ပွဲတော်များနှင့် ပုဂံ

သာသနာဖြိုးစည်
တို့--ပုဂံပြည်ဝယ်
စေတီအပေါင်း
ဂူတစ်သောင်း၌
နရည်၊ စည်းသံ
သောသောညံသည်
ပွဲတော်ကာလ...သည်ချိန်ခါ။
(၀ါခေါင်လပြည့်နေ့)

''မြန်မာမှန်လျှင် ဇာတ်ပွဲ ကြည့်ဖူးရမည်။ မြန်မာမှန်လျှင် ပုဂံရောက် ဖူးရမည်။'' အထက်ပါစကားကို ပုဂံရောက် စာရေးဆရာတစ်ဦး ပြောဖူးပါသည်။ မြန်မာမှန်လျှင် အပျော်အပါးကို နှစ်သက်သည်။ ဘာသာတရား ကိုင်းရှိုင်းမည်။ ယဉ်ကျေးမှုကို ခုံမင်မည်။ အနုပညာကို မြတ်နိုးမည် စသော သဘောတို့ဆောင်မည် ထင်ပါသည်။

ပုဂံရှေးဟောင်းယဉ်ကျေးမှု နယ်မြေတွင် အခြေချ နေထိုင်သော ပုဂံသူ၊ ပုဂံသားတို့ကား မြန်မာစင်စစ် ဖြစ်ကြသည်မို့ ဘာသာတရားကိုလည်း ကိုင်းရှိုင်း၏။ ယဉ်ကျေးမှုကိုလည်း မြတ်နိုး၏။ ဘာသာ၊ သာသနာကို အခြေခံ၍
ကျင်းပသော ပျော်ပွဲ၊ ရွှင်ပွဲ၊ ဇာတ်ပွဲ တို့ကိုလည်း သူ့ထက်ငါ အပြိုင်အဆိုင် ကျင်းပကြ၏၊ သူ့ဘုရား၊ ကိုယ့်ဘုရားပြိုင်သည်။ သူ့အရပ်၊ ကိုယ့်အရပ် သူ့ဇာတ်၊ ကိုယ့်ဇာတ် ပြိုင်ကြသည်။ သူ့အသွင်း၊ ကိုယ့်အသွင်း ပြိုင်တတ်ကြသည်။

ပုဂံတွင် ၀ါဝင်ပြီ ဆိုသည်နှင့် ကိုယ့်ရပ်၊ ကိုယ့်ရွာ ဘုရားပွဲအတွက် တိုင်ပင်ကြသည်။ ဆွေးနွေးကြသည်။ ၀ယ်ခြမ်းကြသည်။ တစ်နယ်တစ်ကျေး ရောက်နေသူများက ပွဲတော်အမီ ကိုယ့်ရပ်ဌာနီသို့ ပြန်လာကြသည်။ ပုဂံပွဲတော်တို့သည် ၀မ်းရေး အတွက် ဝေးတစ်မြေရပ်ခြား ပြေးလွှား ခွဲခွာနေရသော မိသားစုဝင်များ၊ မိတ်ဆွေသင်္ဂဟများကို ပြန်လည် တွေ့ဆုံစေရာ ဆုံဆည်းရာလည်း ဖြစ်သည်။ သူရပ်၊ ကိုယ့်ရပ်သူ့အိမ်၊ ကိုယ့်အိမ်၊ လူမှု၊ စီးပွားရေချိန် တိုင်းထွာရာ ပြဒါးတိုင်ပမာလည်း ဖြစ်သည်။ မျက်မှောက်၊ သံသရာ နှစ်ဖြာအကျိုးအတွက် ဒါနမိုးတို့ ရွာသွန်းဖြိုးရာ နေရာလည်း ဖြစ်သည်။
ပုဂံပွဲတော်တို့သည် ၀မ်းရေးအတွက် ဝေးတစ်မြေရပ်ခြား ပြေးလွှား ခွဲခွာနေရသော မိသားစုဝင်များ၊ မိတ်ဆွေ သင်္ဂဟများကို ပြန်လည် တွေ့ဆုံစေရာ ဆုံဆည်းရာလည်း ဖြစ်သည်။ သူရပ်၊ ကိုယ့်ရပ် သူ့အိမ်၊ ကိုယ့်အိမ်၊ လူမှု၊ စီးပွားရေချိန် တိုင်းထွာရာ ပြဒါးတိုင် ပမာလည်း ဖြစ်သည်...

