန်းသိမ်းရေး စသည့်လုပ်ငန်းများကို အစိုးရက တာဝန်ယူထားသည်။ စိုက်ပျိုးထုတ်လုပ်မှု၊ ပို့ကုန်တင်ပို့မှု မြင့်မားခြင်းကြောင့် ၀င်ငွေမြင့်မားခဲ့ပြီး ၀င်ငွေနှင့်သုံးစွဲငွေ ထိန်းညှိနိုင်သည့် အတွက် ဘတ်ဂျက်ပိုငွေပြ၊ အခွန်အမျိုးမျိုး ကောက်ခံခဲ့ပြီး ပို့ကုန်သွင်းကုန်များမှ အကောက်ခွန်များစွာရ။ ကိုလိုနီ မြန်မာအစိုးရမှာ ဘတ်ဂျက်ပိုငွေပြသဖြင့် နယူးဒေလီရှိ ဗဟိုအစိုးရသို့ လွှဲပြောင်းပေး၊ ၁၉၃၇ နောက်ပိုင်း မြန်မာပြည် သီးခြား ကိုလိုနီဖြစ်ပြီး နောက်ပိုင်းရရှိသော ဘတ်ဂျက်ပိုငွေများကိုလည်း ပေးရန်ရှိ အကြွေးများအတွက် အိန္ဒိယပြည်သို့ လွှဲပြောင်းပေးအပ်။

ပါလီမန်ခေတ် - နိုင်ငံ၏ ဘဏ္ဍာရေးစနစ် အခြေခံကို ပြောင်းလဲသတ်မှတ်။ နိုင်ငံတော် စိုက်ပျိုးရေး ထွက်ကုန်များ ကူးသန်းရောင်းဝယ်ရေး ဘုတ်အဖွဲ့ ဖွဲ့စည်း။ ကမ္ဘာ့ပေါက်ဈေးထက် ဆန်ဈေးနှုန်း လျှော့ချသတ်မှတ်၍ တောင်သူများထံမှ ၀ယ်ယူ။ ကွာဟချက်အမြတ်မှာ အစိုးရအခြေခံဝင်ငွေဖြစ်လာ။ လယ်သမားများ ဈေးနှုန်းနှင့် အမြတ်မက်လုံးမရှိမှုကြောင့် စိုက်ပျိုးမှုလျော့ကျ၊ ဆန်စပါးတင်ပို့မှုနှင့် နိုင်ငံခြားငွေ ရရှိမှုကျဆင်းလာ။ အခြားတစ်ဖက်တွင်လည်း လယ်ယာ ခေတ်မီစေရေးနှင့် လူမှုစီးပွား တိုးတက်စေရေး စီမံကိန်းချ။ ပို့ကုန်ဝင်ငွေက သွင်းကုန်ဝယ်လိုအားကို လိုက်မမီခြင်းကြောင့် ကုန်သွယ်ရေး လိုငွေပြဿနာ စတင်ဖြစ်ပေါ်။ အစိုးရက နည်းနှစ်နည်းကျင့်သုံးလာ။ ပထမနည်းမှာ နိုင်ငံခြားငွေ လက်ဝယ်ရှိ ကာလများတွင် သွင်းကုန်လိုင်စင် လွတ်လပ်စွာ ပေးပြီး ဒုတိယနည်းမှာ နိုင်ငံခြားငွေ လျော့နည်းချိန်တွင် သွင်းကုန်လိုင်စင်မှတစ်ဆင့် အမျိုးအစားကန့်သတ်။ ကုန်သွယ်ရေးလိုငွေ ကျဆင်းနေချိန် အတောအတွင်း နိုင်ငံခြားမှရရှိသော ကူညီထောက်ပံ့ငွေများကို လယ်ယာ စိုက်ပျိုးသူနှင့် စီးပွားရေး လုပ်ငန်းများကို ထောက်ပံ့၊ ကုန်ဈေးနှုန်း တည်ငြိမ်အောင်ထိန်း။ အမြင့်ဆုံးဘဏ္ဍာရေး လိုငွေပြမှုမှာ ၁၉၅၅-၁၉၅၆ခုနှစ် ဖြစ်ပြီး ဂျီဒီပီ၏ ၁ဒသမ၄ ရာခိုင်နှုန်းရှိ။ ကုန်သွယ်ရေး ထိန်းချုပ်မှုပြုလုပ်သော အကျိုးဆက်အဖြစ် အဂတိလိုက်စား မှုများလာ၊ နီးစပ်သော စီးပွားရေး လုပ်ငန်းရှင်များ အထူးအခွင့်အရေး ရလာ၊ စားသုံးသူများ ၀န်ထုပ်ဝန်ပိုးဖြစ်လာ။ ပါလီမန်ခေတ် နောက်ပိုင်းနှစ်များတွင် ထိုအဖြစ်အပျက်များ ပိုမိုဆိုးရွားခဲ့။