ပုဂံ ဘုရားပွဲတော်များတွင် ယေဘုယျအားဖြင့် ကြည့်လျှင် ဆွမ်းလုံး၊ သပိတ်လုံး ကပ်လှူပွဲပါသည်။ ဆွမ်းဆန်စိမ်း လောင်းလှူပွဲပါသည်။ လင်ပန်းထိုးပါသည်။ ရွှေသွင်း၊ ငွေသွင်း၊ အရုပ်သွင်းပွဲများ ပါသည်။ တချို့က
လှည်းဇာတ်ပါသည်။ ရိုးရာဓလေ့ ချောတိုင်တက်ပွဲ၊ ခေါင်းအုံးရိုက်ပွဲတွေ ပါသည်။ လူငယ်တို့၏ ကိုယ့်အားကိုယ်ကိုး ဘောလုံးပွဲလေးများ ပါသည်။ ဇာတ်ပွဲ၊ ကြည့်ချင်ပွဲ၊ တရားပွဲများလည်း ပါသည်။

ရိုးရာ အစားအစာနှင့် ကျွေးမွေးဧည့်ခံမှုကို ရပ်ကွက် ဘုရားပွဲတိုင်း အစဉ်အလာမပျက် ဆောင်ရွက်ကြသည်။ ကုလားပဲနှင့်ချက်သော မုန့်ဟင်းခါး၊ မုန့်ကျွဲသည်း၊ မုန့်ဖြူ၊ မုန့်နီ၊ ပဲကပ်ကြော် တို့ဖြင့် ဘုရားပွဲလာ ဧည့်ပရိသတ်တို့အား ဖိတ်ခေါ် ကျွေးမွေး ဧည့်ခံသည်။ ရပ်ကွက်အတွင်း သာမက အခြား ရပ်ကွက်များတွင် ရှိသော မိတ်ဆွေ၊ သင်္ဂဟနှင့် သက်ကြီးဝါကြီးများထံလည်း ပေးပို့ကြသည်။

ဘုရားတစ်ဆူနှင့် တစ်ဆူ၊ ရပ်ကွက်တစ်ခုနှင့်တစ်ခု ဘုရားပွဲတော် ကျင်းပပုံချင်း မတူသော်လည်း၊ ၀ါယမ စိုက်ထုတ်မှုခြင်း တူညီကြ၏။ပုဂံဘုရားပွဲတော်များထဲတွင် အစောဆုံး စတင်ပြီး အထင်ရှားဆုံး ဘုရားပွဲမှာ လောကနန္ဒာ ဘုရားပွဲတော် ဖြစ်သည်။ လောကနန္ဒာဘုရားသည် ပထမမြန်မာနိုင်ငံတော်ကို စတင် တည်ထောင်သူ ပုဂံပြည့်ရှင်ဘုရင် အနော်ရထာ၏ ကောင်းမှု ဖြစ်သည်။ ခေတ်ကာလအားဖြင့် အေဒီ(၁၁)ရာစုပင် ဖြစ်သည်။ သီဟိုဠ် ဘုရင် ဆက်သသော ဗုဒ္ဓစွယ်တော်မြတ်ကို သီရိပစ္စယာအရပ် ဆိပ်ကမ်းမှ ပင့်ဆောင်၍ လောကနန္ဒာဘုရား တည်ကာ ဌာပနာ ထားသည်။ ပြည်တွင်း ဘုရားဖူး ခရီးသွားတို့ အဖို့ စွယ်တော်လေးဆူတွင် ပါဝင်သော ဘုရားဆိုလျှင် ပို၍ အမှတ်ရ လွယ်လိမ့်မည်။

လောကနန္ဒာ ဘုရားပွဲတော်ကို ၀ါခေါင်လဆန်း (၇/၈)ရက်နေ့များတွင် ကျင်းပသည်။ ၀ါခေါင်လဆန်း ၈ ရက်နေ့ မနက်တွင် ဒေသခံများ သာမက၊ အနီးဝန်းကျင် ကျေးရွာများမှ ပဲစိုက်၊ နှမ်းစိုက် တောင်သူများ၊ ထန်းတောင်သူများ၊ ဧရာဝတီမြစ်ရိုး တစ်လျှောက်တွင် လောကနန္ဒာ ဘုရားကို နေ့စဉ် ဦးခိုက်ကာ ရေလုပ်ငန်း လုပ်ကိုင် ရှာဖွေ စားသောက်ကြသူများသည် ဘုရားရင်ပြင်တော်သို့ ခါတော်မီ အရောက်လာကြသည်။ ကိုယ့်လုပ်ငန်းခွင် အသီးသီးမှ ရရှိသော ပဲ၊ နှမ်း၊ ကြက်သွန်နှင့် သပိတ်လုံး လာရောက် ကပ်လှူကြသည်။

ဘုရားခြေတော်ရင်း၊ ဧရာဝတီမြစ် အတွင်း၌လည်း ရေလုပ်သားကြီးများက ''ညီညာအပြိုင်၊ ရိုးသံတိုင်လျက်၊ စွဲကိုင်အညီ၊ တက်ကိုချီ၍'' ဆိုသကဲ့သို့ လောင်းလှေများကို တက်ညီလက်ညီ အလှပြ လှော်ခတ်ကြသည်။ ပွဲတော်ကျင်းပစဉ် အတွင်း ညစဉ် တရားပွဲ၊ ကြည့်ချင်ပွဲ၊ ဇာတ်ပွဲများ၊ ရိုးရာ စားသောက်ဆိုင်များ၊ ဈေးသည်များ၊ ချား၊ ရဟတ်များဖြင့် အထူး စည်ကားလှ၏။

ဝါခေါင်လပြည့်နေ့တွင် မြစေတီ ဘုရားပွဲတော်ကို ကျင်းပသည်။ မြစေတီ ဘုရားပွဲတော်နှင့် မနုဟာ ဘုရားပွဲတော်များကို မြင်းကပါ ကျေးရွာကပင် ကျင်းပသော်လည်း မြို့မ ရပ်ကွက်သည် မြစေတီ ဘုရားပွဲကို တာဝန်ယူ၍
တော်သလင်းလပြည့်နေ့တွင် ကျင်းပသော မနူဟာ ဘုရားပွဲတော်ကို ရွှေခြံ၊ ရွှေလယ်၊ စိန်ကုန်း ရပ်ကွက်များက တာဝန်ယူ ကျင်းပကြသည်။ မြစေတီ ဘုရားကို ကျန်စစ်သား၏ သားတော် ရာဇကုမာရ် တည်ထားကောင်းမှုပြု၍၊ မနူဟာဘုရားကိုမူ အနော်ရထာမင်း လက်ထက် သထုံပြည့်ရှင်ဘုရင် မနူဟာ ကောင်းမှု ပြုသည်ဟု မှတ်တမ်းများ ရှိသည်။
ပုဂံဘုရားပွဲတော်များကို အစဉ်အလာမပျက် ကျင်းပနိုင်ရေးနှင့် ယခုထက်ပို၍ စနစ်ကျသော၊ ရိုးရာဓလေ့စရိုက် ယဉ်ကျေးမှုကို ပီပြင်အောင် ဖော်ဆောင်နိုင်သော ပွဲတော်များ ဖြစ်လာစေရန် . .

''ဘုရားပွဲတော် နှစ်ခုလုံး တူညီတဲ့ အချက်တွေကတော့ ရပ်ကွက် အတွင်းမှာရှိတဲ့ ယွန်းလုပ်ငန်းရှင်တွေ၊ ဘုန်းတော်ကြီးကျောင်းတွေ၊ လူငယ်တွေ စုပေါင်းပြီး အရုပ်အပြိုင် ချိုးကြတယ်။ အဖိတ်နေ့တွေမှာ အရုပ်သွင်းပွဲတွေကို
အပြိုင်ကပြီး သွင်းကြတယ်။ စိတ်လွတ်ကိုယ်လွတ် ပျော်ကြတယ်။ တစ်နှစ်ထက်တစ်နှစ် အရုပ်တွေက ပိုများများလာတယ်။ ကောက်ညှင်းဆန် ဖရုံသီးတို့နဲ့ စီမံထားတဲ့ ရိုးရာငါးချဉ် တည်ခင်းတာလည်း အစဉ်အလာမပျက်ပါပဲ''