ဆိုရှယ်လစ်ခေတ် - ပုဂ္ဂလိကလုပ်ငန်း၊ ပုဂ္ဂလိက တစ်စိတ်တစ်ပိုင်းပါသော လုပ်ငန်းများကို ပြည်သူပိုင် သိမ်းခဲ့ခြင်းကြောင့် အစိုးရ၏ကုန်ကျစရိတ် နှစ်ဆကျော် မြင့်တက်လာ။ အစပိုင်းတွင် ဘတ်ဂျက်ရှင်းတမ်းကိုက် ညီမှန်ကန်အောင် ကြိုးစားသော်လည်း ၁၉၇၃ ခုနှစ်တွင် နိုင်ငံခြားငွေကြေး ရှားပါးမှုကြီးကြီးမားမား ဖြစ်ပေါ်ခဲ့ပြီး ပြည်တွင်း ဆန်စပါးဈေးနှုန်းကို မြှင့်တင်။ သွင်းကုန်တင်သွင်းမှု ကန့်သတ် လျှော့ချထားရင်း ဘတ်ဂျက်လိုငွေပြလာ၊ ကုန်ဈေးနှုန်းထိုးတက်လာ။ လူထုကြိုက်အောင်ဆွဲဆောင်သော နိုင်ငံတော် စီမံကိန်းများကြောင့် အစိုးရအသုံးစရိတ် ထပ်မံမြင့်တက်လာ။ လိုငွေပြမှုပိုများလာပြီး ငွေကြေးထပ်မံ ရိုက်ထုတ် ဖြည့်သွင်းလာ။ လိုငွေပြတိုင်းယင်းသို့ လုပ်ဆောင်မှုကြောင့် ငွေကြေးဖောင်းပွမှုနှုန်းများ အစဉ်အဆက် ဆက်တိုက် မြင့်မားစွာ ဖြစ်ပေါ်ခဲ့သည်။

န၀တ၊ နယကခေတ် - ဗဟိုဘဏ်မှ ငွေချေး၊ နိုင်ငံခြားငွေနှင့် လဲလှယ်သုံးနိုင်သော ကြားခံငွေကြေးထုတ်၊ ကုန်သွယ်ရေးကို လိုင်စင်စနစ်ဖြင့် ဆက်လက်ထိန်းချုပ်၊ သွင်းကုန် တင်သွင်းရန် ပို့ကုန်ရငွေကိုသာ အသုံးပြုရမည် သတ်မှတ်၊ အရေအတွက်၊ အမျိုးအစားများ ထိန်းချုပ်၊ ကုန်သွယ်ရေးလုပ်ငန်းရှင်တိုင်း နိုင်ငံပိုင်ဘဏ်တွင် စာရင်းဖွင့်ရန် သတ်မှတ်။ ကုန်သွယ်ရေး ရငွေအချို့ကို အစိုးရနိုင်ငံခြား သုံးငွေလိုအပ်ချက် အတွက် ဖြည့်ဆည်း။ လိုင်စင်နှင့် ပါမစ်စနစ်ကြောင့် နီးစပ်သူ၊ သြဇာရှိသူများ ပိုအခွင့်အရေးရ။ အစိုးရဘဏ္ဍာရေး လိုငွေ၊ ကုန်သွယ်ရေး လိုငွေများဖြစ်ပေါ်။ သဘာဝဓာတ်ငွေ့နှင့် ကျောက်စိမ်း၊ သစ်စသည့် ပို့ကုန်များကြောင့် ၂၀၀၅-၀၆ခုနှစ်မှ စတင်ကာ ကုန်သွယ်ရေး ပိုငွေပြလာ။ ရေနံနှင့် သဘာဝဓာတ်ငွေ့၊ ရေအားလျှပ်စစ်ကဏ္ဍ တို့ကြောင့် နိုင်ငံခြား ရင်းနှီးမြှုပ်နှံမှု အများအပြားဝင်ရောက်၊ ၂၀၀၈ခုနှစ် စတင်ကာ အစိုးရပိုင် စက်ရုံအလုပ်ရုံအချို့နှင့် အိမ်ခြံမြေအချို့ကို ပုဂ္ဂလိလသို့ လွှဲပြောင်း ရောင်းချမှု။ မော်တော်ကား လေလံပစ်မှုနှင့် ဖုန်းများ ချထားပေးမှုများမှ တစ်ဆင့် ပုဂ္ဂလိကပိုင် ငွေကြေးများ အစိုးရထံသို့ အများအပြား စီးဝင်အောင်ပြုလုပ်ခဲ့။