လပြည့်နေ့များတွင်မူ သုံးလောကထွတ်ထား သဗ္ဗညုဘုရားအား ရည်မှန်း၍ အလှူအတန်း ပြုကြသည်။ သပိတ်လုံး၊ ဆွမ်းလုံးများ လောင်းလှူကြသည်။ ရပ်ကွက်အလိုက် ဘုရားထံ ရွှေဘိုး၊ ငွေဘိုး သွင်းလှူကြသည်။ မနူဟာ ဘုရားပွဲတော်တွင် ဆွမ်းဆန် စိမ်း ၁၇ တင်း ဆံ့သော သပိတ်တော်ကြီးအတွင်း ဆွမ်းများထည့်၍ ဆက်ကပ် လှူဒါန်းသည်။ သပိတ်တော် အတွင်း ဆွမ်းအပြည့် လှူဒါန်းပါက အစားအစာ ငတ်မွတ်ရှားပါးခြင်းဘေးမှ ကင်းဝေသည်ဟု အယူ ရှိကြသည်။ ပြီးလျှင်ရပ်နီး၊ ရပ်ဝေးမှ လာကြသော ဧည့်ပရိသတ် အပေါင်းအား ကျွေးမွေး ဧည့်ခံသည်။ ကျေးငှက်တိရစ္ဆာန်များအား စွန့်ကြဲ ကျွေးမွေးကြသည်။

''မြစေတီ ဘုရားပွဲတော်နဲ့ တန့်ကြည်တောင် စွယ်တော် ဘုရားပွဲက ကျင်းပချိန် အတူတူပဲ။ တန့်ကြည့်တောင်ဘုရားက ဧရာဝတီမြစ် တစ်ဖက်ကမ်းမှာ ဆိုတော့ အဖိတ်နေ့ ညနေမှာ စက်လှေတွေနဲ့ ကူးကြတယ်။ ညဘက် ဆိုရင် တန့်ကြည်တောင်ဘုရား ရင်ပြင်မှာ ပွဲလာသူတွေများလို့ ခြေချစရာတောင် နေရာမရှိဘူး။ တစ်ညလုံးလည်း မအိပ်ကြဘူး။ ပုဂံဘက် ညရှု့ခင်းကလည်း အရမ်းလှတယ်။ ကောင်းကင်ကလည်း သာယာတာကြောင့် နက္ခတ်ကြည့်ပွဲလို့ တချို့က တင်စားကြတယ်။ ပျော်စရာ အရမ်းကောင်းပါတယ်။ လပြည့်နေ့မနက် ရင်ပြင်တော်မှာ သပိတ်လုံး လောင်းလှူကြတယ်''

ထိုနည်းတူ မြင်းကပါ မနုဟာ ဘုရားပွဲနှင့် တုရွင်းတောင် စွယ်တော်ရှင်ဘုရားပွဲ ကျင်းပချိန်လည်း တစ်ချိန်တည်းပင် ဖြစ်သည်။ ဘုရားပွဲတော်များတွင် စည်ကားသိုက်မြိုက်ဆုံး နေ့များသည် အဖိတ်၊ ဥပုသ်နေ့များပင် ဖြစ်သည်။

ပုဂံဘုရားပွဲတော်များတွင် ရပ်ကွက်အလိုက် ပွဲတော်များကိုလည်း အစဉ်အလာမပျက် ကျင်းပကြသည်။ ပျော်ပွဲ၊ ရွှင်ပွဲ၊ ဇာတ်ပွဲများပါသည်။ ပွဲတော်ချိန်ခါတွင် ရပ်ကွက် အလိုက်၊ အိမ်နီးချင်း အလိုက် အပြိုင်အဆိုင် ရက်ရက်ရောရော လှူဒါန်းကြသည်။ ကျွေးမွေးကြသည်။

''အိမ်လာတဲ့ ဧည့်သည်ကို ဧည့်ခံတာ မုန့်ဟင်းခါးဖတ် အချိန်လေးဆယ်ကျော် ကုန်တယ်''ဘုရားပွဲတော်အတွင်း ကုန်ကျသည်များကို ဂုဏ်ယူဝမ်းမြောက်စွာ ထုတ်ဖော် ပြောလေ့ ရှိကြသည်။ အကျဉ်းချုံးဆောင်သော မင်္ဂလာဆောင်ပွဲမျှ ကုန်ကျသည်ဟု သိရသည်။ ရပ်ကွက်အတွင်း ကျင်းပသော ဘုရားပွဲများသည် ညောင်ဦးဘက်တွင် ရှိသကဲ့သို့၊ ပုဂံဘက်တွင်လည်း ရှိသည်၊ ညောင်ဦးတွင် သီရိမင်္ဂလာဘုရားပွဲသည် အစည်ကားဆုံးသော ရပ်ကွက် ပွဲတော်များတွင် ပါဝင်ပြီး၊ ချမ်းသာကြီး ဆုံကုန်းရပ်ရှိ ရွှေယုန်မင်း ဘုရားပွဲသည် သစ်သီးမျိုးစုံ ကပ်လှူသောပွဲ အဖြစ် ထင်ရှားသည်၊၀ါခေါင်လတွင် ကျင်းပကြသည်။

''ပုဂံမြို့ဟောင်းကနေ မြို့သစ်ကို ရွှေ့လိုက်ကြရတော့ ရပ်ကွက်အလိုက် ကျင်းပခဲ့တဲ့ ဘုရားပွဲလေးတွေ အလေ့အထ နည်းသွားတာလည်း ရှိတယ်''

ဝါဆိုလပြည့်ကျော်မှ စတင်၍ အတွင်း အာနန္ဒာ၊ ရှင်ပင်ပွင့်လင်း၊ မဟာဗောဓိ။ ဂူသုံးလုံး၊ မင်းနန်သူ၊ ဆုတောင်းပြည့်၊ သံပျင်စွာ၊ သဉ်လည်ဂူ၊ ရွှေဂူလေး၊ သက်တော်ရ၊ ရွှေတောင်ဦး စသည့် ဘုရားပွဲများကို ရပ်ကွက်အလိုက်
ကျင်းပခဲ့ကြကြောင်း သိရသည်။ ထို့အပြင် နဂါးရုံဘုရားနှင့် ကန်တော့ပလ္လင် ဘုရားပွဲတော်များကိုလည်း သီတင်းကျွတ်လတွင် ကျင်းပကြသည်ဟု သိရသည်။

စိတ်ဝင်စားဖွယ်ကောင်းသော ဘုရားပွဲတော် တစ်ခုမှာ သီတင်းကျွတ် လဆန်း ၅ ရက်နေ့တွင် ကျင်းပသော သင်ပုတ်ကြီးတင်ပွဲ ဖြစ်သည်။ သင်ပုတ်ပလ္လင်ပွဲ ဟူ၍လည်း ခေါ်ဝေါ်ကြသည်။ ရွှေစည်းခုံဘုရား၏ အရိပ် အာဝါသအတွင်း၊ ၀တ္တကမြေ အတွင်း တောင်သူလုပ်ငန်း လုပ်ကိုင်ကြသူ၊ ကုန်စည် ရောင်းဝယ် ဖောက်ကားကြသူများသည် ထိုနေ့တွင် ဘုရားခြေတော်ရင်း လာရောက်ကာ အလှူဒါန ပြုကြသည်။ အချင်းနှစ်ပေခန့် ရှိသော ပေါက်ပေါက်ဆုပ်၊ ဂျုံဖြင့် ပြုလုပ်သော မြင့်မိုရ်တောင်၊ ဟင်္သာရုပ်၊ လိပ်ရုပ်များသည် ထူးခြား၍ စိတ်ဝင်စားဖွယ် ကောင်းသည်။ တောင်သူလုပ်ငန်း၊ အရောင်းအ၀ယ်လုပ်ငန်းများ ကောင်းမွန်ရန် ဆန္ဒပြုကြသည်။ သင်ပုတ်ကြီး တင်ပွဲနေ့တွင် ပလ္လင်ဆေးမိုး ရွာသည်ဟု တောင်သူတို့ အစွဲရှိကြသည်။

တောင်သူလုပ်ငန်း ပြီးဆုံးချိန်၊ ထွန်တုံးပိတ်ချိန်များတွင် ကျင်းပသော ဘုရားပွဲတော်များသည် ပွဲရက် အရှည်ဆုံးနှင့် အစည်ကားဆုံး ပွဲတော်များ ဖြစ်သည်။ ရွှေစည်းခုံ ဘုရားပွဲတော်သည် တန်ဆောင်မုန်းလတွင် ကျင်းပပြီး ပွဲတော်ရက် ရှည်လျားသည်။ အနယ်နယ် အရပ်ရပ်မှ(၁၂)ပွဲ ဈေးသည်များ လာရောက်ကာ ဆိုင်ခန်းပေါင်း တစ်ထောင်ဝန်းကျင် ရှိသည်။ မီးဖိုချောင်သုံး ပစ္စည်းများ၊ တောင်သူလုပ်ငန်းသုံး ပစ္စည်း၊ ကိရိယာများ၊ အ၀တ်အထည်၊ အစားအစာ၊ အသုံးအဆောင် ပစ္စည်းများ မျိုးစုံ လာရောက် ရောင်းချသည်။ ခြင်းပွဲ၊ ဇာတ်ပွဲ၊ အငြိမ့်ပွဲ စုံလှသည်။ လပြည့်နေ့ ရွှေစည်းခုံဘုရား ရင်ပြင်တွင် ကျင်းပသော သံဃာတော်များ သပိတ်လုံး ဆက်ကပ် လှူဒါန်းပွဲမှာ ပြည်ပ ခရီးသွားများကို အဆွဲဆောင်နိုင်ဆုံးပွဲပင် ဖြစ်သည်။

''နိုင်ငံခြားသား အရမ်း သဘောကျကြတယ်။ ပွဲစကနေ ပွဲဆုံးသည် အထိ စောင့်ကြည့်ကြတယ်။ ထိုင်းတို့၊ ဗီယက်နမ်တို့လည်း သဘောကျပြီး ကိုယ်တိုင်ကိုယ်ကျ ၀င်လှူဒါန်းလေ့ ရှိတယ်''
အလိုတော်ပြည့် ဘုရားပွဲသည် နတ်တော်လတွင် ကျင်းပသည်။ လပြည့်နေ့ ဆုတောင်းပွဲတွင် အနယ်နယ်အရပ်ရပ်မှ ယုံကြည်ကိုးကွယ်သူများ တကူးတက လာရောက်သည်။

ပြာသိုပွဲခေါ် အာနန္ဒာဘုရား ပွဲတော်ကြီးကို ပုဂံတွင် ရက်အကြာဆုံး ကျင်းပသည်။ လာရောက် ခင်းကျင်းသော အနယ်နယ်အရပ်ရပ်မှ ဆိုင်ခန်းများမှာ ထောင်ချီသည်။ ထွန်တုံးပိတ်ချိန်မို့ တောင်သူများ မိသားစု အလိုက် ရွာကိုစွန့်ခွာ၍ ပွဲတော်အတွင်း လနှင့်ချီ၍ လာရောက် အခြေချကြသည်။ လှည်းတပ်လှည်းဝိုင်းကြီးများဖြင့် အာနန္ဒာဘုရား အနီးဝန်းကျင် စခန်းချ နေထိုင်ကြသည်။ ကျေးလက် မြန်မာလူမျိုးတို့၏ ဓလေ့စရိုက်၊ စိတ်နေ သဘာဝ၊ ရောင့်ရဲတက်မှု၊ ပေးကမ်းစွန့်ကြဲလှူဒါန်းလိုမှု၊ အပျော်အပါး ခုံမင်မှု တို့ကို တွေ့မြင်နိုင်သည်။

ပြာသိုလပြည့်နေ့တွင်မူ အာနန္ဒာ ဘုရား ရင်ပြင်၌ သပိတ်လုံး လောင်းလှူပွဲ ကျင်းပသည်။ ဆောင်းနံနက်ခင်း၏ အာရုဏ်ဦး နေခြည်အောက်ဝယ် လှူဒါန်းပွဲ အတွက် လှုပ်ရှား ပြင်ဆင်နေကြပုံမှာ ကြည်နူးဖွယ်ကောင်း လှသည်။ ဒေသခံများ၊ တောင်သူများ၊ (၁၂)ပွဲ ဈေးသည်များဖြင့် လှူဒါန်းပွဲသည် စည်ကားလှသည်။

လှူဒါန်းပွဲ ပြီးမြောက်သည်နှင့် ပွဲဈေးခင်း အတွင်း လိုအပ်သည့် အသုံးအဆောင်၊ အ၀တ်အထည်များ၊ တောင်သူလုပ်ငန်းသုံး ပစ္စည်းကိရိယာများ၊ စားစရာများ၊ ကလေးများ အတွက် ကစားစရာများ ၀ယ်ခြမ်းကာ မိမိကျေးရွာ
အသီးသီးသို့ လှည်းတန်းကြီးများဖြင့် စေတီပုထိုးများကြား လာရာလမ်းအတိုင်း ပြန်ကြလေသည်။ ပုဂံပွဲတော်များကား များပြားလှ၏။ တောင်ဇင်း၊ ကွမ်းဖလားနှင့် ပုလင်းရွာ ဘုရားပွဲများကဲ့သို့ အစဉ်အလာကြီးသော
ရွာဘုရားပွဲများလည်း ရှိသေးသည်။

ပုဂံ ရှေးဟောင်းယဉ်ကျေးမှု နယ်မြေ အတွင်းရှိ စေတီ၊ ပုထိုး၊ ဂူဘုရားများ၏ သမိုင်းပုံရိပ်များသည် ကြီးမားလှ၏။ ထို့အတူ စေတီ၊ ပုထိုး၊ ဂူဘုရားများအား ရည်စူး၍ ကျင်းပကြသော ဗုဒ္ဓပူဇနိယ ပွဲတော်များသည်လည်း သမိုင်း အစဉ်အလာ ကြီးမားလှ၏။ ပုဂံ၌ ဘုရားပွဲတော် ကျင်းပချိန်များသည် ဤဒေသ ဖွံ့ဖြိုးရေး အတွက် အဓိက ရေသောက်မြစ်သဖွယ် ဖြစ်သော ကမ္ဘာလှည့် ခရီးသွားလုပ်ငန်း ရာသီချိန်လည်း ဖြစ်သည်။

ပုဂံ ရှေးဟောင်းယဉ်ကျေးမှု အမွေအနှစ် စေတီ၊ ပုထိုး၊ ဂူဘုရားများအား ပြတိုက်ကြီးသဖွယ် ကမ္ဘာလှည့်ခရီးသွားများ လေ့လာနိုင်သကဲ့သို့ အစဉ်အလာ ကြီးမားသော ဘုရားပွဲတော်များတွင်လည်း မြန်မာတို့၏ ယုံကြည်ကိုးကွယ်မှု၊ ယဉ်ကျေးမှု ဓလေ့စရိုက် သဘာဝ၊ ဂီတအနုပညာ၊ ရိုးရာကစားနည်းများ၊ အစားအသောက်များ၊ ၀တ်စားဆင်ယင်ပုံများကို တစ်ပါတည်း လေ့လာနိုင်သည်။

သို့ဖြစ်ရာ ပုဂံဘုရားပွဲတော်များကို အစဉ်အလာမပျက် ကျင်းပနိုင်ရေးနှင့် ယခုထက်ပို၍ စနစ်ကျသော၊ ရိုးရာ ဓလေ့စရိုက် ယဉ်ကျေးမှုကို ပီပြင်အောင် ဖော်ဆောင်နိုင်သော ပွဲတော်များ ဖြစ်လာစေရန် သက်ဆိုင်ရာ ခရီးသွား
လုပ်ငန်းရှင်များ၊ အဖွဲ့အစည်းများ၊ ဒေသခံများ ပူးပေါင်း ဆောင်ရွက်ကြမည် ဆိုလျှင်ဖြင့် ဒေသ အတွက်၊ နိုင်ငံ အတွက် အကျိုးများစွာ ရရှိလိမ့်မည်ဟု မျှော်လင့်မိပါသည်။ ကိုနော် (ပုဂံ)